Atmosfera

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

L'atmosfera ye a capa de gas que rodeya y embolica a un cuerpo celeste. Os gases son atraitos por a gravedat d'o cuerpo, y se i mantienen si bi ha prou gravedat y a temperatura de l'atmosfera ye baixa. Qualques planetas son formadas prencipalment por gases, por la qual cosa tienen atmosferas muit profundas.

Anviesta de gases atmosfericos, visibles como un halo azul visto dende o espacio.

A composición de l'atmosfera varía dependendo d'o planeta, y tamién ha puesto variar en o tiempo cheolochico de bella planeta.

Atmosfera terrestre

L'atmosfera terrestre presenta como components mayoritarios o N₂ (78 %), l'O₂ (20,1 %), l'argón (0,93 %) y o CO₂ (0,03 %). O 014 % restant lo forman components minoritarios en proporcions que s'expresan en partz por millón (ppm). Bi ha components en cantidatz variables como a vapor d'augua y os contaminants.

L'atmosfera terrestre presenta diferents napas con importants diferencias de densidat y temperatura: troposfera, estratosfera, mesosfera, ionosfera y exosfera.

En a troposfera a densidat de l'aire ye a máxima por efecto d'o peso de l'aire d'a mesma troposfera y d'as capas que bi ha dencima. S'escalfa principalment con radiación reflectada en a superficie, minguando a temperatura media asinas como puyamos en altaria. Ye a on se producen os efectos climáticos y meteorolochicos.

Bibliografía

• (es) Eumenio Ancochea Soto, Francisco Anguita Virella, Fernando Moreno Serrano. Geología Procesos externos. Editorial Edelvives, 1990.
• (es) Francisco Anguita Virella, Fernando Moreno Serrano. Procesos geológicos externos y geología ambiental. Editorial Rueda, 1993.
• (es) Diodora Calvo Aldea, Maria Teresa Molina Álvarez, Joaquín Salvachúa Rodríguez: Ciencias de la tierra y medioambientales. 2º Bachilleraro. 2010 McGraw-Hill.