Sufixo -iu

Lo sufixo -iu, -ida deriva de lo latín -ITU, coincide con lo morfema pa formar participios y se fa servir pa creyar substantivos y adchectivos a partir de verbos y substantivos.

En aragonés central presenta la variant -ito, -ita. Los verbos de la segunda conchugación en -er presentan la variant -eu, -eda en benasqués. En la resta de l'aragonés, y a diferiencia de lo sufixo -au, se puede sentir as formas masculinas orichinals con -d- -ido en bella palabra u en bella variedat.

Abstractos verbals

En latín s'anyade la desinencia -US, -ŪS a los participios pasivos de la quarta conchugación de verbos en -ĪRE y producindo derivaus como AUDĪTUS, BULLĪTUS, CROCĪTUS, MŪGĪTUS, ecetra, que son nombres d'acccions y los suyos resultaus. Belunas d'estas palabras esvevinioron palabras patrimonials en la evolución dende lo latín ta l'aragonés:

• AUDĪTUS > uído / o(y)ido.

Dende esta clase de resultaus con -ido l'aragonés con creyó nuevas palabras, que en los zaguers sieglos tienen la terminación -iu. Lo nombre de l'acción y lo suyo resultau ye de chenero feminín muitas vegadas:

• Cayida. En benasqués se documenta la variant cayeda, d'acuerdo con morfolochía verbal de participios en -eu, -eda en la segunda conchugación. La forma caita de lo chistabín representa una irregularidat por estar un participio fuerte. Cayida-cayita-caita-cayeda se relaciona en significau con cayedura.
• Corrida: de correr.
• Creixida de creixer. En benasqués se documenta la variant creixeda, d'acuerdo con morfolochía verbal de participios en -eu, -eda de los verbos acabaus en -eixer.

segunda conchugación.

• Despedida: de despedir-se.
• Dormida: de dormir.
• Fuyida: de fuyir.
• Muyida: de muyir.
• Oída: d'oyir.
• Salida: de salir. En ansotano existe la forma fosilizada salitas en contexto d'absentismo escolar.
• Tenida: de tener.

Fenomenos atmosfericos, meteorolochicos, cheolochicos y biolochicos

Los fenomenos y procesos naturals tienen una acción y un resultau que se pueden expresar con este sufixo. Bi ha casos de derivación a partir de substantivos y a partir de verbos.

• Creixida.
• Entorcida. En benasqués se documenta la variant entorceda con seseyo, d'acuerdo con morfolochía verbal de participios en -eu, -eda en la segunda conchugación.
• Escureixiu.
• Funyida.
• Plevida. En benasqués se documenta la variant plloveda, d'acuerdo con morfolochía verbal de participios en -eu, -eda en la conchugación benasquesa de verbos acabau en -re.
• Sulsida.

Este mesmo matiz de nombrar fenomenos naturals lo da lo sufixo -au a los derivaus de verbos que no son de ni de la segunda conchugación ni de la tercera conchugación: chelada, pedregada, nevada, revesada, ruixada, tronada, volada, airada, barrancada, esbalzada, florada, riada, rosada, torrocada, ecetra.

Sonius

Entre los nombres d'acción y resultau de verbos de la quarta conchugación en -ĪRE bi heba muitos nombres de sonius u cosas que feban ruido (BULLĪTUS), en especial sonius produeitos por animals (CROCĪTUS, MŪGĪTUS):

• RŪGĪTUS > ruido.

Dende esta clase de resultaus patrimonials con -ido l'aragonés creyó nuevos substantivos que nombraban ruidos y sonius, mesmo relacionaus con la primera conchugación en -ar:

• Chifliu / chiflito / chufliu: de chuflar, que tiene como participio chuflau.
• Esclafiu.
• Latiu.
• Rotiu / rutido: de rotar, que tiene como participio rotau.
• Soniu: de sonar, que tiene como participio sonau.

