Gracionépel

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Gracionépel ye un lugar aragonés en o termin municipal de Chaca, comarca de Chacetania y partito chudicial de Chaca, en a provincia de Uesca. A suya población ye de 10 habitants.

Gracionépel
Lugar d'Aragón
Entidat  • País  • Provincia  • Comarca  • Municipio	Lugar  Aragón  Uesca Chacetania Chaca
Partiu chudicial	Chaca
Población  • Total	10 hab.
Altaria  • Meyana	965 m.
Codigo postal	22700
Chentilicio	gracionepino
Coordenadas	42°33’55’’N 0°27’ 6’’U
Gracionépel Gracionépel en Aragón

Cheografía

O lugar de Gracionépel se troba situato a 965 metros d'altaria sobre o livel d'a mar.

Historia

Seguntes Agustín Ubieto Arteta, a primer cita d'o lugar ye de 1061, recullita en a edición por o suyo chirmán Antonio Ubieto Arteta d'o Cartulario de San Juan de la Peña, en Textos Medievales, 9 (Valencia, 1963), y documenta as variants Gracinopol, Grazanuepelo, Grazanupoli, Grazanuepeto, Graçanopele, Grazanuilepe, Graçanueple, Graznuepela, Grazampoli, Graçample, Graçampilo y Garaçanueple.

Molimentos

• Ilesia de Nuestra Sinyora de l'Asumpción de Gracionépel, una ilesia con oríchens en o sieglo XII pero l'edificio d'a quala nomás conserva que bells repuis d'o sieglo XVI en estilo gotico en haber estau esviellada de raso en o sieglo XVIII. Ye la ilesia parroquial d'o lugar.