Alfacharín

	Alfacharín
	Municipio d'Aragón
	; Anvista d'Alfacharín dende o suyo castiello.
Entidat; • País; • Provincia; • Comarca	Municipio; Aragón; Zaragoza; Comarca Central
Partiu chudicial	Zaragoza
Mancomunidat	Central
Superficie	137,57 km²
Población; • Total	; 2434 hab. (2013)
Altaria; • Meyana	; 199 m.
Distancia; • 17 km	; enta Zaragoza
Alcalde	Francisco Verge Salvado
Codigo postal	50172
Coordenadas	41°36’49’’N 0°42’13’’U
	Alfacharín Alfacharín en Aragón
	Web oficial

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Alfacharín (Alfajarín en castellano y oficialment) ye una villa y municipio aragonés d'a provincia de Zaragoza, situada en a Comarca Central. Fa parte d'o partiu chudicial de Zaragoza.

A suya población ye de 2.298 habitants (2012), en una superficie de 137,57 km², con una densidat de población de 16,70 hab/km².

HistoriaEditar

Encara que o castiello andalusí d'Alfacharín fuese reconquiesto por o rei Alifonso I o Batallero, se tornó a perder dimpués d'a batalla de Fraga. En 1131 os cristianos ya prenioron Alfacharín pa cutio. En 1293 o rei Chaime I creyó a baronía d'Alfacharín con os lugars d'Alfacharín, Candasniellos, Farlet y Nuez d'Ebro, que fue entregada a Pero Cornel III. Alfacharín en os sieglos XIII y XIV, mientres perteneixió a la Casa de Cornel, fue fortificau.

CheografíaEditar

A villa d'Alfacharín ye situada a 199 metros d'altaria sobre o livel d'a mar, a una distancia de 17 km d'a ciudat de Zaragoza, a capital d'a suya comarca, d'o suyo partiu chudicial, d'a suya provincia y d'Aragón.

En o termin d'Alfacharín trobamos o despoblau de Candasniellos.

ToponimiaEditar

O suyo nombre ye d'orichen arabe, y en os textos medievals apareixe, como ye normal, con diferents variants graficas: Alfaiarin, Alfaiarino, Alfagerin, Alfagarin, Alfagarino, Alhagerin, Alhagerim.

Sobre o suyo significau en arabe tenemos tres explicacions:

Dende l'arabe المحجر Al-Hacharïn ("los que treballan en una pedrera").
Dende l'arabe Al-Hayyarayn ("as dos penyas").
Dende l'arabe Al-faikhar (os "alfarers").

A zaguera hipotesi encara que siga la mes conoixida ye menos probable que atras porque o fonema arabe representau por a letra kha s'adaptó ta l'aragonés como g ("garrofera"), estando a primera hipotesi mes acertada porque a chim amaneix como ch en os arabismos presos por l'aragonés.

Lo trobamos escrito Alfaiarin en lo testamento de Tomás Cornel, un texto de 1353 en luenga aragonesa:

En el nopne de Dios e de su gracia. Sepan todos, que nós, don Thomás Cornel, sennor de Alfaiarin, puesto en gran flaqueza e enfermedat, emperò bendito Dios en nuestro buen sesso e buena memoria e palaura manifiesta porque nenguno en carne puesto, a la muert corporal escapar non puede, e mas cierta cosa non sia, que és la muert

En o fogache de 1495 s'escribiba Alfajarin. En a documentación medieval d'a Cort de chusticia d'a Casa de Ganaders de Zaragoza s'escribe Alfajarín y Alfacharín, correspondendo con un tiempo que a scripta medieval aragonesa se descomponeba y preneba a ortografía castellana, con a ch pa representar l'africada.

venian Johan Espanyol e Pedro de la Cadena camino de Alfacharín enta la ciudat de Çaragoça

conpareció don Pedro de Alfacharín, ganadero de aquesta ciudat

Bi ha microtoponimos en aragonés como Cados, La Portaza (l'arco d'entrada d'a muralla medieval), Cueva de las Grallas. Bi ha tamién un toponimo muit interesant, Brazal del Marchuel, que vien de l'arabe "march", "prau", preso por l'aragonés como "Almarchal", con un sufixo romance, y que amuestra un caso de -ch- en romance actual que vien d'o fonema africau que se representa con chim en arabe.