Sonius d'animals

Ta más detalles, veyer l'articlo lista de sonius d'animalsveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

En especial s'emplega lo sufixo -ido > -iu pa nombrar sonius d'animals:

• Beliu / belido: de balar.
• Bramiu / bramido / gramito / gramiu: de bramar, que tiene como participio bramau.
• Bufiu: de bufar, que tiene como participio bufau.
• Escanyutido: d' escanyutar, sinonimo de ladrar.
• Ladriu / lladriu: de ladrar, sinonimo d' escanyutar.
• Miulido: de migolar / miolar / miular / maular.
• Otiliu / otulido: d' otilar.
• Turrulido.

Substantivos con un significau restreito respecto a lo verbo

• Bebida.
• Fendida.
• Redetiu / redetido / / derretiu: lardo.
• Pareixiu.
• Vestiu.

Adchectivos cualitativos provinients de verbos

• Cruixiu.
• Cociu: de cocer.
• Creixiu.
• Chupiu: de chupir.
• Encheberdiu.
• Esllanguiu.
• Floriu.
• Podriu.
• Rustiu.
• Sulsiu / sunsiu

Adchectivos cualitativos sin relación con verbos

• Desdolceguiu.
• Empanchorriu.
• Esbafoliu.
• Encanlloquiu.
• Estequiu.

Colectivo, locativo, puesto, territorio

• Coloriu.
• Collida.
• Estendida. En benasqués se documenta la variant esteneda, d'acuerdo con morfolochía verbal de participios en -eu, -eda en la conchugación benasquesa de verbos acabau en -re.
• Oyiu / oyido.
• Sobrecollida.
• Partida.
• Tenida.

Comparanza con atras luengas romances

Las atras luengas romances presentan formas pareixidas, sobre tot en las formas femininas.

En las luengas ibero-romances como lo galaico-portugués, l'astur-leyonés y lo castellán las formas son -ido, -ida.

En occitán y catalán las formas son -it, -ida. En francés la forma ye -i y -ie. En aragonés medieval s'adaptó dentre lo francés u l'occitán ardido.

L'italián, que conserva part de las xordas intervocalicas latinas, presenta formas pareixidas a l'aragonés central (-ito, -ita).

Bibliografía

• (es) KUHN, Alwin, El Dialecto Altoaragonés (traducción de l'orichinal de 1935); Xordica Editorial. Zaragoza, 2008. ISBN 978-84-96457-41-6
• (es) David A. Pharies: Diccionario Etimológico de Los Sufijos Españoles: Y de Otros Elementos Finales Volumen 25 de Biblioteca románica hispánica. Gredos, Editorial, S.A., 2002 ISBN 8424923391, 9788424923396.
• (es) BARCOS, Miguel Ánchel: El Aragonés Ansotano: estudio lingüístico de Ansó y Fago. Gara d'Edizions. Zaragoza, 2007.
• (es) Lozano, Ch.: Aspectos Lingüisticos de Tella. Aragonés de Sobrarbe (Huesca). Gara d'Edizions - Prensas Universitarias de Zaragoza - Institución Fernando el Católico. 2010.
• (es) José Antonio Saura Rami: Elementos de fonética y morfosintaxis benasquesas. Gara d'Edizions, Institución Fernando el Católico, 2003.
• (es) Chabier Tomás Arias: El aragonés del Biello Sobrarbe. Instituto de Estudios Altoaragoneses. (1999).
• (es) Artur Quintana i Font: El Aragonés nuclear de Nerín y Sercué (Valle de Vio), Ed. Gara d'Edicions + Institución Fernando el Católico + Diputación de Zaragoza; Zaragoza 2007. ISBN 978-84-8094-060-3.
• (es) Brian Mott: El Habla de Gistain. Instituto de Estudios Altoaragoneses, 1989.

Se veiga tamién

• Sufixo -ido (atono).
• Sufixo -au.