Javier Callizo Soneiro

Javier Callizo Soneiro
Consellero de Cultura y Turismo d'o Gubierno d'Aragón
5 d'agosto de 1999 – 7 de chulio de 2003
President	Marcelino Iglesias Ricou
Gubierno	Primer Gubierno Iglesias
Precediu por	Vicente Bielza de Ory (Educación y Cultura) Jesús Muro Navarro (Industria, Comercio y Turismo)
Succediu por	Eva Almunia Badía (Educación y Cultura) Arturo Aliaga López (Industria, Comercio y Turismo)
Naiximiento	10 de marzo de 1956 Echo (Chacetania)
Partiu	Partido Aragonés
Profesión	Politico y cheografo
Alma Máter	Universidat de Zaragoza

Javier Callizo Soneiro (Echo, Val d'Echo, Chacetania, 10 de marzo de 1956) ye un politico, cheografo y profesor universitario aragonés, que estió consellero de Cultura y Turismo, viceconsellero de Politica Territorial y de Turismo, y Director Cheneral de Patrimonio Cultural y secretario cheneral tecnico d'o Departamento d'Industria, Competitividat y Desarrollo Empresarial d'o Gubierno d'Aragón.

Biografía

Naixiu d'a villa de Echo, estudió o bachillerato en l'Instituto “Domingo Miral” de Chaca. En 1978, se licenció en Filosofía y Letras por a Universidat de Zaragoza, con sobresalient cum laude y Premio Extraordinario, con una tesina sobre a ciudad de Uesca. En 1986, y en a mesma universidat, se doctoró en Cheografía, asinas mesmo cum laude y Premio Extraordinario, con una tesi sobre o ret urbano de Uesca.

Profesor universitario

En 1989 ganó por oposición a plaza de profesor titular de Cheografía Humana en a Universidat de Zaragoza. A lo largo d'a suya carrera academica ha feito tamién estadas en cuantas universidaz y centros d'investigación foranos: Institut de Géographie Alpine de Grenoble, Centre des Hautes Études Touristiques d'a Universidat d'Ais de Provença, Academia de Ciencias de Varsovia y Instituto de Cheografía de Cracovia. Ha estau profesor convidau en a Universidat de Pau (a on ocupó mientres o curso 1991-92 a catedra pa investigadors foranos creyada por o parque tecnolochico Hélioparc) y i estió tamién en 1999, en o marco d'o prestichioso programa de doctorau d'o parisién Institut de Geégraphie (que se troba en o 191 d'a rue Saint Jacques) que comparten as universisaz de París I-Sorbona, París IV y París VII.

Perteneixe a o grupo d'Ocio y Turismo de l'Asociación de Cheografos Espanyols (AGE), a l'Asociación Espanyola d'Expertos Cientificos en Turismo (AECIT) y a o grupo internacional d'investigación “MIT-3” (Mobilité, Itineraires, Territoires) que coordina o Dr. R. Knafou, profesor emerito en a Universidat de París I-Sorbona.

Ha feito pa l'Asociación Espanyola d'Expertos Cientificos en Turismo (AECIT) os informes anyals de conchuntura d'o Turismo en Aragón y conta con a-saber-las publicacions cientificas adedicadas en a suya mayoría a o estudio d'o sistema urbano aragonés y a os problemas d'organización d'o espacio turistico.

Ha estau president d'a Comisión d'Innovación y Desarrollo Tecnolochico d'a Comunidat de Treballo d'os Pireneus; vocal d'o Consello Economico y Social d'Aragón; vocal d'o Consello d'Ordenación d'o Territorio d'a Deputación Cheneral de Aragón y miembro d'o Comité Cientifico pa o estudio d'a Travesía Ferroviaria por o Pireneu Central (túnel de Comachibosa).

Carrera politica

Militant d'o Partido Aragonés (PAR) dende l'anyo 1999, mientres o suyo mandato como consellero de Cultura y Turismo d'o Gubierno d'Aragón obtenió d'a Unesco en 2001 a Declaración de Patrimonio Mundial a favor de l'arte mudéchar aragonés.

