Wikipedia:Biquiprochecto:Grafía/Grafía B/Equus quagga quagga
| Quagga | ||||||||||||||||||
 Quagga en o zoologico de Londres en 1870. | ||||||||||||||||||
| ||||||||||||||||||
| ||||||||||||||||||
| Equus quagga | ||||||||||||||||||
| Boddaert, 1785 | ||||||||||||||||||
A quagga ó zebra quagga (Equus quagga quagga (Boddaert, 1785)) estió una sozespécie d'a zebra d'as planas (E. quagga), enantes muito abundante, pero que s'extinguió en o sieglo XIX. Túvon caracteristicament os cuerpos suyos sin de rayas por a contra d'a resta d'espécies de zebras, e con a espalda e las ancas de color marron royenca.
Havion as rayas restringitas sólo que ta la cabeça, o cuello e los costatos, con a espalda e lo culo de color marron e las patas e ancas completament blancas. Todas êstas diferéncias respeutives a las altras zebras fíçon que originalment la quaternësen drento d'altra espécie diferent, en os tiempos d'a suya primera clasificacion en l'año 1788. Atualment, las quaggas han estato los unicos animals extingitos que ne s'ha puesto quitar lo DNA, permitendo asinas que se demostrëse que hevan estato siempre una sozespécie más d'a zebra d'as planas.
As quaggas formon siempre rebanyos en o sud de Surafrica, más que más en a província de Lo Cabo. O suyo nombre proviëne d'a luenga d'o pueblo Khoi (os Hutentotes) e ye onomatopeyico en o suyo origen, derivato d'o relincar carateristico d'êstas béstias.
As quaggas estion caçatas furament con a plegada d'os primers holandeses por a suya carne e la suya piel. En o sieglo XIX, a coloniçacion d'o interior d'o continente por os Bóers que no querevan a soberania inglesaen a colónia fiço que se matësen cientos d'eixemplars, enmarcata en un plan pa exterminar os animals salvages d'a redolada pa emplegar os pratos como sôstento pa la ganaderia. A poblacion d'êstos animals en libertat la fíçon descender profusament en aquels anyos, dica que la sozespécie yera ya extingita de raso en Surafrica en l'anyo 1870. O 12 d'agosto de 1883 môrió en o parque zoologico d'Amsterdam o zaguer eixemplar d'êste animal, perdendo-se ta cutio la sozespécie con él.
A dêsponibilidat d'o DNA d'a quagga no ha feito que s'emprencipäse garra projeuto pa recuperar-la meyant a clonacion. No obstant, han feito operativo en Surafrica, dende 1987, un projeuto de cria selectiva d'eixemplares d'una sozespécie parellana en a que se mira de quitar-ne los exemplares naixitos con caracteristicas mäs semilars a la quagga e reproducir-los d'entre ellos. O Projeuto Quagga lo emprencipon con 205 zebras criyaderas d'o vecino Parque Nacional d'Etosha, en Namíbia.
Vinclos externos
editar
Se veigan las imagens de Commons sobre Quaggas.- (en) Pagina oficial de lo Projeuto Quagga
