Maquina de vapor
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
Una maquina de vapor ye un motor de combustión externa que transforma la enerchía de bella cantidat de vapor d'augua en treballo mecanico.
O suyo funcionamiento se puet dividir en tres etapas:
- Etapa I: En una caldera se chenera vapor cremando un combustible (antigament fusta u carbón, actualment petrolio y gas natural). A vapor dentra en o celindro arrozegando l'embolo u pistón.
- Etapa II: Por meyo d'un mecanismo de biela-manillera, iste se puet convertir en un movimento de rotación, por eixemplo, d'o rotor d'un chenerador electrico.
- Etapa III: Quan han rematato as dos etapas anteriors, l'embolo (u pistón) torna a la suya posición inicial, expulsando la vapor d'augua. O ciclo se controla por meyo d'una serie de valvulas de dentrata y de salita, que regulan que s'esvielle a carga, ye decir, os fluxos d'a vapor enta o celindro y dende o celindro.