Marte (planeta)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo ye sobre a planeta Marte, ta atros usos d'iste termin se veiga Marte.

Marte (en aragonés medieval, Mars), tamién conoixita como a Planeta Roya, ye a cuatrena planeta d'o Sistema Solar. Fa parte d'o grupo de planetas teluricas, de naturaleza rocosa, como a Tierra, y ye a primera d'as planetas exteriors a la orbita terrestre. Ye, talment, a planeta mas pareixita a la Tierra.

Marte
Marte
Caracteristicas orbitals
Radio meyo:	227.936.640 km
Excentricidat:	0,09341233
Periodo orbital (sideral):	686,98 días
Periodo orbital (sinodico):	779,95 días
Inclinación:	1,85061°
Velocidat orbital meya:	24,1309 km/s
Satelites:	2
Caracteristicas fisicas
Diametro equatorial:	6.794,4 km
Superficie:	144.798.500 km²
Masa:	6.4185×10²³ kg
Densidat meya:	3,94 g/cm³
Gravedat superficial:	3,71 m/s²
Velocidat d'escape:	5,02 km/s
Periodo de rotación:	24,6229 horas
Inclinación axial:	25,19°
Albedo:	0,15
Temperatura superficial:
• Minima:	133K
• Maxima:	293K
• Meyana:	210K
Caracteristicas atmosfericas
Presión:	0,7-0,9 kPa
Dioxido de carbonio	95,32%
Nitrocheno	2,7%
Argón	1,6%
Oxicheno	0,13%
Monoxido de carbonio	0,07%
Vapor d'augua	0,03%
Neón	Cantidaz chicotas
Criptón	Cantidaz chicotas
Xenón	Cantidaz chicotas
Ozón	Cantidaz chicotas
Metano	Cantidaz chicotas

Tycho Brahe midió con muita precisión o movimiento de Marte en o cielo. Os datos respectives a o movimiento retrogrado aparent (lazos) premitioron a Kepler de trobar a naturaleza eliptica d'a suya orbita y determinar as leis d'o movimiento planetario conoixitas como leis de Kepler.

Fa parte d'o grupo de planetas superiors o exteriors, asinas clamatas porque nunca no pasan entre o Sol y a Tierra, ni se veyen ni en o crexient ni en mingua. A suyas fases son poco sinyalatas, feito que ye fácil de contrimostrar cheometricament. Considerando o trianglo Sol-Tierra-Marte (STM), l'anglo de fase lo forman o Sol y a Tierra vistos dende Marte. Plega en a suya valura maxima en as cuadraturas cuan o trianglo STM ye rectanglo en a Tierra. Ta Marte, iste anglo de fase no ye nunca mayor que 42º, y o suyo aspecto de disco cheposo se pareix a o que presenta a Luna 3.5 diyas antes u dimpués d'o plenilunio. Ista fase, que puede estar vista con un telescopio d'aficionato, no la podío veyer Galileo, qui nomás suposó a suya existencia.

Clima

As estacions de Marte son similars a la Tierra a causa d'o semellant inclinación d'eixe en as planetas. Sindembargo los periodos d'as estacions en Marte son aproximadament dos vegadas aquels d'a Tierra perque d'a mayor distancia enta o Sol. As temperaturas marcianas en a suya superficie vareyan dende os -143 °C en l'hibierno en os polos dica 35 °C en o suyo estiu ecuatorial. Marte tiene las tronadas de polvo mas grans en tot o Sistema Solar, aconseguindo velocidaz de dencima de 160 km/h. Istes pueden variar dende una tronada sobre una aria chicota, enta tronadas chigants que portiada la planeta entera.

Caracteristicas superficials

Planas

• Vastitas Borealis.
• Terra Sirenum.

Montanyas

• Elysium Monts, con 13 km d'altaria.
• Olympus Monts,con 22 km d'altaria ye a montanya mas alta de tot o sistema solar.
• Pavonis Monts, con 18 km d'altaria.

Vals

• Valles Marineris, con 4.000 km de longaria y 7 km de fondaria.

Craters

• Hellas Planitia.

Lunas

Phobos ye la mas gran d'as dos lunas de Marte.

Deimos ye lo mas chicot y externo d'os dos satelites de Marte.

Marte tien dos chicotas lunas u satelites naturals. Estioron descubiertos en 1877 per Asaph Hall y son clamatos Phobos (aproximadament 22 km en diametro) y Deimos (aproximadament 12 km en diametro), os cuals orbitan prou cercanos a la planeta. Creye que son asteroides capturaus.