A traviés d'as distintas direccions chenerales a o suyo cargo, se levó a cabo un ambicioso programa d'intervencions que incluyiba: a restauración d'o Monesterio de Rueda y a ubertura en una d'as suyas dependencias d'una sobrebuena hospedería; a restauración d'a capilla de Sant Bernardo d'a Seu d'o Salvador de Zaragoza; a restauración d'os organos d'ixa mesma seu, de Sant Chuan o Reyal de Calatayú y de Santa María la Mayor de Boleya; a redacción d'o prochecto y o prencipio d'as obras de recuperación d'o Monesterio Nuevo de Sant Chuan d'a Penya, con una nueva hospedería en a suya parti sud y un chardín arqueolochico en l'ala norte; a restauración d'a capiella d'a Trinidat y o prencipio d'a de Sant Miguel, as dos en a Seu de Chaca; a restauración de Sant Pero d'os Francos y o claustro de Santa María, as dos en Calatayú; a restauración de l'altar mayor d'a Seu de Balbastro; se dio un fuerte empentón a las obras de restauración d'a Seu de Tarazona; a construcción d'o Centro d'Arte y Naturaleza (CEDAN) que aculle en Uesca o legado d'o pintor José Beulas; a construcción, en o Parque Deportivo Ebro, d'a primera piscina climatizada olimpica d'Aragón; a construcción d'a pista d'atletismo en o Centro Aragonés d'o Esporte, situau en o barrio zaragozano de l'Actur, seguntes propuesta de l'arquitecto Clua; a creyación d'o Centro Dramatico d'Aragón y a reyalización d'importants exposiciones, como “Aragón, Reino y Corona”, y as monograficas adedicadas a Luis Buñuel, Santiago Ramón y Cajal, Pablo Serrano, Ramón J. Sender, María Moliner, Baltasar Gracián (Libros libres) y Ferrando O Catolico (Fernando II de Aragón: el rey que imaginó España y la abrió a Europa).

Una d'as suyas actuacions como director cheneral de Patrimonio Cultural estió a protección como bien catalogau d'o patrimonio cultural aragonés establida pa tot o patrimonio etnolochico y documental, asinas como a parti más valuosa d'a suya arquitectura, de l'antiga factoría Averly. A orden d'o Gubierno d'Aragón, dictada a instancias d'a Dirección Cheneral de Patrimonio Cultural, fue ratificada en 2017 por Providencia d'o Tribunal Supremo por la que s'inadmite o recurso de casación contra a Sentencia d'o Tribunal Superior de Chusticia d'Aragón que desestimaba o contencioso-administrativo presentau por una asociación conservacionista contra a orden d'o Gubierno d'Aragón referida. En a mesma epoca declaró Bien d'Interés Cultural a toz os edificios d'a Expo 2008 de Zaragoza.

Mientres a suya etapa a o frent d'a Dirección Cheneral de Patrimonio Cultural s'interposoron dos demandas decisivas pa la recuperación de beluns d'os biens d'o patrimonio cultural aragonés que encara se trobaban difuera d'Aragón: de nulidat contra as compravendas d'os bienes de Xixena feitas en 1983, 1992 y 1994, y, dimpués d'obtener previament d'a comunidat relichiosa titular d'o Reyal Monesterio de Santa María de Xixena a cesión d'os dreitos procesals pa pleitiar en o suyo nombre, de reclamación a o Museu Nacional d'Arte de Catalunya d'as pinturas d'a Sala Capitular d'o Monesterio de Xixena rancadas dimpués d'o suyo incendio mientres a Guerra Civil y dende alavez exposadas astí. En os dos casos os fallos estioron favorables a Aragón: en o primero, a traviés de sentencia d'o Chuzgau de Primera Instancia numero 1 de Uesca, ratificada en apelación por l'Audiencia Provincial de Uesca; en o segundo, por sentencia d'o Chuzgau de Primera Instancia numero 2 de Uesca.

Ha estau president d'os consellos d'administración de cuantas interpresas y fundacions, entre atras: Gestora Turística de San Juan de la Peña, S. A., Nieve de Teruel, S. A., Sociedad de Promoción y Gestión del Turismo de Aragón, Aeronáutica de los Pirineos, S. A., Centro Dramático de Aragón, Fundación Jaca-2010, Fundación Beulas, Fundación Torralba-Fortún, Fundación Conjunto Paleontológico de Teruel y Fundación para el Desarrollo de la Comarca de Campo de Daroca, asinas como vocal d'a Fundación Zaragoza Logistics Center y d'a Fundación Zaragoza-2008.

