Abrir menú principal

José María Enguita Utrilla

José Mª Enguita Utrilla
Información personal
Calendata de naixencia 1950
Puesto de naixencia Flag of Castilla y León.svg Soria
Ocupación Filologo y profesor universitario

José María Enguita Utrilla (Soria, 1950) ye un filologo y profesor universitario, catedratico de luenga espanyola en a Universidat de Zaragoza[1] y director actual de l'Archivo de Filología Aragonesa[2] en a Institución «Fernando el Católico».

Succesor de Tomás Buesa en a catedra de luenga espanyola, ha continau as linias d'estudeo d'aquell sobre o espanyol d'America Latina y sobre dialectolochía aragonesa.

FormaciónEditar

Estudeó Filolochía Romanica en a Facultat de Filosofía y Letras d'a Universidat de Zaragoza dende 1969 dica 1973. Se doctoró en a mesma universidat con a tesi doctoral La influencia americana en el léxico de la "Historia general y natural de las Indias", de Gonzalo Fernández de Oviedo en 1980, con Premio Extraordinario de Doctorau.[1]

DocenciaEditar

Como docent, l'amostranza l'ha feito más que más sobre luenga espanyola y as relacions lingüisticas entre America y a Peninsula Iberica, sobre a historia d'a luenga espanyola y sobre dialectolochía hispanica.[1] A dintro d'esta zaguera, ha tocau bellas veces a Filolochía aragonesa.

Atras aportacionsEditar

En colaboración con María Antonia Martín Zorraquino ye autor de Las lenguas de Aragón (Zaragoza, 2000),[1] una obra que s'ha tomau de referencia posteriorment. Ye coautor de bells articlos sobre aragonés y o proceso de castellanización d'Aragón,[3] escritos con Mª Luisa Arnal en os primers anyos 1990, quan esta tematica encara no teneba guaire cobertura dende una optica academica.

Dende 1985 dica 2006 estió lo secretario d'a sección de filolochía d'a Institución «Fernando el Católico».[1] y secretario de l'Archivo de Filología Aragonesa, que edita ixa entidat. Dende 2007 ye o director de l'AFA.[1]

ReferenciasEditar

  1. 1,0 1,1 1,2 1,3 1,4 1,5 (es) Ficha de personal en a web d'a Universidat de Zaragoza. Consultada o 3 de mayo de 2019.
  2. (es) Publicaciones en a web d'a Institución «Fernando el Católico», consultada o 3 de mayo de 2019.
  3. (es) María Luisa Arnal Purroy en a web d'a Universidat de Zaragoza. Consultada o 2 de mayo de 2019.

Se veiga tamiénEditar