Vida en Marte

A posibilidat de vida en Marte ye un tema de gran intrés en l'astrobiolochía a causa d'a suya proximidat y similituz con a Tierra. Dica a calendata, no s'han trobau prebas de vida pasada u present en Marte. A evidencia acumulada muestra que entre l'antigo periodo de tiempo Noachian, l'ambient d'a superficie de Marte teneba augua liquida y podió haber estau habitable pa microorganismos.

Si existe vida en Marte, se podría trobar en o subsuelo, luent d'as duras condicions actuals d'a superficie. A vida actual en Marte, u as suyas biofirmas, podría ocurrir a kilometros por baixo d'a superficie, u en puntos calients cheotermals subterranios, u podría ocurrir nomás a pocos metros debaixo d'a superficie. A capa de permafrost de Marte ye a solament un par de centimetros por baixo d'a superficie, y as muerras saladas pueden estar liquidas bels centimetros por baixo d'ixo, pero no guaire abaixo. L'augua ye amán d'o suyo punto d'ebullición mesmo en os puntos mas profundos d'a cuenca de Hellas, por o que no puede remanir liquida por muito tiempo en a superficie de Marte en o suyo estau actual, fueras de dimpués d'una liberación d'augua subterrania de sopetón.

En chunio de 2018, a NASA anunció a detección de variacions estacionals d'os livels de metano en Marte. O metano podría estar produciu por microorganismos u por meyos cheolochicos. L'orbitador europeu ExoMars Trace Gas Orbiter prencipió a mapear o metano atmosferico en abril de 2018, y o rover ExoMars 2022 Rosalind Franklin foratará y analisará muestras d'o subsuelo, mientres que o rover Perseverance d'a NASA Mars 2020 almagacenará en docenas de muestras de perforación pa o suyo posible transporte a os laboratorios d'a Tierra en finals d'o decenio de 2020 u 2030.

Exploración

Dende 1962 Marte ha estau visitau per numbrosas naus espacials. Marte tiene fama d'estar un obchectivo dificil d'exploración espacial; nomás 25 d'as 55 misions dica 2019, u lo 45.5%, han estau completament exitosas, con atras tres parcialment exitosas y parcialment fallidas. Manimenos, d'as deciséis misions dende 2001, doce d'ellas han teniu exito y ueito d'ellas encara son operativas.

Anyada	Sonda espacial	País	Notas
1962	Mars 1	URSS
1964	Mariner 4	Estaus Unius	Primer sobrevuelo con exito.
1969	Mariner 6	Estaus Unius	Sobrevuelo.
1971	Mars 2	URSS	Primera nau en orbita de Marte.
1971	Mars 3	URSS	Primera aterrizada con exito en Marte. Se perdió lo contacto dimpués de 14 segundos.
1975	Viking 1	Estaus Unius
1975	Viking 2	Estaus Unius
1988	Phobos 1	URSS
1988	Phobos 2	URSS
1996	Mars Global Surveyor	Estaus Unius	Orbitó siet anyadas.
1996	Mars Pathfinder	Estaus Unius
2001	Mars Odyssey	Estaus Unius
2003	Mars Express	ESA
2003	Spirit	Estaus Unius
2003	Opportunity	Estaus Unius
2011	Curiosity	Estaus Unius
2013	Mars Orbiter Mission	India
2013	MAVEN	Estaus Unius
2016	ExoMars Trace Gas Orbiter	ESA
2018	InSight	Estaus Unius

En 2019, bi ha siet sondas espacials estudiando Marte: Mars Odyssey, Mars Express, Mars Reconnaissance Orbiter, Curiosity, MAVEN, Mars Orbiter Mission y ExoMars Trace Gas Orbiter.

Marte en a cultura

Os viaches u os vesitans de planetas foranos ye un tema recurrent en a filmografía, literatura y videochuegos de ciencia ficción, a mas a mas, Marte ye a planeta d'a on deriva a parola marciano, o nombre común ta os vesitants d'atras planetas. Bi ha bels cintas con iste planeta como tema central y os suyos suposatos habitants.

Talment la obra literaria mas conoixida sía The War of the Worlds, per lo impacto que produció en a suya difusión radiofonica. En esta novela uns supuestos habitants de Marte encietan una invasión d'a planeta Tierra. Tamién tien atras adaptacions como Jeff Wayne's Musical Version of The War of the Worlds adaptación musical d'a novela, y as cintas The War of the Worlds dirichida por Byron Haskin en 1953 y The War of the Worlds dirichida por Steven Spielberg en 2005.

Vinclos externos

• Se veigan as imáchens de Commons sobre Marte.

• (en) Pachina web d'o Programa d'exploración de Marte d'a NASA.

Referencias

• Datos: Q111
• Multimedia: Mars (planet) / Q111