Andorra (Teruel)

Iste articlo trata sobre o municipio d'Andorra en a provincia de Teruel. Ta atros emplegos se veiga Andorra (desambigación).

Andorra ye un municipio y villa d'a provincia de Teruel, capital d'a comarca d'Andorra-Sierra d'Arcos. A población ye de 8.367 habitants (2011), en una superficie de 142 km².

Andorra
Municipio d'Aragón
Entidat  • País  • Provincia  • Comarca	Municipio  Aragón  Teruel Andorra-Sierra d'Arcos
Superficie	142 km²
Población  • Total	7327 hab. (2013)
Altaria  • Meyana	714 m.
Distancia  • 139 km	enta Teruel
Alcalde	Sofía Ciércoles Bielsa
Codigo postal	44500
Coordenadas	40°58’37’’N 0°26’40’’U
Andorra Andorra en Aragón
Web oficial

Cheografía

A parte viella ye en a costera d'un cabezo que tien en o cabalto a ermita de Sant Macario. A parte nueva s'estendilla por una plana a on antigament i heba basas y una chicota huerta.

A lo norte la sierra d'Arcos y bell releu menor de sierras marguinals a l'este (Portimedio, La Cerrada, Horca Llana y La Tajonera), desparten la fondada d'Arinyo-Andorra de la Depresión d'Ebro.

Mugas

Albalat de l'Arcebispe	Íxar
Arinyo		Alcanyiz
Alloza	Los Olmos, Alcorisa	Alcorisa

Historia

Ye villa independient d'Albalat de l'Arcebispe dende ro 21 de setiembre de1613.

Os días 12 y 13 de marzo de 1938 estió bombardiada per l'aviación italiana entre la Guerra Civil Espanyola.

Toponimia

A primera vegada que Andorra amanixe en a istoria ye ro 27 de setiembre de 1148, como consta en o cartulario menor, fuella 22. documento 51 y en o cartulario mayor fuellas 104b-104´a. documento 66 con a enchaquia "De donatione ecclesiarum camere ad vestuarium canonicorum".Seguntes "El Milagro de San Macario".

Seguntes a tradición enantes se diciba Las Masadicas Royas (y doncas Las Masadas Royas anteriorment) y cambeó ta Andorra. Manimenos a documentación d'Andorra ye antiga, y la veyemos ya en Rationes decimarum Hispaniae (1279-80):

Item a vicario de Andorra

Tamién podemos leyer Andora a principios d'o sieglo XV quan en 1409 Benedet XIII concede a gracia d'o quinto decimero a la fabrica d'a Seu d'o Salvador de Zaragoza y lo aplican en 1412:

Andora. Item die predicte procurator antedictus obtavit Dominicum Ortin. Item Cafran II Onzas

Son interesants os microtoponimos El cascallar, Ferreros, La tajonera, El Plano, Penya Grallero, Val de Lizandra, Presallo, Cenallo, Loma de las Crucilladas y Los Fayos.

Demografía

Evolución demografica

1900	1920	1940	1960	1981	1991	1996	2001	2004	2009
2.510	3.014	2.978	7.795	8.167	8.680	8.282	7.816	7.883	8.403

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido Comunista de Aragón / Izquierda Unida	1	0	-	1	2	1	5	6	5
Partido Popular	-	3	2	3	5	6	4	3	4
Partido de los Socialistas de Aragón	6	9	7	6	6	6	4	4	3
Partido Aragonés	-	-	1	2	0	0	0	0	1
Unión de Centro Democrático	6	-	-	-	-	-	-	-	-
Centro Democrático y Social	-	1	1	1	-	-	-	-	-
Partido de los Trabajadores de España-Unidad Comunista	-	-	1	-	-	-	-	-	-
Independients	-	-	1	-	-	0	-	-	-
Total	13	13	13	13	13	13	13	13	13

Alcaldes

Lista d'alcaldes

Lechislatura	Nombre	Partito politico
1979–1983	Isidro Guía Mateo	Partido de los Socialistas de Aragón
1983–1987	Isidro Guía Mateo	Partido de los Socialistas de Aragón
1987–1991	Isidro Guía Mateo	Partido de los Socialistas de Aragón
1991–1993	Salustiano Sánchez Martín	Centro Democrático y Social
1993-1995	Isidro Guía Mateo	Partido de los Socialistas de Aragón
1995–1999	Isidro Guía Mateo	Partido de los Socialistas de Aragón
1999–2003	Luis Ángel Romero Rodríguez	Izquierda Unida
2003–2007	Luis Ángel Romero Rodríguez	Izquierda Unida
2007–2011	Luis Ángel Romero Rodríguez	Izquierda Unida
2011–2015	Sofía Ciércoles Bielsa	Izquierda Unida
2015-2019	Sofía Ciércoles Bielsa	Izquierda Unida
2019-2023	Antonio Amador Cueto	Partido de los Socialistas de Aragón

Puestos d'intrés

Molimentos relichiosos

• Ermita de Sant Macario, d'o sieglo XVIII. Ye protechita legalment con a suya declaración como Bien d'Intrés Cultural.
• Ermita d'a Virchen d'o Pilar, d'o sieglo XII, en estilo romanico, encara que fue muit esviellata en os sieglos XIV-XVI en estilo gotico. Ye protechita legalment dende 2002 con a suya declaración como Bien d'Intrés Cultural.
• Ilesia d'a Natividat de Nuestra Sinyora, d'os sieglos XVI-XVII. Ye protechita legalment dende 2002 con a suya declaración como Bien d'Intrés Cultural.

Arquitectura civil

• Casal d'os Arcayne.

Museus

• Colección Etnografica d'Angel García Cañada.
• Centro Pastor d'Andorra.
• Museu d'a Semana Santa.
• Museu Menero MWINAS.

Esportes

• O fútbol ye representato por l'Andorra Club de Fútbol.
• Club Ciclista Polideportivo Andorra.
• Zancadas, club d'atletismo.
• Kolectivo Vertical, club de montanya y escalada.
• Club Baloncesto Andorra.
• Club de Badminton Polideportivo Andorra.

Presonalidatz naixitas d'Andorra

Categoría principal: Naixitos d'Andorra (Teruel).

• Antonio Balaguer Pascual, atleta.
• José Iranzo Bielsa, u más conoixito como O pastor d'Andorra (El pastor de Andorra en castellán) ye un d'os más famosos cantaires de hota.

Veyer tamién

• Lista de municipios de Teruel

Vinclos externos

• Se veigan as imachens de Commons sobre Andorra.
• Concello d'Andorra

Bibliografía

• (es) Tomás Domingo Pérez, Maria Rosa Gutiérrez Iglesias. La gracia del quinto diezmero concedida en el año 1409 a la fábrica de la seo por Benedicto XIII y su primera ejecución en 1412. Aragón en la Edad Media Nº 14-15, 1, 1999.