Pui Moreno (orografía)

(Reendrezau dende Pui Moreno (pueyo))
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Pui Moreno
Situación
Situación Pui Moreno (Alcanyiz, Teruel).
Latitut
Lonchitut
Vértiz cheodesico
Cheografía
Cordelera Depresión d'Ebro
Sierra
Macizo
Altaria 465 m
Alpinismo
Primera puyada
Ruta mas fácil Dende Pui Moreno
Mapa

Pui Moreno ye un cabezo de 465 metros d'altaria situau en l'interfluvio entre los ríos Martín y Regallo, en lo termin municipal d'Alcanyiz cerca de la pedanía homonima (Teruel). En lo suyo cabalto bi ha un vértiz cheodesico.

Presenta grauwackas, losetas y cuarcitas d'edat carbonifera,[1] una representación chica de rodeno asimilable a Permo-Bunt y almendrons paleochenos deformaus,[2] que destacan respecto a los materials miocenos de la redolada discordants sobre los anteriors. Ye un punto cheolochico singular por estar lo solo punto de la depresión d'Ebro con un afloramiento paleozoico y por la suya estructura cheolochica consistent en una cabalgamiento d'este Paleozoico enta lo norte sobre lo Paleoceno plegando las capas eocenas creyando plegos verchents enta lo norte.

Toponimia editar

L'oronimo pui Moreno ye una forma derivada de pueyo Moreno, microtoponimo que fa referencia a la tonalidat escura de las losetas y grauwackas que contrastan con los materials royiscos y blanquiscos miocenos que lo rodeyan, d'astí que tamién se diga cabezo Negro.[3]

En los documentos de lo Monesterio de Rueda bi ha referencias a un pueyo Moreno en lo texto de mollonamiento de 1344 entre Escatrón y Casp:

...justados primerament a hun lugar en una linde que do fueron trobadas tres cruzes antigas, et partiendo de ally fueron dreyto a una linde que es diuso hun pueyo que clamado Pueyo Moreno, en la qual linde fue feyto otro mullon; et de aquel secundo mullon va a huna linde do fue feyta una cruz et de la dita linde passa tanto hun campo de Garcia Domingo, et va a Pueyo Royo dreyto, do fue feyto otro mullon; et de Pueyo Royo va por una fueya a una linde do fue feyto otro mullon; et de ally passa por una linde plana do ha una cruz et va dreyto a hun cabezuelo redondo do fue feyto otro mullon; et de aquel cabezuelo passa et va por una linde plana canto la Fueya de Collarada...[4]

Lo pueyo royo d'este documento corresponde a l'actual toponimo Pie de Cabezo Royo un poco a lo sudeste de pui Moreno, con l'afloramiento de rodeno asimilable a lo Permo-Bunt.

Referencias editar

  1. (es) José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984.
  2. (es) Instituto Geológico y Minero de España: Mapa Geológico de España E 1:50.000. Albalate del Arzobispo. Servicio de publicaciones del Ministerio de Industria y Energía, 1981. pp 3-4, pp 9-10.
  3. (es) Eduardo Viñuales Cobos (coordinador): Red natural de Aragón. nº 15, Bajo Aragón Prames, 2007. pp 104-106.
  4. (es) María Concepción Contel Barea: El Cister zaragozano en los siglos XIII y XIV. Abadía de Nuestra Señora de Rueda de Ebro. II. Documentos. Publicau en: Cuadernos de historia Jerónimo Zurita, nº. 31-32, 1978, pp. 384-385.

Bibliografía editar

Se veiga tamién editar

Vinclos externos editar