Bertolomeu
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Bertolomeu | |
|---|---|
 Estatua de Sant Bertolomeu en Copenaguen | |
| Orichen | Arameu |
| Chenero | Masculín |
| Santoral | 24 d'agosto |
| Significau | fillo de Ptolomeu |
| Zona | Tot o mundo |
| Articlos en Biquipedia | Todas as pachinas que prencipian por Bertolomeu |
Bertolomeu[1] u Bertomeu[1] ye un antroponimo d'orichen arameu que significa "fillo de Talmai", ye dicir "fillo de Ptolomeu". Como parola patrimonial y con femenín regular a suya forma femenina ye Bertolomeua u Bertolomeva.[1][2]
Variants
editarA forma "Bertolomeu" ye un nombre que se troba muito a sobén en os textos medievals, por eixemplo en os fogaches, como o de 1495. O femenín "Bertolomeua" u "Bertolomeva" se troba tamién en textos medievals de Zaragoza y d'a val de l'Ebro, por eixemplo en os textos d'as confrairías de Zaragoza.[3]
En textos medievals podemos veyer-lo escrito tamién como Bartolomeu, Bertolomé, por una traza de simplificar o diftongo tipica de l'aragonés, más que más d'a mitat occidental, visible en l'adverbio quantitativo pro (prou en a mitat oriental), Perinés (Pireneus), pre, Casterló, ecetra.
A forma femenina de l'antroponimo presentaba a forma Bartolomeya en l'aragonés d'as comunidatz aragonesas (sud y sudueste d'Aragón).[4] Bi ha indicios que ye una hipercorrección, porque leyemos tamién en o mesmo libro Mareya ("María"). En caso de pronunciar-se realment a -y- epentetica, no se representa en a ortografía actual proposata por l'Academia de l'Aragonés y s'escribiría Bartolomea.
Entre os hipocoristicos de "Bertolomeu" tenemos Tomeu.
Variants en atros idiomas
editar| Variants en atras luengas | |
|---|---|
| Alemán | Bartholomäus |
| Amharico | Bārtālomēwos |
| Anglés | Bartholomew |
| Arabe | برثولماوس (Barthwlmaws) |
| Aragonés | Bertolomeu |
| Armenio | Բարդուղիմեոս (Bartoghimeos) |
| Asturiano | Bartolomé |
| Bretón | Bertelame |
| Castellano | Bartolomé |
| Catalán | Bartomeu |
| Checo | Bartoloměj |
| Corso | Bartulumeu |
| Danés | Bartolomæus |
| Eslovaco | Bartolomej |
| Esperanto | Bartolomeo |
| Estonio | Bartolomeus |
| Finlandés | Bartolomeus, Perttu, Pärttyli |
| Francés | Barthélemy |
| Gallego | Bartolomeu |
| Griego | Βαρθολομαίος (Bartholomaios) |
| Hebreu | ברתולומאוס (Bartwlwmaws) |
| Holandés | Bartolomeüs |
| Hongaro | Bertalan |
| Irlandés | Bairtliméad |
| Islandés | Bartólómeus |
| Italiano | Bartolomeo |
| Latín | Bartholomaeus |
| Letón | Bartolomejs |
| Lituano | Baltramiejus |
| Maltés | Bartoloméw, Bartilméw |
| Noruego | Bartolomeus |
| Polaco | Bartłomiej, Bartosz |
| Portugués | Bartolomeu |
| Rumano | Bartolomeu |
| Ruso | Варфоломей (Varfolomej) |
| Sardo | Bartumèu |
| Serbio | Вартоломеј (Bartolomej) |
| Sueco | Bartolomeus |
| Ucrainés | Варфоломій (Varfolomij) |
| Basco | Bartoloma |
| Veneciano | Bortoło |
Referencias
editar- ↑ 1,0 1,1 1,2 (es) EDACAR Nº 9 - Antroponimia Aragonesa. Nombres de persona en aragonés. Comisión d'Onomastica de l'Academia de l'Aragonés. ISSN: 1988-8139. Marzo de 2014.
- ↑ Academia de l'Aragonés "Propuesta ortografica de l'Academia de l'Aragonés". EDACAR, 7. Zaragoza, 2010.
- ↑ Tomás Domingo Pérez, María Rosa Gutiérrez Iglesias Confrayria de Sant Spirit et de Sancta Maria de la Sancta Sied de Sant Salvador. Aragón en la Edat Media. Nº 16, 2000 , págs. 237-272 [1]
- ↑ (es) María Luisa Ledesma Rubio Morabedí de Teruel y sus aldeas, 1384-1387. Universidad de Zaragoza, 1982 [2].
Datos: Q23309991
