Espuéndolas

Espuéndolas ye un lugar en o termin municipal de Chaca, comarca de Chacetania y partito chudicial de Chaca, en a provincia de Uesca. A suya población ye de 24 habitants.

Espuéndolas
Lugar d'Aragón
Entidat  • País  • Provincia  • Comarca  • Municipio	Lugar Aragón  Uesca Chacetania Chaca
Población  • Total	18 hab.
Codigo postal	22700
Chentilicio	espuendolense
Coordenatas	42°33’45’’N 0°25’47’’U
Espuéndolas Situación d'Espuéndolas en Aragón

Toponimia

Ye un derivato d'o latín SPONDULA, con diminutivo -ULA dezaga d'a parabra latina Sponda, parabra que en aragonés ha dato Espuenda, Espuenna (en belsetán, y documentato tamién como elemento en romance aragonés en textos latins), Espuena (en aragonés chistabín y aragonés benasqués) y que significa "pendient entre dos faixas", "materials en pendient que deixa un lurte", "marguin de ribazo, campo u canal". Esta parabra ye relacionata tamién con l'apellito Esponera bien conoixito en Íxar.

O nombre ye amanato a o nombre d'o despoblato d'Espula, en o río Galligo, amán de Sardás.

Cheografía

Amán d'Espuéndolas bi ha afloramientos de flysch a on se fan coladas de bardo y piedras.

Historia

Seguntes Agustín Ubieto Arteta, a primer cita documentata d'o lugar ye en 1020/1030, en a obra d'Antonio Ubieto Arteta Cartulario de San Juan de la Peña, I, en Textos Medievales, 6, Valencia 1962, y se documentan os nombres de Espuanduras, Espueuolas, Espuda, Spondelas, Sponolas y Spondras.