Wikipedia:Biquiprochecto:Grafía/Grafía B/Equus africanus
| Somero salvage africano | ||||||||||||||||
 Equus africanus | ||||||||||||||||
| ||||||||||||||||
| ||||||||||||||||
| Equus africanus | ||||||||||||||||
 Esta fuella está escrita en fovano.
|
O somero salvage africano (Equus africanus) ye un mamifero salvage d'o continente africano, pareixiu a o pullino domestico, que anque hoy s'ancuentra prou recluyiu en os paises d'o nordueste d'Africa (Etiopia, Somália e Eritrea) antes va tener un ária de destribucion que encluyêva Sudan, Egito e Líbia.
As suyas medidas pllegan hasta os 2 metros de longitut, con d'entre 230 e 275 Kg de peso. O pelo o tien curto e a color a tiene grisa clareta, con una franja escura que s'estira d'a nuca t'a coda (como os pullinos) e con rayetas negras en as patas, por baixo d'o gênullo. A subespécie núbia (Equus africanus africanus) tien, amás d'a franja longitudinal d'a espallda, atra que le baixa por l'ombro, que anque son compartidas con bellos pullinos, mancan del tot en l'atra subespécie (E. a. somalicus).
Os someros africanos víven por regular en ambientes deserticos ó semideserticos, a onde nomás que os suyos estomagos pueden sacar-ne cosa d'a pastura. Os sistemas digestivos d'istes animals son duros e capaç que ne sacan l'augua de poca cosa que comen. Se conoce que puéden tammien tirar a sabelos días sin de gota d'augua, anque bien luego ben de baixar a mirar-ne, lo menos cada 3 dias. A diferéncia d'a mayoria d'equidos, os someros africanos no precísan mica companyia, e se muéven abitualment soleteros (con excepcion d'as femallas con pullinetes), e nomás que cuando se tróban solos fan servir a voz suya, que ye prou grave e asinas se claman os unos con os otros en a distáncia, distáncia que puede enfilar-se hasta 3 km.
Tammien s'ha pensau que os someros africanos podiésen estar os devantepasaus d'os pullinos domesticos. Se conoce que os sumerios ya en van fer uso de largo fa sieglos, que los metévan a empentar vagons e carros. Atros autors piensan que ixes van haver de ser onagros ó pullinos ya más môdernos.
O estáu de conservacion atual d'a espécie ye dramaticamente perigloso t'a suya supervivéncia. As capturas masivas que antes se-ne fevan ta domesticar-los e tammien l'entrecruce con os pullinos domesticos ha empentau a espécie ta que atualmente no en queden si que unos poqués centenars. A más, en Somália e Etiopia, onde os caçan ta usar-los en a merecina tradicional, o incremento d'armas en circulacion con as recientes guerras cevils no ha fecho si que estimular-ne o descenso poblacional. A competicion, finalmente, con o bestiar domestico ta sacar-ne pastura d'o suyo duro hábitat en ha fecho declinar aúno más a demografía que teneva.
