Turdus merula
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Turdus merula | |
|---|---|
 | |
| Denominacions populars | |
| Estau de conservación | |
| Clasificación cientifica | |
| Eukaryota | |
| Animalia | |
Filo:
|
Chordata |
| Aves | |
| Passeriformes | |
| Turdidae | |
| Turdus | |
| T. merula | |
| Descripción | |
Turdus merula
LINNAEUS, 1758 | |
| Distribución cheografica | |
 Verde fusca = resident. Verde clara = estival. Amariella = hibernal. Marrón = introducida. | |
A merla común (nombre cientifico: Turdus merula (L., 1758)) ye una especie d'au paseriforme d'a familia Turdidae; unas d'as millor reconoixibles d'o chenero Turdus por tener os masclos o plumache de color negra intensa y, en temporada de reproducción,[2] o pizco y os parpiellos amariellos u naranchas vivos.
Descripción editar
A merla ye un paixaro d'arredol de 25 cm de largaria y entre 75 y 120 gramos de peso,[2] sin diferenciar-se os sexos por a mida.
Os masclos adultos destacan por as plumas negras y brillants que tienen y por tener o pizco y os parpiellos (vistables con a forma d'un disco arredol d'o uello) de color amarellisca u narancha, que reviscola en a temporada nupcial. As fembras y os chóvens son de color marrón discreta,[2] prou lisa, anque en bel eixemplar puet presentar-se piquetas d'una tonalidat marrón una mica mas fusca y mas u menos vistables contra la resta.
Alimentación editar
Como todas as tordas, a merla ye omnivora pero prefiere os insectos, cucos y atros ivertebraus como limacos y caragols. Tamién mincha fruitos, como bayas y drupas que pilla entre as bardas y matullos por a on que gosa esbulligar. Eventualment tamién caza vertebraus chicorrons, como ranuecos y engardaixinas.[2]
Habitat editar
A merla ye una especie de selva que s'ha adaptau a muitos atros habitats, como parques y bardas en arias urbanas, sin guaire dificultat. Necesita que i haiga buena cobertura d'árbols.[2]
Ye una especie territorial, que defensa y marca lo suyo territorio con o cantao, de regular de maitins y en a tardada.[2] Os masclos defensan agresivament lo territorio contra las intrusions d'atras merlas y dica atras especies de paixaros.
Fa o niedo bien amagau entre os arbustos, as hiedras u menos vegadas en a corona d'os árbols. A cobada gosa estar feta de 5 uevos que coba la fembra.[2]
Referencias editar
- ↑ (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.
- ↑ 2,0 2,1 2,2 2,3 2,4 2,5 2,6 (es) Losange, Aves de España y Europa. Susaeta Ediciones. Madrid, 2012. ISBN 9788499281407
Se veiga tamién editar
Vinclos externos editar
Se veigan as imáchens de Commons sobre Turdus merula.
Wikispecies tiene un articlo sobre Turdus merula.
