Abrir menú principal
Antonio Balaguer Pascual
Información personal
Calendata naiximiento: 1855
Puesto naiximiento: Flag of Aragon.svg Andorra (Andorra-Sierra d'Arcos, Aragón)
Calendata muerte: 25 de marzo de 1938
Puesto muerte: Flag of Aragon.svg Andorra (Andorra-Sierra d'Arcos, Aragón)
Embote: El Rey de Andorra (O Rei d'Andorra)
Esporte: Atletismo

Antonio Balaguer Pascual, conoixito con a embotada de El Rey de Andorra (O Rei d'Andorra en aragonés), estió un atleta aragonés, naixito d'Andorra (Andorra-Sierra d'Arcos) en 1855 y muerto en ixa mesma localidat o 25 de marzo de 1938.

Estió un corredor de cursas pedestres, que destacaba por a suya gran fortaleza fisica y tamién por a suya capacidat de resistencia en cursas de luenga distancia, tenendo amás capacidat ta fer o que en l'atletismo moderno se conoix como sprintar, ye decir, a capacidat de correr tamién a gran velocidat.

En ixas envueltas d'a segunda metat d'o sieglo XIX, quan o esporte no teneba garra regulación ni popularidat, Antonio Balaguer Pascual esdevenió una autentica presonalidat en primeras en a suya redolada, que dimpués s'estendilló dende Alcanyiz dica Amposta, en Catalunya, plegando por o norte en as suyas actuacions dica a provincia de Uesca. Dimpués d'una victoria suya en Aliaga li concedioron o títol de "campión d'Aragón". Sindembargo, a suya fama trescruzó as mugas, plegando a fer exhibicions en puestos como París u Londres, en competencia con chinetes montatos a caballo t'amostrar a suya velocidat, en ixas envueltas en que o esporte yera considerato alto u baixo como una atracción de feria. Fácil que con as suyas capacidatz hese estato un campión mundial si hese naixito bellas decadas dimpués.

Vinclos externosEditar