Unidaz de mesura aragonesas

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

As unidaz de mesura aragonesas, mas conoixitas tradicionalment como mesuras (u actualment midas) son as unidaz que se feban servir ta amesurar as diferents magnituz en Aragón antes d'a creyación d'o sistema metrico decimal y que encara s'emplegan a vegatas en bellas actividaz rurals.

Bara chaquesa chunto a la portalada d'a Seu

Historia Editar

As unidaz de mesura aragonesas son o resultau d'un largo proceso historico con cuantas influencias y herencios, prencipalment romanas, arabes y francas. En 1553 as Corz de Monzón imposan a implantación d'o sistema metrolochico d'a ciudat de Zaragoza en tot Aragón con excepción d'as Comunidaz de Teruel y d'Albarracín.[1] En 1849 s'introduz o sistema metrico decimal en Espanya que dentró oficialment en vigor l'1 de chulio de 1880. As unidaz de mesura aragonesas cayioron en desuso subsistindo manimenos en cualques redoladas y oficios.

Unidaz de longaria Editar

Unidat aragonesa Equivalencias Sistema Internacional d'Unidaz Equivalencia con atras unidaz
Legua 6.176 metros 8000 varas aragonesas
Vara 0,772 m 4 palmos = 3 piez
Codo 0,45 m  -
Piet 0,257 m 12 pulgadas
Palmo 0,193 m 12 didos
Fulco (u furco) 0,15 m 1/5 varas

Unidaz de masa Editar

Unidat aragonesa Equivalencias Sistema Internacional d'Unidaz Equivalencia con atras unidaz
Carga 151,56 kg 3 quintals = 12 robas = 432 libras
Quintal 50,52 kg 4 robas = 144 libras
Roba (u arroba) 12,63 kg 36 libras
Cuarterón 3,15 kg 9 libras
Almut (u almute) 1,5 kg -
Libra 350,835 gr 12 onzas
Onza 29,236 gr 16 arienzos
Arienzo 1,827 gr 32 granos

Unidaz de cabida ta liquidos Editar

Se feban servir as mesmas midas que ta la masa, amás s'emplegaba tamién l'arrobeta ta l'aceite y nietro, cantaro y charro, que encara s'emplegan, ta lo vin.

Unidat aragonesa Equivalencias Sistema Internacional d'Unidaz Equivalencia con atras unidaz
Arrobeta 9,3 litros, dende 1553: 13,93 litros 24 libras, dende 1553: 36 libras
Nietro 158,4 litros 16 cantaros = 128 charros
Cantaro 9,9 litros 2 cuartas = 8 charros = 28 libras
Charro (u pichera) 1,24 litros -
Pichereta 0,333 litros -

Unidaz de cabida t'aridos Editar

Unidat aragonesa Equivalencias Sistema Internacional d'Unidaz Equivalencia con atras unidaz
Cafiz 202,08 litros, dende o sieglo XVI: 179,36 litros 12 piez qubicos = 4 robas = 8 fanegas = 24 cuartals = 96 almutz
Fanega (u faneca) 25,26 litros 1/8 de cafiz = 3 cuartals = 12 almutz
Cuartal 7,772 litros 1/24 de cafiz = 4 almutz
Almut 1,943 litros 1/96 de cafiz

Unidaz de superficie Editar

Unidat aragonesa Equivalencias Sistema Internacional d'Unidaz Equivalencia con atras unidaz
cafizata (u Cafiz) 5.721 8 fanegas = 24 cuartals = 9.600 varas cuadratas
Fanega 715 1/8 de cafiz = 3 cuartals
Cuartal 238 400 varas cuadratas = 4 almuz = 1/4 de fanega
Almut 59 100 varas cuadratas = 1/4 cuartal

Atra unidat de superficie ye a chunta (bels 2.700 m²) que ye a superficie que se puet arar con una chunta de dos bueis en una chornata de treballo.

Referencias Editar

  1. (es) Francisco Javier Sánchez Martín, "Aproximación al léxico de los pesos y las medidas de capacidad en la época renacentista", Interlingüística n°17, 2007, ISSN 1134-8941

Bibliografía Editar

  • Nagore, Francho. Gramatica de la Lengua Aragonesa. Editorial Mira Editores ISBN 84-86778-16-6.
  • Lara Izquierdo, Pablo. Sistema aragonés de pesas y medidas. La metrología histórica aragonesa y sus relaciones con la castellana. Guara editorial, Zaragoza 1984.


 
Unidatz de mesura aragonesas
 
Longaria: Legua - Vara - Codo - Piet - Palmo - Fulco
Masa: Carga - Quintal - Arroba - Quarterón - Almut - Libra - Onza - Arienzo
Cabida (liquidos): Arrobeta - Nietro - Cantaro - Charro
Cabida (aridos) y superficie: Cafiz - Fanega - Quartal - Almut