Gerónimo Borao y Clemente
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Gerónimo Borao y Clemente | |
|---|---|
| |
| Información personal | |
| Calendata de naixencia | 1821 |
| Puesto de naixencia |  Zaragoza (Comarca Central, Aragón)
|
| Calendata de muerte | 23 de noviembre de 1878 |
| Edat | 57 |
| Puesto de muerte | Zaragoza (Comarca Central, Aragón)
|
| Alma Máter | Universidat de Zaragoza |
| Ocupación | Escritor Profesor universitario Politico |
Gerónimo[1] Borao y Clemente (Zaragoza, 1821 - 23 de noviembre de 1878) estió un escritor, profesor universitario y politico aragonés d'o sieglo XIX, catedratico de luenga espanyola en a Universidat de Zaragoza, d'a cual estió tamién rector[2] tres vegadas.[1] A tradición castellana ha escrito lo suyo nombre como «Jerónimo», pero él lo escribiba con G-.
Se considera una figura mayor en o Romanticismo aragonés,[2] se manifestó siempre a favor d'o progresismo liberal[1] y prenió parte por a Revolución de chulio de 1854, que esclató en Zaragoza y remató por instaurar lo Bienio Progresista d'Espartero en Madrit, pasando bels meses en prisión[2] a partir d'o desistimiento d'o gubierno aquel en 1856. Estió vicepresident d'a Exposición Aragonesa de 1868, miembro de l'Academia de San Luis, y academico d'a Real Academia Española d'a Luenga y a d'Historia.[2]
Biografía
editarGerónimo Borao naixó en Zaragoza en 1821. Estudeó en os Escolapios dica ingresar en a Universidat de Zaragoza, en do se licenciaría en Dreito en 1843.[1] Obtenió la catedra de Literatura Cheneral y Espanyola en 1847,[1] cuan no teneba que 26 anyos.
Seguntes a suya propia cronica (Historia del alzamiento de Zaragoza en 1854), fizo parte activa en o levantamiento popular contra o Gubierno establiu en 1854, que tenió lo primer epicentro en Zaragoza en do se trobaba en ixas envueltas o cheneral Espartero. Borao s'autodefine como «infatigable campeón de las ideas liberales».[1] Cuan a revolución triumfó, a reina Isabel gritó a Borao como diputau a Corz Constituyents, puesto que ocuparía mientres o Bienio Progresista.[1] En 1855 fue nombrau rector d'a Universidat de Zaragoza. Pasó bels meses engarcholau en Valencia en represalia por os suyos posicionamientos politicos, con a tornada ta poder d'os conservadors d'O'Donnell en 1856, dimpués de rematau o periodo progresista. A partir de que le liberan, torna a amostrar en Zaragoza, pasando uns anyos discretos dica la fin d'ixa decada.
En 1840 colabora en a fundación d'o Liceo Literario y Artístico de Zaragoza, y comienza a cooperar en a edición d'a suya revista «La Aurora».[2] Cuan ixa publicación plegó, principiaría a colaborar con «El Suspiro». A la fin d'os suyos días, colaboraba de regular con a Revista de Aragón.[2]
En 1859 publica o «Diccionario de voces aragonesas» que se conoix popularment con o suyo nombre. Ye una recopilación de 2959 parolas y lexico comuns de l'aragonés y o castellano d'Aragón d'ixes tiempos, precedius d'una introducción de mas de 100 pachinas en a cual manifiesta un claro sentimiento aragonesista y reflexiona fundament sobre a posición filolochica d'Aragón entre as luengas d'Espanya y a necesidat de guardar as parolas d'un idioma que siente perder-se a trote.
En 1868 os progresistas tornan a puyar ta poder, y Borao torna a estar nombrau rector d'a Universidat de Zaragoza. Aprofita pa publicar a suya Historia de la Universidad de Zaragoza, animau por a publicación homologa d'a de Valencia l'anyo anterior.[1] En 1876 tornaría a estar-ne, por tercera vegada.[2]
Muere en Zaragoza o 23 de noviembre de 1878 entre que aprestaba o suyo «Diccionario de voces aragonesas» pa la segunda edición,[1] con 57 anyos d'edat.
Obras
editarAutor de bellas poesías, no teneba tanto talento pa la lirica como pa la narrativa.[2] O que sí fizo estió escribir versos que recopilaban as poesías publicadas por o impresor zaragozano D. Calixto Ariño.[2] Destacó mas que mas por a suya narrativa, que estaría d'as mas destacables d'o drama romantico aragonés, en chunto con a de Huici.[2]
Poesía
editar- Dance de Nuestra Señora de Magallón de Leciñena (1837).
- Lanuza (1840).
- Zaragoza en su 5 de marzo (1842).
- A Azara (1850).
Drama
editar- Las hijas del Cid (1842).
- Los condes de Portugal (1862).
- Los privilegios de la Unión (1862).
- Alfonso el Batallador (1868).
Novela
editar- Don Clarisel de las Flores (1866).
Monografías
editar- Noticias de Don Jerónimo Ximénez de Urrea (1850).
- Tratado de Ajedrez.
- Tratado de Aritmética.
- La imprenta en Zaragoza (1860).
- Historia de la Universidad de Zaragoza (1869).
Referencias
editar- ↑ 1,0 1,1 1,2 1,3 1,4 1,5 1,6 1,7 1,8 (es) VICENTE GUERRERO, Guillermo (2018). Biografía. Revista Historia de las Universidades. Num. 21/2. pp. 325-331. DOI https://doi.org/10.20318/cian.2018.4281
- ↑ 2,00 2,01 2,02 2,03 2,04 2,05 2,06 2,07 2,08 2,09 (es) «Borao y Clemente, Jerónimo» en a Gran Enciclopedia Aragonesa; consultada l'11 de mayo de 2019.
Se veiga tamién
editar
Datos: Q18190933
Multimedia: Jerónimo Borao y Clemente / Q18190933
