Enrique Satué

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Enrique Satué
Información personal
Calendata de naixencia	30 de chulio de 1955
Puesto de naixencia	Samianigo (Uesca)
Ocupación	Mayestro, profesor y etnologo

Enrique Satué Oliván (30 de chulio de 1955) ye un mayestro, profesor y escritor aragonés naixiu de Samianigo, anque fillo de pais emigraus de Sobrepuerto. Ye licenciau en Filosofía y Letras y doctor en Cheografía y Historia, y autor de cualques ensayos sobre Historia y etnolochía de l'Alto Aragón y, especialment, a tierra de sus pais que ye Sobrepuerto. Fue o director d'o Museu Ángel Orensanz y Artes de Sarrablo de Samianigo dende 1988 dica 2007^[1].

Actualment, ye o director d'o Centro de Profesors y Recursos d'a Deputación Cheneral d'Aragón en Uesca^[1] y imparte clases d'o Máster en Museus d'a Universidat de Zaragoza^[1]. A suya tesi doctoral, titulada «Religiosidad popular y romerías en el Pirineo», ganó o tercer premio d'o certamen Premios d'Investigación Cultural Marqués de Lozoya en 1988.

Ye miembro de l'Asociación Amigos de Serrablo, en colaboración con miembros de a cual ha escrito tamién cualques d'as suyas obras, y ha feito parte d'a Chunta d'Organización de l'asociación buena cosa d'anyos. Ye primo-chermano de José María Satué Sanromán^[1], por man de su pai, que yera de casa Ferrer d'Escartín. Su mai yera de casa Juan Antonio d'Ainielle.

Obras

A obra bibliografica de Satué ye profusa en ensayo divulgativo. Tamién incluye libros de relatos y literatura infantil. As obras mas literarias prenen siempre cosas d'a realidat, muy especialment a d'o Mundo Rural que apasiona a l'autor, fendo de a literatura-ficción unatra forma de transmitir a cultura tradicional. En cualques d'as suyas obras bi ha contenius capítols, textos u poemas escritos en aragonés.

(es) Artesanía de Serrablo (1983), en chunto con José Garcés Romeo y Julio Gavín Moya.
(es) El Pirineo abandonado (1984)
(es) Las romerías de Santa Orosia (1988), a suya tesi de licenciatura.
(es) Arquitectura popular de Serrablo (1991), en chunto con J. Garcés y J. Gavín.
(es) Religiosidad popular y romerías en el Pirineo (1991), a suya tesi doctoral.
(es) Pedrón, el diablo del museo de Serrablo (1994).
(es) El Pirineo contado (1995).
(es) Cabalero. Un viejo pastor del Pirineo (1996).
(es) Tfarrah. El Sáhara desde aquí (1999).
(es) Caldearenas. Un viaje por la Escuela y el Magisterio rural (2000).
(es) Pirineo adentro (2003).
(es) Los niños del frente (2003).
(es) Ainielle, la memoria amarilla (2003).
(es) Fray Distinto de Somport (2004).
(es) Pirineo de Boj (2005).
(es) Aquel Pirineo (2005).
(es) As Crabetas. Libro-museo sobre la infancia tradicional del Pirineo (2011).
(es) El Pirineo contado (2014).

O libro El Pirineo abandonado de Satué, de 1983, fue decisivo pa que Julio Llamazares escribise a suya conoixida novela A plebia amariella y l'ambientás en Ainielle, seguntes ha confesau o escritor leyonés^[2]. Dende as primeras cartas (cuan Llamazares encara escribiba a suya novela) os dos autors han seguiu retrobando-se y en guardan amistat^[2]. Llamazares sinya o prologo a la edición por PRAMES d'a obra Ainielle, la memoria amarilla (2003) de Satué.

Referencias

↑ ^1,0 ^1,1 ^1,2 ^1,3 (es) Curriculum Vitae d'Enrique Satué por a Universidat de Zaragoza, consultau o 9 de septiembre de 2015.
↑ ^2,0 ^2,1 (es) SATUÉ OLIVÁN, Enrique. Ainielle, la memoria amarilla. Ed. PRAMES. Zaragoza, 2003. ISBN 84-8321-154-8

Datos: Q23774033

[CV-1] 1,0 ^1,1 ^1,2 ^1,3 (es) Curriculum Vitae d'Enrique Satué por a Universidat de Zaragoza, consultau o 9 de septiembre de 2015.

[Memo-2] 2,0 ^2,1 (es) SATUÉ OLIVÁN, Enrique. Ainielle, la memoria amarilla. Ed. PRAMES. Zaragoza, 2003. ISBN 84-8321-154-8

[1]

[2]