Presión atmosferica

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

A presión atmosferica ye la presión que exerce l'atmosfera terrestre sobre a Tierra a causa d'o peso de l'aire sobre la superficie de contacto con ell. A presión atmosferica afecta a totas as superficies que son en contacto con l'aire, independientment d'a suya posición. Os sers humans no notamos a presión atmosferica porque la nuestra presión interna ye quasi igual que l'exterior.

Presión meya a livel d'a mar promeyo de 15 anyadas pa chunio, chulio y agosto (alto) y aviento, chinero y febrero (abaixo).

As zonas situadas a l'altura d'o livel d'a mar tienen mas presión atmosferica que las que son mas elevadas. Contra mas alto d'o livel d'a mar nos situamos, menor ye la presión atmosferica, ya que i hai menos reziura d'aire dencima. Isto tamién fa que l'aire sía mas denso a lo livel d'a mar que en a tuca d'una montanya. Asinas, per eixemplo, en a tuca d'o Mont Everest a presión atmosferica ye mas baixa (aproximadament d'uns 300 mm de mercurio) que en qualsequier punto d'as plachas mediterranias (d'uns 760 mm de mercurio).

A presión mide la fuerza per unidat d'aria, con unidatz SI de pascals (1 pascal = 1 newton per metro quadrato, 1 N / m²). En promeyo, una columna d'aire con un aria de sección transversal d'1 centimetro quadrato (cm²), medida dende lo livel meyo (promeyo) d'a mar dica la parte superior de l'atmosfera terrestre, tien una masa d'aproximadament 1,03 kilogramos y exerce una fuerza u "peso "d'aproximadament 10,1 newtons, lo que da como resultau una presión de 10,1 N / cm² u 101 kN / m² (u 101 kilopascales, kPa).