Como viceconsellero de Politica Territorial ha contriyiu decisivament a meter en marcha o proceso de comarcalización d'Aragón. A suya tesi doctoral (La Red Urbana de Huesca) yera ya un estudio sistemico d'os asentamientos demograficos altoaragoneses, que remataba en un prochecto de comarcalización como expresión d'a cherarquía urbana provincial.

Publicacions cientificas

• 2017 - "La ville espagnole à l’âge post‑industriel. De la crise du ‘fordisme’ à l’éclatement de la bulle immobilière" In Méditerranée num. 129, pachs. 73-90.
• 2005 - “Las comarcas, solución aragonesa al minifundismo municipal”, en Papeles y Memorias de la Real Academia de Ciencias Morales y Políticas, Nº 13, pachs. 46-57 (Ejemplar dedicado a: La cuestión local). ISSN 1576-2971.
• 2002 - “La atracción del interior: los nuevos espacios turísticos”, en GARCIA MARCHANTE, J. et POYATO HOLGADO, M. C., La función social del patrimonio histórico: el turismo cultural. Cuenca: Ediciones de la Universidad de Castilla-La Mancha, pp. 33–56.
• 2002 - “Aragón mudéjar, patrimonio mundial”, en Trébede, Nº 62, pachs. 12-13 (Eixemplar adedicau a: Mudéchar mundial). ISSN 1137-6007.
• 2001 - “Panorama desde el puente (Apuntes sobre el pasaje teatral aragonés)”, en ADE teatro: Revista de la Asociación de Directores de Escena de España, Nº 88, pag. 69. ISSN 1133-8792.
• 2000 - “Relaciones de tamaño del sistema urbano mundial en la era de la globalización : una revisión de la Ley Rango-Tamaño de ZIPF”, en Lecturas geográficas : homenaje a José Estébanez Álvarez, Vol. 2, pachs. 1055-1068. ISBN 84-7491-578-3.
• 2000 - “Ante el XI Congreso Internacional de de Asele", en ¿Qué español enseñar? : norma y variación lingüísticas en la enseñanza del español a extranjeros : actas del XI Congreso Internacional ASELE, Zargoza 13-16 de septiembre de 2000, pachs. 5-6. ISBN 84-95480-34-4.
• 2000 - “Zaragoza como producto turístico urbano-cultural: arte, ferias, congresos y negocios”, en Ciudad y Turismo, Actas del IV Coloquio de Geografía Urbana y VI Coloquio de Geografía del Turismo, Las Palmas de Gran Canaria, 22 al 25 de junio de 1998, Las Palmas de Gran Canaria: Universidad de Las Palmas de Gran Canaria y A.G.E., pp. 176–187 (en col. con Lacosta Aragüés, A.).
• 1999. “Elementos para una explicación teórica de la movilidad recreativa. La demanda de los nuevos productos turísticos en Aragón”, en Actas del VIII Coloquio Ibérico de Geografía, vol. II, Lisboa, 30 de septiembre al 2 de octubre de 1999, Lisboa: Universidade Nova de Lisboa, pp. 349–368 (en col. con Lacosta Aragüés, A.).
• 1999. “La actividad turística en Aragón”, en La actividad turística española en 1998 (Anuario de la AECIT), Madrid: AECIT, pp. 225–249 (en col. con Lacosta Aragüés, A.).
• 1999. “Un estudio tipológico de los recursos turísticos” (en col. con Antonio J. Lacosta Aragüés), en Revista Aragonesa de Administración Pública, Nº 3 , pachs. 19-76 (Ejemplar dedicado a: Régimen jurídico de los recursos turísticos). ISSN 1133-4797 (en col. con Lacosta Aragüés, A.).
• 1998. "El turismo en Aragón", en ESCOLANO UTRILLA; S. –dir.–: Atlas Multimedia de Geografía de Aragón, Zaragoza: IFC, CAI y Universidad de Zaragoza (soporte CD-ROM). (en col. con Lacosta Aragüés, A.).
• 1998. “La actividad turística en Aragón”, en La actividad turística española en 1997 (Anuario de la AECIT), Madrid: AECIT, pp. 225–248 (en col. con Lacosta Aragüés, A.).
