Aladro
L'aladro u aladre ye una ferramienta agricola emplegata ta remover y escardar os suelos en ubrir-be sulcos con una fuella vulcadora d'acero que, por efecto d'a tracción, creba la superficie d'a tierra y ne vulca os ceborrons, facilitando asinas que i dentren os nutrients y sobretot, lo nitrocheno atmosferico que cal que siga por as bacterias d'o suelo ta que pueda ser emplegato por as plantas caultivatas.
HistoriaEditar
L'aladro puet ser considerato como evolución d'a pica u d'a ixata por a suya forma, y que en o momento d'a suya aparición historica, significore un cambeo profundo ta l'agricultura perque permitiore a sabels cambeos en o escalio y lo treballo de grans superficies de tierra.
En os suyos orichens, l'aladro yera estibato por personas y dimpués, con o paso d'as cheneracions, se bi metioron animals ta fer esta fayena; mulas, bueis y a bells puestos, caballos. Actualment, totas ixas bestias han estato reemplazatas por os tractors agricolas como elemento de tiro.
Aladros actualsEditar
Os aladros actualment son fetos de tot de metal y s'emplegan enganchatos ent'un tractor agricola, d'ixa traza, l'emplego d'animals en as fayenas de labranza ha quedato talment oblidato a muitos puestos d'o primer mundo.
Partz de l'aladroEditar
En l'aladro bi ha diferents piezas que cumplen funcions concretas: cuitre, dental, rella, vertedera, ecetra.
