Vicente Ferraz y Turmo

escritor espanyol
Start hand.svg Ista fuella ye escrita en benasqués.
Vicente Ferraz Turmo
Información personal
Calendata de naixencia 10 d'octubre de 1867
Puesto de naixencia Flag of Aragon.svg Benás, Uesca
Calendata de muerte 20 de febrero de 1932
Edat 64 ans
Puesto de muerte Flag of the Basque Country.svg San Sebastián, Guipuzcua
Ocupación Escritor, profesor, catedratico y director d'instituto
Conchuche Dolores Castán Turmo
Fillos Vicente Ferraz y Castán, Felisa Ferraz Castán

Vicente Ferraz y Turmo (Benás, Ribagorza, 10 d'octubre de 1867[1] - San Sebastián, Guipuzcua, 20 de febrero de 1932) va estar un doctor en Dreto, filologo, escritor, profesor y catedratico aragonés de Llengua y Literatura. Yebe el pai de Vicente Ferraz y Castán y suegro d'Ángel Ballarín Cornel.[2]

Naixéu de casa Faure, a la vila de Benás, se va llicenciar en Dreto a la Universidat de Zaragoza y dimpués va ser doctor per la Universidat Central de Madrit. Tamé estaríe ben lluego doctor en Filosofía y Lletres per la Universidat Central de Madrit. Va fer de profesor en primeres, dimpués de catedratico en que va sacar pllaza en 1901, y a partir de 1920 de director de l'Instituto General y Técnico de San Sebastián a la capital guipuzcuana, agon viuríe dica la suya muòrt en 1932.[1]

Se va casar dan la suya prima Dolores Castán Turmo,[2] dan qui tinríe hueito fills. Ye autor d'el vocabulario que se diu Colección de voces aragonesas del dialecto de Benasque, publlicau en 1917, per hu que ye el primer d'els vocabularis d'el benasqués de la era moderna. El quatreno fillo suyo, Vicente, dezaga de dos ans de muòrto el pai, tamé va publlicar un vocabulario d'el benasqués en 1934 d'el qual se sospite que Ferraz y Turmo hebe estau el principal repllegador.[2]

ReferenciasEditar

  1. 1,0 1,1 (es) Semblanza de Ferraz Turmo, Vicente a la Eusko Ikaskuntza, consultada el 5 de chinero de 2020.
  2. 2,0 2,1 2,2 FERRAZ CASTÁN, Vicente, Vocabulario del dialecto que se habla en la Alta Ribagorza (1934) (Facsímil). Aladrada ediciones. Zaragoza, 2013. ISBN 978-84-940886-6-7

Se veigue taménEditar