• 1997. “Potencialidades turísticas de las áreas interiores. Conflictos y cautelas”, en Los turismos de interior : el retorno a la tradición viajera (Coloquio del Grupo de Turismo de la Asociación de Geógrafos Españoles, Toledo, marzo 1995, coord. por Manuel Valenzuela Rubio), pachs. 17-60. ISBN 84-7477-652-X.
• 1997. “La explicación teórica de la potencialidad turística del medio natural: verificación en Aragón del modelo de Warszynska a partir del análisis factorial”, en Geographicalia, Nº 35, pachs. 19-28. ISSN 0210-8380. ” (en col. con Lacosta Aragüés, A).
• 1997. "La población aragonesa de los años noventa: envejecimiento, reestructuración espacial y nuevas tendencias migratorias", en Situación (Revista del BBVA),1997, pp. 14–41.
• 1996. “El flujo turístico hacia las tierras de la Mancomunidad del Matarraña (Teruel, España): características de la clientela y demanda potencial”, en Geographicalia, Nº 33, pachs. 29-50. ISSN 0210-8380.
• 1995. “Las nuevas tendencias alterotrópicas del turismo en el Pirineo aragonés”, en La formació, la rehabilitació i les noves modalitats turístiques, III Jornades de geografia del turisme, Palma, 28-29-30 d'octubre de 1993. Palma: Servei de Publicacions de la Universitat de les Illes Balears; CODEFOC, Govern Balear; F.S.E., EUROFORM, pp. 167–177. ISBN 84-7632-227-5.
• 1991. Aproximación a la geografía del Turismo. Madrid: Síntesis. ISBN 84-7738-111-9.
• 1989. “El espacio turístico de Chadefaud, un entrevero teórico : del historicismo al materialismo dialéctico y el sistemismo behaviourista”, en Geographicalia, Nº 26, pachs. 37-44. ISSN 0210-8380.
• 1989. “Evolución del turismo de invierno pirenaico aragonés y los posibles impactos de los Juegos Olímpicos de Jaca 98”, en Los Pirineos, Montaña de Europa. Desarrollo de una cooperación transfronteriza, Jaca, 22-23 de junio de 1989, Actas del Coloquio, Madrid: MOPU-DATAR, pp. 510–517 (en col. con Bielza de Ory, V.).
• 1988. La Red urbana de Huesca. Huesca: Instituto de Estudios Altoaragoneses. ISBN 84-86856-03-5.
• 1986. “Evolución de la jerarquía urbana oscense : una aplicación del modelo "Rango-Tamaño", en Argensola: Revista de Ciencias Sociales del Instituto de Estudios Altoaragoneses, Nº 100, pachs. 149-166. ISSN 0518-4088 (en col. con Bielza de Ory, V.)
• 1984. “Evolución de la jerarquía urbana oscense: una aplicación del modelo Rango-Tamaño”, en Actas del III Coloquio Ibérico de Geografía, Barcelona (en col. con Bielza de Ory, V.).
• 1983. “El Serrablo y El Valle de Tena”, en Geografía de Aragón, tomo III, Zaragoza: Guara Editorial, pp. 61–65 (en col. con Bielza de Ory, V.).
• 1983. “La Jacetania”, en Geografía de Aragón, tomo III, Zaragoza: Guara Editorial, pp. 13–31 (en col. con Bielza de Ory, V.).
• 1982. ”La Ley de Reilly en la delimitación de las áreas de influencia de las ciudades oscenses”, en IV Jornadas sobre el estado actual de los estudios sobre Aragón, Zaragoza, pp. 447–451. ISBN 84-600-2867-4
• 1980. “Huesca: un estudio de geografía urbana”, en Geographicalia, Nº 6, pachs. 3-62. ISSN 0210-8380.

Referencias

Predecesor: Vicente Bielza de Ory (Educación y Cultura) Jesús Muro Navarro (Industria, Comercio y Turismo)

Consellero de Cultura y Turismo d'o Gubierno d'Aragón 5 d'agosto de 1999 - 7 de chulio de 2003

Succesor: Eva Almunia Badía (Educación y Cultura) Arturo Aliaga López (Industria, Comercio y Turismo)

• Datos: Q5927521
• Multimedia: Javier Callizo Soneiro / Q5927521