Chupiter (planeta)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Chupiter
Caracteristicas orbitals
Radio meyo:	778.330.000 km
Distancia ta o Sol:	5,20336301 UA
Excentricidat:	0,04839266
Periodo orbital (sideral):	11a 315d 1,1h
Periodo orbital (sinodico):	398,9 días
Inclinación:	1,30530°
Velocidat orbital meya:	13,0697 km/s
Satelites:	63 conoixitos
Caracteristicas fisicas
Diametro equatorial:	142.984 km
Superficie:	6,41×1010 km²
Masa:	1,899×1027 kg
Densidat meya:	1,33 g/cm³
Gravedat superficial:	23,12 m/s²
Velocidat d'escape:	59,54 km/s
Periodo de rotación:	9h 55,5m
Inclinación axial:	3,12°
Albedo:	0,52
Temperatura superficial:
• Minima:	110 K
• Maxima:	N/A K
• Meyana:	152 K
Caracteristicas atmosfericas
Presión:	70 kPa
Hidrocheno	81%
Oxicheno	17%
Metano	0,1%
Vapor d'augua	0,1%
Almoniaco	0,02%
Etano	0,0002%
Fosfina	0,0001%
Sulfuro d'hidrocheno	0,0001%

Esta pachina fabla sobre a planeta Chupiter. Ta altros emplegos se veiga Chupiter.

Chupiter ye la cinquena planeta d'o sistema solar (ordenadas as planetas seguntes a suya lonteza d'o Sol y d'o centro d'o sistema solar) y en ye la mas gran d'ixas planetas por a suya masa, debant de Saturno. Ye una planeta chigant gasiosa y tien un diametro de 142.984 km; a suya orbita tien un radio de 778.330.000 km (5,2 UA).

Descubierto en l'antigüidat, o suyo nombre procede d'o dios d'a mitolochía romana Chupiter (equivalent a Zeus en a mitolochía griega).

Caracteristicas prencipals

Atmosfera

L'atmosfera de Chupiter no presenta una buega clara con l'interior liquido d'a planeta; la transición se va producindo d'una traza gradual. Se compone en a suya mayoría de hidrocheno (87 %) y helio (13 %), amás de contener chicotas cantidaz de metano, vapor d'augua, almoniaco y sulfuro de hidrocheno.

L'atmosfera de Chupiter ye dividida en cinturons foscos clamaus "bandas" y rechions claras clamadas "zonas", toz éls aliniaus en a dirección d'os paralelos. As bandas y zonas amugan un sistema de corrients d'aire alternants en dirección con a latitut y en cheneral de gran intensidat; per eixemplo, los aires en l'ecuador bufan a velocidaz arredol de 100 m/s (360 km/h) mientres que en a Banda Ecuatorial Norte, os aires pueden plegar a bufar a 140 m/s (500 km/h).

A Gran Taca Roya (conoixida en anglés per as siglas "GRS" (Great Red Stain) ye aproximadament unas dos vegadas y meya lo d'a Tierra, y ye un anticiclón chigán muit estable en o tiempo. Os aires en os arredols d'o vortice tienen una velocidat de 400 km/h.

Boiras de Chupiter

Estructura interna

En l'interior d'a planeta lo hidrocheno, o helio y l'argón se comprimen progresivament. Lo hidrocheno molecular s'atape de tal traza que se transforma en un liquido a profundidaz d'uns 15 000 km baixo la superficie. Mas abaixo s'aspera la existencia d'un nuclio rocoso formau prencipalment per materials chelaus y mas densos.

Satelites

Satelites galileanos

Os prencipals satelites de Chupiter estioron descubiertos per Galileo Galilei lo 7 de chinero de 1610, ragón per a cual se les clama satelites galileanos. Son clamaus Io, Europa, Ganimedes y Calisto.

Satelites menors

Amás d'os mencionaus satelites galileanos, as distintas sondas espacials ninviadas a Chupiter y observacions dende la Tierra han enamplau lo numero total de satelites de Chupiter dica 79. Istos satelites menors se pueden atrastallar en dos grupos:

• Grupo d'Amaltea: son cuatro satelites chicoz que chiran arredol de Chupiter en orbitas internas a las d'os satelites galileanos. Iste grupo ye componiu (en orden de distancia) per Metis, Adrastea, Amaltea y Tebe.
• Satelites irregulars: ye un grupo numeroso de satelites en orbitas muito leixanas de Chupiter; de feito, son tan luent d'iste que la gravedat d'o Sol distorsiona perceptiblement as suyas orbitas. Os miembros d'iste grupo incluyen a Aedea, Aitné, Ananké, Arce, Autónoe, Caldona, Cale, Calice, Calirroe, Carmé, Carpo, Cilene, Elara, Erinome, Euante, Eukelade, Euporia, Euridome, Harpalice, Hegemone, Heliké, Hermipé, Herse, Himalia, Isonoe, Kallichore, Kore, Leda, Lisitea, Megaclite, Mnemea, Ortosia, Pasifae, Pasitea, Praxidice, Sinope, Sponde, Taigete, Telxínoe, Temisto, Tione, Yocasta y atros 17 satelites que no tienen pas encara nombre definito.

Sistema d'aniellos

Chupiter poseye un tenue sistema d'aniellos que estió descubierto per la sonda espacial Voyager 1 en marzo de 1979. L'aniello prencipal tien uns 6400 km d'amplaria, orbita la planeta a 122 800 km de distancia d'o centro y tien un espesor vertical inferior a la decena de kilometros. O suyo espesor optico ye tan reduciu que nomás ha puesto estar observau per as sondas espacials Voyager 1, Voyager 2 y Galileo. Os aniellos son formaus prencipalment per polvo en cuenta de chelo como los aniellos de Saturno.

Exploración

Chupiter ha estau visitau per bellas misions espacials d'a NASA dende 1973.

As misions Pioneer 10 y Pioneer 11 realizoron una exploración preliminar con sobrevuelos d'a planeta. A sonda Pioneer 10 sobrevoló Chupiter per primera vegada en a historia en aviento de 1973.

D'atra man as misions Voyager 1 y Voyager 2 visitoron Chupiter en 1979. En 1995 a misión Galileo encetó una misión d'exploración d'a planeta de siet anyadas de durada.

En aviento de 2000 a misión espacial Cassini-Huygens fació un sobrevuelo leixano en o suyo viache con destín a Saturno. En febrero de 2007 a planeta Chupiter estió visitau per a sonda New Horizons en o suyo viache enta Plutón.

O 5 de chulio de 2016 dentró en orbita la sonda espacial Juno pa estudiar l'atmosfera, a magnetosfera y as auroras d'ista planeta.

Vinclos externos

• Se veigan as imáchens de Commons sobre Chupiter.
• (en) Articlos d'as lunas de Chupiter.
• Envista en 3D de Chupiter.
• (en) Información de Chupiter en a NASA.