Zebra
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
| Zebras | ||||||||||||||||
 Equus quagga chapmanii, zebras de Chapman. | ||||||||||||||||
| ||||||||||||||||
| ||||||||||||||||
As zebras son un grupo parafiletico drento d'o chenero Equus, que más responde a una denominación popular pa una serie d'especies d'este chenero que no a garra grupo evolutivo (holofiletico) definiu. Con tot y con ixo, bi ha toda una serie d'autors que las consideran como subchenero, que claman Hippotigris.
A denominación zebra ye más referida pa os equidos que tienen rayas que no pa os altros. Os estudios cheneticos d'as diferents especies d'estos animals demostroron que no bi ha más vinclo entre ellas que con os caballos y burros. O nombre d'as zebras lis ne dioron os navegants portugueses que primer plegoron ta Africa, basando-se de raso en l'aspecto fisico d'aquellos animals que primero i veyoron, que yera más pareixito con as enzebras que ellos conoixeban d'Iberia si que con garra altra cosa.
As zebras se conoixe que son encara huei uns d'os equidos más antigos, más que más a zebra de Grevy, y que os altros bi salioron dimpués a partir d'ancestros comuns con caballos y someros. A caracteristica más rolliguera que cal referir d'as zebras no son que as rayas suyas, que s'alzan como churrumallos por tot lo suyo cuerpo. Son animals d'as grans planas d'Africa porque diz que se estinguioron d'a resta d'os continents. Viven en ramadas en dó lo líder ye un masto que ye o solo en aparellar-se. En tiempos de sequera bellos grupos s'achuntan pa emprender migracions que a ormino conciden parcialment con as d'altros animals d'a sabana, como os nyus, pa buscar-se zonas en dó i haiga hierba más verde.
As zebras son grans correderas, y quan se veyen encorritas de cerca pueden fer maniobras en ziga-zaga pa esbarrar-se. As luitas entre os mastos se fan a muesos y calces. Se conoixe que as zebras son de buen domesticar, y especialment porque belunas d'as especies son resistents a la fizada d'os insectos y a determinadas malotías que éstos transmiten, fuoron apreciadas por os mainates colonialistas d'o sieglo XIX en Africa, que i viyoron una oportunidat pa aproveitar-las como animals de carga y d'abríos en dó con os mastos y caballos no i feban negocio. A frebera d'este aspecto estió tan important que se gosó plegar que i hesen zebras que tiraban de carruaches en as carreras de Londres, por eixemplo.
ImachensEditar
A zebra de Grevy estió un d'os primers linaches que s'alpartoron d'o chenero Equus.
En relincando.
Ramada.
Mastos peleyando-se.
Especies y subespeciesEditar
- Zebra d'as planas u común; Equus quagga.
- Quagga; Equus quagga quagga.
- Zebra de Burchell; Equus quagga burchellii, enantes clamada Equus burchellii.
- Zebra de Grant; Equus quagga boehmi.
- Zebra de Selous; Equus quagga borensis.
- Zebra de Chapman; Equus quagga chapmanii.
- Zebra de Crawshay; Equus quagga crawshayi.
- Zebra de montaña; Equus zebra.
- Zebra de Hartmann; Equus hartmannae.
- Zebra de Grevy; Equus grevyi.
Vinclos externosEditar
Se veigan as imachens de Commons sobre zebras.- (en) Fotos de zebras, ilustracions y feitos divertidos
- (en) A moda decimononica d'amontar zebras y meter-les aparellos
