Cuenca de Pamplona
La Cuenca de Pamplona (en basco Iruñerria) ye una comarca de la Comunidat Foral de Navarra. La mugan con criterios estreitament fisicos y agafa la capital, Pamplona, con la suya aria metropolitana.
| Cuenca de Pamplona Iruñerria | |
| Comarca de Navarra | |
 Sanfermines | |
| Capital •Municipios |
Pamplona 27 |
| Entidat •Comunidat •Provincia |
Comarca NavarraNavarra |
 Mapa de situación en Navarra | |
DescripciónEditar
Ye una un gran val con forma de uego -la cuenca- creyata por lo río Arga y bells afluents suyos, entre los que destacan Ulzama, Elorz y Arakil, que desembocan en l'Arga en diferens puntos de la comarca.
I conviven dos espacios humans bien diferenciatos: l'aria urbana de Pamplona, densament poblata, y la periferia rural que la environa. La colonización de la periferia fue seguindo lo modelo d'expansión urbana de taca d'aceite (creyación de satelites residencials y industrials).
Lo nuclio de la cuencaEditar
Lo nuclio de la cuenca ye la parte central, urbanizata, densament construita y poblata. Ye contenito drentro de l'aria metropolitana de Pamplona y la forman los municipios de: Pamplona, Villava, Uhart, Burlada, Barañáin, Ansoáin, Olza, Zizur Mayor, Zizur, Galar, Beriáin, Noáin-Val d'Elorz, Val d'Aranguren y Val d'Egües.
La periferiaEditar
Bi ha un conchunto de vals a lo norte y ueste que dan a la comarca una forma asimetrica, más gran en dirección norueste. Son en la periferia a Val d'Ollo, Cendea de Iza, val de Gulina, val de Chus la Penya, Ezkabate, Olaibar, Tiebas-Muru Artederreta, Val d'Echauri, Echauri, Vidaurreta, Echarri, Ciriza y Belascoáin. Nomás que Ezkabarte perteneixe a l'aria metropolitana. Son nuclios rurals de tot, manimenos tienen urbanizacions y segundas residencias.
Organo de chestiónEditar
Bi ha un organismo supramunicipal, la Mancomunidat de la Comarca de Pamplona, que chestiona pa los municipios lo ciclo de l'augua, replega de vasuras y trasporte urbán de comarca (TUC). S'ha de sinyalar que n'esta mancomunidat bi ha municipios d'atras comarcas, como Mont-reyal, Esteribar u Ultzama.
Vinclos externosEditar
| Municipios d'a Cuenca de Pamplona | |
|---|---|
| Ansoáin | Aranguren | Barañáin | Belascoáin | Beriáin | Berrio Plano | Berriozar | Bidaurreta | Burlata | Ciriza | Chus la Penya | Echarri | Egüés | Etxauri | Ezcabarte | Galar | Iza | Noáin | Oláibar | Olza | Orcoyen | Pamplona | Tiebas-Muru Artederreta | Uhart | Val d'Ollo | Villava | Zabalza | Zizur | Zizur Mayor |