Bertolomeu

Bertolomeu
Bartholomew Copenhagen modified.jpg
Estatua de Sant Bertolomeu en Copenaguen
Orichen Arameu
Chenero Masculín
Santoral 24 d'agosto
Significau fillo de Ptolomeu
Zona Tot o mundo
Articlos en Biquipedia Todas as pachinas que prencipian por Bertolomeu

Bertolomeu ye un antroponimo d'orichen arameu que significa "fillo de Talmai", ye dicir "fillo de Ptolomeu". Como parola patrimonial y con femenín regular a suya forma femenina ye Bertolomeua u Bertolomeva.[1]

VariantsEditar

A forma "Bertolomeu" ye un nombre que se troba muito a sobén en os textos medievals, por eixemplo en os fogaches, como o de 1495. O femenín "Bertolomeua" u "Bertolomeva" se troba tamién en textos medievals de Zaragoza y d'a val de l'Ebro, por eixemplo en os textos d'as confrairías de Zaragoza.[2]

En textos medievals podemos veyer-lo escrito tamién como Bartolomeu, Bertolomé, por una traza de simplificar o diftongo tipica de l'aragonés, más que más d'a mitat occidental, visible en l'adverbio quantitativo pro (prou en a mitat oriental), Perinés (Pireneus), pre, Casterló, ecetra.

A forma femenina de l'antroponimo presentaba a forma Bartolomeya en l'aragonés d'as comunidatz aragonesas (sud y sudueste d'Aragón).[3] Bi ha indicios que ye una hipercorrección, porque leyemos tamién en o mesmo libro Mareya ("María"). En caso de pronunciar-se realment a -y- epentetica, no se representa en a ortografía actual proposata por l'Academia de l'Aragonés y s'escribiría Bartolomea.

Entre os hipocoristicos de "Bertolomeu" tenemos Tomeu.

Variants en atros idiomasEditar

Variants en atras luengas
Alemán Bartholomäus
Amarico Bārtālomēwos
Anglés Bartholomew
Arabe برثولماوس (Barthwlmaws)
Aragonés Bertolomeu
Armenio Բարդուղիմեոս (Bartoghimeos)
Asturián Bartolomé
Bretón Bertelame
Castellán Bartolomé
Catalán Bartomeu
Checo Bartoloměj
Corso Bartulumeu
Danés Bartolomæus
Eslovaco Bartolomej
Esperanto Bartolomeo
Estón Bartolomeus
Finlandés Bartolomeus, Perttu, Pärttyli
Francés Barthélemy
Gallego Bartolomeu
Griego Βαρθολομαίος (Bartholomaios)
Hebreu ברתולומאוס (Bartwlwmaws)
Holandés Bartolomeüs
Hongaro Bertalan
Irlandés Bairtliméad
Islandés Bartólómeus
Italián Bartolomeo
Latín Bartholomaeus
Letón Bartolomejs
Lituán Baltramiejus
Maltés Bartoloméw, Bartilméw
Noruego Bartolomeus
Polaco Bartłomiej, Bartosz
Portugués Bartolomeu
Rumán Bartolomeu
Ruso Варфоломей (Varfolomej)
Sardo Bartumèu
Serbio Вартоломеј (Bartolomej)
Sueco Bartolomeus
Ucrainés Варфоломій (Varfolomij)
Vasco Bartoloma
Venecián Bortoło

ReferenciasEditar

  1. Academia de l'Aragonés "Propuesta ortografica de l'Academia de l'Aragonés". EDACAR, 7. Zaragoza, 2010.
  2. Tomás Domingo Pérez, María Rosa Gutiérrez Iglesias Confrayria de Sant Spirit et de Sancta Maria de la Sancta Sied de Sant Salvador. Aragón en la Edat Media. Nº 16, 2000 , págs. 237-272 [1]
  3. (es) María Luisa Ledesma Rubio Morabedí de Teruel y sus aldeas, 1384-1387. Universidad de Zaragoza, 1982 [2].