Amsterdam

Articlo d'os 1000

Amsterdam ye una ciudat neerlandesa, que ye a capital d'o país, encara que a seu d'o Gubierno neerlandés y d'o Poder chudicial se troba en a ciudat de Den Haag. Sí que ye a seu d'o Poder lechislativo, o Parlamento d'os Países Baixos. Amsterdam ye tamién a ciudat con mayor numero d'habitants d'a provincia d'Holanda d'o Norte u Holanda Septentrional y d'os Países Baixos.

Amsterdam
Localidat d'os Países Baixos
Bandera Escudo d'armas
O Keizersgracht d'Amsterdam en a nueit
O Keizersgracht d'Amsterdam en a nueit.
Estau
 • Provincia
Flag of the Netherlands.svg Países Baixos
Holanda d'o Norte u Holanda Septentrional
Superficie 219 km²
Población
 • Total
 • Densidat

825080 hab. (2015)
3.698 hab/km²
Altaria
 • Meyana

m.
Codigo postal 1011 – 1109
Ríos Río Amstel
Coordenadas
Amsterdam ubicada en Países Baixos
Amsterdam
Amsterdam
Amsterdam en Países Baixos
Web oficial

A suya población ye de 809.892 habitants, en una superficie de 219 km², con una densidat de población de 3.698 hab/km² (2014). Sindembargo, a suya aria metropolitana tien 2.300.000 habitants, y en fa parte d'una conurbación de 7.100.000 habitants.

CheografíaEditar

A ciudat d'Amsterdam fa parte d'a provincia d'Holanda d'o Norte u Holanda Septentrional, y ye situata a man d'a provincia d'Utrecht y d'a provincia de Flevoland, a cantos d'o río Amstel, en a suya desembocadura en o río Ij, formando asinas un gran numero de canals que trescruzan a ciudat, que ye a 2 metros d'altaria sobre o libel d'a mar.

Os territorios arredol d'a ciudat son planos y formatos por terrenos robatos a o mar con os polders, y trescruzatos por a Canal d'a Mar d'o Norte, que une a ciudat con a mar d'o Norte.

EsporteEditar

L'esporte mes popular a Amsterdam ye o fútbol, y o mes practicato ye o ciclismo, gran parti d'a suya población utiliza a bicicleta como meyo de transporte habitual.

Ista ciudat ye a seu d'o equipe de fútbol AFC Ajax, un d'os mes conoixitos d'o país, que partecipa en l'Eredivisie, a primera división de fútbol d'os Países Baixos y tamién a sobén en a Liga de Campions Europea.

Competicions esportivasEditar

Amsterdam ha organizau os Chuegos Olimpicos en a suya edición de 1928. O barrio d'Amstelveen, fue a seu de l'EuroHockey Masculín 2021, entre d'atras competicions internacional importants.

A maratón d'Amsterdam se celebra ininterrompidament dende l'anyo 1975 y ye una d'as mas prestigiosas d'Europa per estar una d'as mas planas que s'organizan y concentrar una gran numero de corredors d'alto libel.

Intalacions esportivasEditar

L'antigo Estadio Olimpico ha estau restaurau y actualment ye utilizau ta fer escayecimientos culturals y esportivos, cal destacar que ye o prencipio y final d'a Maratón d'Amsterdam.

L'Amsterdam ArenA, ye un estadio de fútbol a on chuga os partidos como local l'Ajax, también estió a seu de l'equipe de fútbol americán Amsterdam Admirals huei desapareixiu.

O Estadio Wagener ta hockey sobre hierba ye un lugar a on se fan competicions nacionals y internacionals importants prencipalment d'iste esporte.

O Centro d'Exposicions RAI Amsterdam ye seu de competicions internacionals de chimnasia.

Galería d'imachensEditar


Localidatz achirmanadasEditar

Vinclos externosEditar