María Moliner
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| María Moliner Ruiz | |
|---|---|
 Busto de María Moliner en Paniza. | |
| Información personal | |
| Naixida o: | 30 de marzo de 1900 |
| Naixida de: |  Paniza, Campo de Carinyena, Zaragoza, Aragón)
|
| Muerta o: | 22 de chinero de 1981 |
| Muerta en: |  Madrit (Comunidat Autonoma de Madrit)
|
| Alma Máter | Universidat de Zaragoza |
| Ocupación: | lexicografa y biblioteconoma |
| Sitio web: | www.MariaMoliner.com |
María Juana Moliner Ruiz, conoixida profesionalment como María Moliner, (Paniza, Campo de Carinyena, Zaragoza, 30 de marzo de 1900 – Madrid, 22 de chinero de 1981) estió una biblioteconoma e lexicografa aragonesa.[1]
Se licenció en 1921 en Historia en a Facultat de Filosofía y Letras d'a Universidat de Zaragoza. A l'anyo siguient, s'incorporó en o Cuerpo Facultativo de Archiveros, Bibliotecarios y Arqueólogos de Simancas, de astí pasó a l'Archivo de la Delegación de Hacienda en Murcia.
Colaboró con a Escuela Cossío, con o Instituto Escuela y con as Misiones Pedagógicas en a Segunda Republica Espanyola.
María Moliner ye l'autora d'o Diccionario de uso del español, considerato obra de referencia ta la lexicografía espanyola. Prencipió a treballar en o suyo diccionario en 1952 y a primera edición estió publicata en 1966-67 por a editorial Gredos. Seguntes uno d'os suyos fillos, Fernando Ramón Moliner, a segunda edición, con totas as alteracions e modificacions feitas, ye una edición apocrifa, cuan María Moliner teneba Alzheimer, y no podeba dar un consentimiento conscient a la publicación d'ista nueva edición.
Chunto a su chirmana Matilde, colaboró con o Estudio de Filología de Aragón, que s'adedicaba a la promoción d'a cultura, a literatura y a lexicografía aragonesas, mirando de confeccionar un diccionario aragonés, que a la fin no'n veyería nunca luz.
Bibiografía
editar- Benítez Marco, María Pilar (2010). María Moliner y las primeras estudiosas del aragonés y del catalán de Aragón. Zaragoza: Rolde de Estudios Aragoneses. ISBN 84-82582-14-3.
Referencias
editar- ↑ (es) Mujeres que son tesoros, Instituto Aragonés d'a Muller, 2020, p.16
Vinclos externos
editar- (es) Pachina web de María Moliner.
- (es) María Moliner, en el centenario de su nacimiento.
- María Moliner é homenageada com um Google Doodle
Datos: Q465162
Multimedia: María Moliner / Q465162
