Suecos
| Suecos svenskar | |||||||||
|---|---|---|---|---|---|---|---|---|---|
-ledare,_med_Louise_Erixon..jpg) | |||||||||
|
| |||||||||
 Suecia 8 millons Finlandia 290.000 | |||||||||
| |||||||||
| Sueco | |||||||||
| Luteranismo | |||||||||
| Daneses, noruegos, feroeses, islandeses, shetlandeses, varegos rus' | |||||||||
 | |||||||||
Los suecos[2] (en sueco svenskar) son los habitants nativos de Suecia, trobando-sen establitos en la part suroccidental de Finlandia dende fa sieglos. Parlan una luenga escandinava propia, lo sueco y son cristians luterans.
RelichiónEditar
En la segunda mitat de lo sieglo XI una dinastía encomenzó a imposar lo cristianismo, y en l'anyo 1164 fue fundau l'arcebispato d'Upsala. La relichión politeísta escandinava de los suecos resistió dica lo sieglo XIII[3], esdevenindo cristians catolicos como atros pueblos europeus medievals. Los suecos cristianizoron Finlandia d'alcuerdo con lo catolicismo. En lo folklore sueco quedoron elementos pagans.
Sieglos mes tarde la dinastía Vasa s'identificó con lo cristianismo luterán. En l'anyo 1527 la dieta sueca optó por lo luteranismo. Lo rei Chuan III fue succedito por Sechismundo de Polonia, en l'anyo 1592 y querió tornar a lo catolicismo, pero no estió posible por la revuelta protestant de Carlos Vasa.
HistoriaEditar
La historia de los suecos dica lo sieglo XIII ye escura. En lo periodo vikingo los suecos comerciaban con los bizantins y los arabes a traviés de rutas fluvials d'Europa Oriental y yeran conoixius como varegos. En lo sieglo XI encomenzó la cristianización.
En lo sieglo XIII tenioron relacions con los comerciants de la Hansa de Visby y establioron la suya capital en Estocolmo. En tiempos de lo rei Erik los suecos facioron una "cruzada contra los fineses" influitos por la Santa Seu, que d'esta traza evitaba que los fineses fuesen convertius a lo cristianismo por los eslavos orientals ortodoxos de Novgorod. La conquiesta de Finlandia duro dende 1249 dica 1323.
En l'anyo 1397 ye coronau en Kalmar Erik de Pomerania como rei de Suecia, Noruega y Dinamarca por una asambleya d'aristocratas suecos, noruegos y daneses. Ye una unión presonal baixo lo mesmo monarca con una mesma politica exterior y defensa. Mientres lo tiempo que duró esta unión los suecos yeran gobernaus por rechents con intreses diferents con respecto a la monarquía común. En l'anyo 1520 lo rei Cristian II fació una mortalera d'opositors suecos ("mortalera d'Estocolmo") y esclara una revuelta en Dalecarlia dirichita por Gustavo Vasa. Los sublevaus son refirmaus por los alemans de la ciudat hanseatica de Lübeck y forachitan a los daneses rematando con la unión.
En l'anyo 1523 ye esleito rei de Suecia Gustavo Vasa, que consigue que la monarquía siga hereditaria. Carlos Vasa fa de lo luteranismo relichión oficial dimpués de la revuelta protestant dirichita por ell mesmo y ye nombrau rei en l'anyo 1604.
Suecia estió una superpotencia entre 1611 y 1721, quan dominoron la ribera baltica, fendo guerras contra Polonia, Dinamarca y dimpués lL'Imperio Ruso, que li prenió la hechemonía.
ReferenciasEditar
- ↑ (es) Nacidos en el extranjero, residentes en Aragón en 2021. Instituto Aragonés de Estadística
- ↑ (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.
- ↑ Amiram Gonen. Diccionario de los pueblos del mundo Editorial Anaya.
BibliografíaEditar
- Fernández-Armesto, Felipe. Los hijos de Zeus. Pueblos, etnias y culturas de Europa. Editorial Grijalbo, 1996.
- Gonen, Amiram. Diccionario de los pueblos del mundo. Editorial Anaya, 1996. ISBN 978-8479793500.
- Sellier, Jean. Atlas de los pueblos de Europa Occidental. Editorial Paidós.