Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O Caucas u Caucaso ye una cordelera situata entre a Mar Negra y a Mar Caspia y que desepara o sud d'Europa oriental y Asia surocidental. Ye una crucillata biocheografica y humana, con gran biodiversidat y habitata por diferents pueblos que parlan diferents luengas. Dende o punto de vista cheopolitico ye una zona conflictiva. Politicament, a redolada se troba dividita entre os estaus de Cheorchia, Armenia, Azerbaichán y Rusia.

Caucas
Кавказ - კავკასია - Կովկաս - Qafqaz
Foto de satelite d'o Caucas
Cheografía
Cordelera {{{cordelera}}}
Sector {{{sector}}}
{{{tpran}}} {{{ran}}}
Maxima altaria 5.642 m. Mont Elbrus
Cimas importants
Largaria 1.200 km
Amplaria
Superficie
Vértiz cheodesico
Subsistemas
Administración
Estau Rusia
Cheorchia
Armenia
Azerbaichán
País
'
Cheolochía
Edat
Materials
Tipo Orochenesi alpina
Mapa

O suyo mont mes alto ye o Mont Elbrús, un estratovolcán de 5.462 metros d'altaria, pero atras tucas destacatas son o mont Dykh Tau (5.203 m), o mont Chkhara (5.068 m), o mont Kazbek (5.047 m), o mont Usba (4.695 m) y o mont Uipata (4.638 m).

Etimolochía editar

Bi ha diferents explicacions etimolochicas u mitolochicas sobre l'orichen d'o toponimo. O suyo nombre deriva, se diz, de Caucas, qui estió l'antipasau mitico d'os caucasians. As luengas turquicas y eslavas prenen o toponimo d'atras luengas preexistents. D'esta traza en ruso ye Кавказ, Kavkaz, en azerín Qafqaz y en turco anatolico Kafkas. Una muestra d'o toponimo en luengas de familias con presencia mes antiga en o caucas ye კავკასიონი, Kawkasioni en cheorchiano, Kovkas u Kovkasum en armenio y قوقاز en persa. As luengas occidentals prenen o toponimo d'o griego Καύκασος, Caucasos y o latín Caucasus.

Cheografía fisica editar

 
O mont Elbrus, a tuca mas alta d'a cordelera y d'Europa.

A cordelera d'o Caucas naixe en o estreito de Kerch a l'ueste, encara que mientres una distancia de 30 km no plega a tener altarias destacatas, que se troban nomás en a parte central d'a cordelera, con cuantos amplos macizos montanyosos que gosan estar cubiertos de chelo y que son d'orichen volcanico:

Bi ha direrencias entre a parte occidental d'a cordelera, a on se troban selvas, a parte central, cubierta por cheleras, y a parte oriental, que gosa estar disertica. Sindembargo, no bi ha diferencias importants entre as versants norte y sud d'a cordelera.

No se i troban vals que permitan trescruzar con facilidat a cordelera, encara que en a suya parte central sí se pueden trobar bellas vías de comunicación, como a val de Terek.

Cheografía politica editar

 
Mapa politico actual d'o Caucas.

Mientres a mayor parte d'o sieglo XX, en o Caucas no bi heba so que tres estaus, Turquía a o sudueste, Persia (y dimpués Irán) a o sudeste y l'Imperio Ruso (y dimpués a Unión Sovietica y Rusia succesivament). Sindembargo, en 1991, con a disolución d'a Unión Sovietica, se i produció una eclosión de nuevos estaus en o Caucas, con a independencia en o suyo sector central d'Armenia, Cheorchia y Azerbaichán. En o sector norte continó formalment o control ruso, encara que con constants conflictos, amás d'os conflictos que producitos entre os nuevos estaus independients, con constants guerras y accions de terrorismo.

Cheografía humana editar

Mencions en fuents medievals aragonesas editar

En aragonés medieval bi ha pocas mencions a esta cordelera. En a traducción herediana d'o Breviarium ab urbe condita escriben Caucaso por traducir dreitament dende o latín:

et a enues orient el mont caspio dela part de mediodia armenia de trasmontana albania de occident armenia et en aq(ue)sta silua hircania abitan muchos tigres armenia es entre los montes tauro / et caucaso et extiendese de capadocia entro enla mar caspio ha depart de Septentrion los montes ceraninos los quales son dictos de esposses lamps delos quales mo(n)tes ixe tigris fluui enlos quales montes esta la archa de Noe son Emp(er)o dos armenias Sobirana / et Jusana asi como dos pannonias et barberia Regno es aiustada co(n) asia cerqua ponto et armenia albania de orient dius la mar Caspio et estiendese alas paludes meotedides por lugares desiertos et incultes

Manimenos en a traducción de "La Flor de las Ystorias d'Orient" obra escriba en francés escrito por Frai Haitón, que yera armenio escriben diferents variants sin vocal final (Coquas, Cochas ecetra), talment presas dende l'armenio orichinal Kovkas.

et son entorno de la montanya de Corcas que es muyt grant et alta açorres et otros auzeles de presa que nacen en aquella montanya todos blancos aquella mo(n)tanya de coquas es entre los mares es asaber la mar mayor que le es deues occident et la mar caspis que le es deues orient aquesta mar caspis no es semblant ala mar de grecia ni ala mar occiana antes es assi como estanyo mas por la su gra(n)deza es clamada mar por q(ue) aquesti es e(s)[l] mayor istanyo del mundo por q(ue) el tiene dela montanya de quoquas entro ha la fin del Regno de perssia et partese toda la tierra de asia en dos partes aq(ue)lla partida que es deues orient es clamada asia la pregona et la otra partida que es occident es clamada asia la mayor
El amplo dela t(ie)rra de hermenia deues occident comarca dela gra(n)t ciudat q(ue) es clamada puerta de fierro la qual el Rey alexandre fizo fundar por las diuerssas naçiones de gentes que habitaua(n) la pregona los quales el no queria que passassen e(n) asia la mayor sin el su ma(n)damiento. Car aquesta ciudat es fundada en v(n) desierto dela mar caspis et toqua la grant montanya de coquas
et fuero(n) tanto auant que plegaro(n) ala montanna de cochas no puede hombre passar de Asia la primera en asia la mayor sin uolumtat de v(n) pueblo de vna ciudat q(ue) el Rey alexandre fizo fundar en vn desierto de mar qui se tiene con aquella montanya de cochas aquella ciudat sobre pre(n)dieron aquellos .x. mil. tartaros en tal manera que los habitadores de aquella no huuieron spaçio ni tiempo de defe(n)der se

En o "Libro d'as Marabillas d'o Mundo", tradueito dende l'anglo-normando pero que prene informacions de l'anterior libro en francés, escriben mont de Cochins:

Et entre aq(ue)lla Rib(e)ra & la gra(n)t mar occeana q(ue) eillos clama(n) la mar maure jaze todo aq(ue)l Regno / Et vers el cabo de sobreste Regno es el mont cochins q(u)i es vno delos mas altos mo(n)tes del mu(n)do & es entre la mar maure & la mar de Caspia / alla ay vn muy estrecho passage / por yr vers jndia / Et por esto fezo el Rey alexandre alli fazer vna cibdat q(ue)l clamaua alexa(n)dre por goardar la t(ier)ra affin q(ue) hombre no(n) passasse sin congia et agora hombre clama aq(ue)lla cibdat porta (^de) fer

Veyer tamién editar

Vinclos externos editar