Caballón

En Aragón[1] un caballón ye, de forma chenerica, qualsiquiera d'os relieves elevaus en una superficie an que s'alterna lomos con sulcos,[1] como por eixemplo en una uebra aladrada[1] u en un tellau de tella.[2]

Caballons y vallos d'una uebra.

De forma más especifica, en l'agricultura se le diz caballons a os amontinamientos largos de tierra que va deixando l'aladro quan ha rompiu o suelo. Una variant d'ixe concepto podrían estar os «canciellos» u «cancillos», anque ixa atra parabla designa más que más os caballons feitos a mano en a huerta, con glebas debantadas con a ixada («acancillar»).

A cuentra d'un «caballón» u d'un «canciello» ye o «vallo»; ixo ye o sulco destinau a que pase l'augua de regadura.

Atros usos de «caballón»Editar

En bellas comarcas de Teruel, o caballón designaba tamién a una unidat tradicional de mesura pa os cerials de siega. Por eixemplo, a cullita de trigo en Mora de Rubielos se mesuraba en caballones.[3]

Se veiga tamiénEditar

ReferenciasEditar

  1. 1,0 1,1 1,2 BORAO CLEMENTE, Gerónimo. Diccionario de voces aragonesas, precedido de una introducción filológico-histórica (facsímil). Valladolid. Editorial MAXTOR, 2009. ISBN 84-9761-673-1
  2. ARNAL PURROY, Mª Luisa, Diccionario del habla de la Baja Ribagorza Occidental -Huesca-; Institución «Fernando el Católico» + Gara d'Edizions. Zaragoza, 2003. ISBN 84-8094-052-2
  3. MONEVA y PUYOL, Juan, Vocabulario de Aragón; Institución «Fernando el Católico» + Prensas Universitarias de Zaragoza + Xordica Editorial. Zaragoza, 2004. ISBN 84-88920-97-0. P. 115.