DemografíaEditar

Evolución demografica

1362 f	1495 f	1842	1857	1860	1877	1887	1897	1900
-	-	582	1.018	1.051	916	974	1.057	978

1910	1920	1930	1940	1950	1960	1970	1981	1991
1.240	1.348	1.325	1.282	1.221	1.168	1.171	1.283	1.546

1992	1994	1996	1997	1998	1999	2000	2001	2002
-	-	1.450	-	1.460	1.478	1.495	1.538	1.591

2003	2004	2005	2006	2007	2008	2009	2010	2011
1.611	1.742	1.816	1.879	1.963	1.963	2.032	2.168	2.215

2012	2013	2014	2015	2016	2017	2018	2019	2020
2.259	-	-	-	2.298	-	-	-	-

2021	2022	2023	2024	2025	2026	2027	2028	-
-	2.434	-	-	-	-	-	-	-

1717-1981: población de feito; 1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

AdministraciónEditar

Reparto de concellersEditar

Eleccions municipals^[1]
Partiu	1979	1983	1987	1991	1995	1999	2003	2007	2011	2015	2019
Partido Aragonés	-	6	7	6	7	4	5	5	4	5	5
Partido de los Socialistas de Aragón	-	3	2	3	-	1	2	3	2	2	4
Ganar Alfacharín	-	-	-	-	-	-	-	-	-	2	1
Partido Popular	-	-	-	0	2	2	1	1	2	2	1
Chunta Aragonesista	-	-	-	-	-	-	-	0	3	-	-
Izquierda Unida	-	-	-	-	-	2	1	0	-	-	-
Unión de Centro Democrático	4	-	-	-	-	-	-	-	-	-	-
Independients	2	-	-	-	-	-	-	-	-	-	-
Total	6	9	9	9	9	9	9	9	11	11	11

AlcaldesEditar

Lista d'alcaldes
Lechislatura	Nombre	Partiu politico
1979–1983	Jesús Pallás Luño	UAP
1983–1987	Ángel Córdova Andrés	Partido Aragonés
1987–1991	Ángel Córdova Andrés	Partido Aragonés
1991–1995	Ángel Córdova Andrés	Partido Aragonés
1995–1999	Ángel Córdova Andrés	Partido Aragonés
1999–2003	Jesús Jaria Gilaberte	Partido Aragonés
2003–2007	Santos Miguel Moliner	Partido Aragonés
2007–2011	Francisco Vergé Salvadó	Partido Aragonés
2011–2015	Francisco Vergé Salvadó	Partido Aragonés
2015–2017	Inmaculada Abadía^[2]	Partido Popular
2017–2019	Jesús Vicén^[3]	Partido de los Socialistas de Aragón

MolimentosEditar

A ilesia de Sant Miguel Arcánchel d'Alfacharín.

Castiello d'Alfacharín.
La Portaza:, l'arco d'entrada d'a muralla, d'o sieglo XIV.
Ilesia de Sant Miguel Arcánchel d'Alfacharín, a ilesia parroquial adedicada a Sant Miguel Arcánchel, una ilesia que ye l'antiga mezquita d'o sieglo XII d'a localidat, encara que a suya torre ye de 1486. L'edificio ye protechiu legalment dende o 21 de noviembre de 2001 con a suya declaración como Bien d'Intrés Cultural.^[4]

Localidaz achirmanatasEditar

Idron (Pireneus Atlanticos, Occitania).

Vinclos externosEditar

Se veigan as imachens de Commons sobre Alfacharín.
(es) Alfajarin.org.
(es) Mancomunidad Ribera Izquierda del Ebro.

ReferenciasEditar

Municipios d'a Comarca Central
Alfacharín \| Botorrita \| Lo Burgo d'Ebro \| Cadret \| Exaulín \| Fuents d'Ebro \| María de la Uerba \| Mediana d'Aragón \| Mozota \| Nuez d'Ebro \| Osera d'Ebro \| Pastriz \| La Pobla d'Alfindén \| Quart de la Uerba \| Sant Mateu de Galligo \| Utevo \| Villafranca d'Ebro \| Villamayor de Galligo \| Villanueva de Galligo \| Zaragoza \| Zuera

Lugars d'o municipio d'Alfacharín
Poblaus: Alfacharín \| El Condado \| Los Huertos Despoblaus: Candasniellos

[1] (es) Resultaus electorals oficials d'o Menisterio de l'Interior

[2] (es) El PAR critica el cambio de alcaldía en Alfajarín, en o Heraldo de Aragón.

[3] (es) Jesús Vicén, alcalde de Alfajarín: "PP y PSOE nos repartimos la alcaldía y ha funcionado bastante bien", en o Heraldo de Aragón.

[4] (es) Texto en o Boletín Oficial d'Aragón d'a declaración como Bien d'Intrés Cultural d'a ilesia de Sant Miguel Arcánchel d'Alfacharín.

[1]

[2]

[3]

[4]