Daneses
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Daneses Danskere | |||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|
 | |||||||||||||||||||||
 Dinamarca 4.996.980 Alemania 50.000 | |||||||||||||||||||||
| |||||||||||||||||||||
| idioma danés | |||||||||||||||||||||
| Luteranismo | |||||||||||||||||||||
| suecos, noruegos, islandeses, feroeses, maneses, angleses, normandos | |||||||||||||||||||||
 | |||||||||||||||||||||
Los daneses[2] (en danés danskere) son los habitants nativos de Dinamarca y arias mugants en la rechión alemana de Schleswig. Parlan una luenga chermanica septentrional, lo danés y son cristianos luteranos. Historicament formoron part de la población de lo sud de Suecia (rechions d'Escania, Halland y Blekinge a on fuoron asimilaus por los suecos), y de tierras dominadas por los vikingos.
Historia
editarLos daneses descienden en part d'un pueblo chermanico septentrional antigo (los danos), que s'estendilloron por la peninsula de Chutlandia aproveitando vueitos poblacionals deixaus por los pueblos chermanicos occidentals (chutos, anglos) en la suya emigración ta Britania. Cuan los saxons fuoron sozmesos por Carlos Magno, l'Imperio Carolinchio topetó con los danos a los que no podeba sozmeter. En l'anyo 811 se pactó una muga estable. Los danos d'estos tiempos son mencionaus en la "Cronica de los Conquiridors", compilación historica de Chuan Ferrández d'Heredia.
Tiempo dimpués los daneses saqueyaban las costas de Francia y entraban por los cursos de los ríos principals. Con lo tiempo iban evolucionando dende piratas a conquiridors.[3]. En l'anyo 876 organizoron una gran expedición en Gran Bretanya en la que conquirioron las costas de Northumbria, East Anglia y part de Mercia establindo-se-ie. Tamién invaden Wessex, pero son vencius por lo rei Alfredo y d'alcuerdo con lo Tractau de Wedmore en l'anyo 878 se retiran de Wessex pero retienen baixo lo suyo poder un territorio a l'este de la vía romana dende Dover dica Chester, territorio dito Danelaw. En o Danelaw s'establioron muitos daneses que se convertioron en chicoz propietarios. S'asimilarán a los anglosaxons u angleses en un proceso lento que encomenzó dende que o rei Edgardo I s'encerrinás en fusionar en un solo pueblo a los suyos subditos anglosaxons y a los daneses.[3]. Dimpués as campanyas danesas en Anglaterra serán adrezadas por os reis de Dinamarca, como a conquista total d'Anglaterra de 1013, que levó a que en 1016 o rei Canut lo Gran controlás un reino que incluyiba Dinamarca y Anglaterra.[4]
A meyaus de lo sieglo X los daneses s'organizan en reino con lo rei Harald Dient azul, que prene lo control de tot lo territorio habitau por los daneses y lis imposa lo cristianismo.[5] Dinamarca presenta una proporción mes gran de tierra cautivable que Noruega u Suecia y por ixo en la Edat Meya yera mes poblau y rico que los atros países escandinavos.[6]. Los excedents de población feban incursión en atros países en lo periodo de los vikingos; en part d'este periodo los daneses dominoron gran part d'Anglaterra.
En 1660 las rechions de Escania, Halland y Blekinge pasoron a depender Suecia. A principios de lo sieglo XVIII los daneses d'estas rechions ya heban preso en gran mesura una identidat sueca.[7]
Dimpués de la Primera Guerra Mundial bi habió un plebiscito entre la población de lo norte de Schleswig que permitió que esta tierra pasase a depender de Dinamarca, fixando-se la muga entre Dinamarca y Alemanya, y quedando una minoría d'uns 50.000 daneses en lo territorio alemán de lo sud de Schleswig.
Referencias
editar- ↑ (es) Nacidos en el extranjero, residentes en Aragón en 2021. Instituto Aragonés de Estadística
- ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
- ↑ 3,0 3,1 Jose-Ramón Julià: Atlas de Historia Universal. Tomo I: De los orígenes a las crisis del siglo XVIII. Editorial Planeta. pp170
- ↑ Hermann Kinder, Werner Hilgemann, Manfred Hergt Atlas Histórico Mundial. De los orígenes a nuestros días Akal, 2007. p 137-139
- ↑ Jean Sellier. Atlas de los pueblos de Europa Occidental. Editorial Paidós. pp179
- ↑ Felipe Fernández-Armesto. Los hijos de Zeus. Pueblos, etnias y culturas de Europa. 1996 Grijalbo.
- ↑ Felipe Fernández-Armesto. Los hijos de Zeus. Pueblos, etnias y culturas de Europa. 1996 Grijalbo. pp43
Bibliografía
editar- (es) Fernández-Armesto, Felipe. Los hijos de Zeus. Pueblos, etnias y culturas de Europa. Editorial Grijalbo, 1996.
- (es) Gonen, Amiram. Diccionario de los pueblos del mundo. Editorial Anaya, 1996. ISBN 978-8479793500.
Datos: Q164714
Multimedia: People of Denmark / Q164714
