Pardina de Sasal

A pardina de Sasal (prenunciau sin l'articlo /par.'di.na sa.sal/) ye una pardina situada en o municipio de Chaca, en a dentrada d'a val d'Aísa, entre os lugars de Latiesas Baixas y O Fraixinal.

Pardina de Sasal
Pardina d'Aragón
Entidat  • País  • Provincia  • Comarca  • Municipio	Pardina  Aragón  Uesca Chacetania Chaca
Población  • Total	0 hab. (2020)
Altaria  • Meyana	842 m.
Codigo postal	22624
Coordenadas	42°36’23’’N 0°39’20’’U
Pardina de Sasal Pardina de Sasal en Aragón

Ye despoblada dende metat d'a decada de 1960 quan os suyos zaguers habitadors, Domingo y Teresa, albandonoron o lugar. En 1489 apareixe ya documentada con 6 fuegos, o mesmo que en o fogache de 1776, por o que se deduce que habió de tener mesmo ilesia parroquial.

L'edificio de tres plantas d'a pardina, d'o que no quedan actualment so que ruinas, ye actualment cletau por o risque de fundimiento. De feito a suya polida chaminera tronco-piramidal ye espaldada dende l'anyo 2014. Bi ha atras dos edificacions menors que yeran emplegadas con fins agricolas y ganaderas.

Vinclos externos

• (es) En www.despobladosenhuesca.com