Valbona

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Valbona ye un municipio de la provincia de Teruel, situau en la comarca de Gúdar-Chabalambre. La suya población ye de 181 habitants (2017), en una superficie de 40,81 km² y una densidat de población de 4,44 hab/km².

Valbona
Municipio d'Aragón
Entidat  • País  • Provincia  • Comarca	Municipio  Aragón  Teruel Gúdar-Chabalambre
Partiu chudicial	Teruel
Superficie	40,81 km²
Población  • Total	192 hab. (2013)
Altaria  • Meyana	949 m.
Distancia  • 35 km	enta Teruel
Alcalde	María Paz Martín Labern
Codigo postal	44430
Parroquial  • Diocesi  • Arcipestrau  • Parroquia	Teruel y Albarracín Mora de Rubielos Sant Antón abat
Coordenadas	40°13’43’’N 0°48’38’’U
Valbona Valbona en Aragón

Toponimia

Lo toponimo Valbona ye interpretable a partir de lo latín VALLIS BONA ("val buena"), y no presenta la diftongación de la Ŏ curta latina que cabría esperar en una zona antigament aragonesoparlant. D'acuerdo con Agustín Ventura Conejero se remontaría a un periodo antigo cuan encara no heba diftongau esta Ŏ, lo que suposaría un orichen mozarabe. Son toponimos cognatos de la Valbona teruelana en atras parz de la Peninsula Iberica: Valbona de Duero, Valbona de Pisuerga, Balboa, Valboa, Vallbona d'Anoia y Vallbona de les Monges. Semanticament podría representar un caso de toponimo propagandistico con un nombre sucherent pa atrayer repobladors en la mesma linia que La Puebla de Valverde en la Comunidat de Teruel, y belatros en la Comunidat de Daroca (Cuenca Buena, Fuent Buena, Valverde y Villa Dolz) y lo foneticament mozarabe Villafelich cerca de Calatayú.

Cheografía

Valbona ye situada en la depresión de Sarrión a l'este de la sierra de Camarena, a lo sudeste de la sierra de los Cabezos, a lo sud de la sierra d'el Chaparral y a lo sudueste de la sierra de Nogueruelas, sierras dende a on que baixan cursos d'augua de la cuenca hidrografica de Millars como lo río de Cedriellas y lo río d'Alcalá, dito tamién río de Valbona en lo suyo zaguer tramo.

Auguas enta baixo de Valbona complegan los ríos de Cedriellas y d'Alcalá. Lo río d'Alcalá se consideraba por la suya longaria u por lo suyo cabal lo primer tramo de lo río Millars dica mitat de lo sieglo XX. La construcción de lo entibo de Valbona en 1955 fizo que se reconsiderás cual yera lo primer tramo de Millars, considerando-se que yera lo río de Cedriellas.

En lo termin municipal de Valbona se troban los nuclios de población habitaus u deshabitaus d'Alcafas, Chillapajares, Alpenyes, Pinar d'el Cerro, Molinete y Rinconadas y Sabinar y Río Pilas.

Mugas

Lo suyo termin municipal muga con Mora de Rubielos, Sarrión, La Puebla de Valverde, Formich Susano y con Cabra de Mora.

Formich Susano	Cabra de Mora	Mora de Rubielos
La Puebla de Valverde		Mora de Rubielos
La Puebla de Valverde	Sarrión	Mora de Rubielos

Historia

Entre 1446 y 1495 feguraba en la sobrecullida de Teruel. En 1610 feba part de la part serrana de lo Condau de Fuents. En 1646 yera una localidat de la vereda de Teruel. Entre 1711 y 1833 yera en lo correchimiento de Teruel. En 1785 teneba la categoría de villa. Yera en lo partiu chudicial de Mora de Rubielos pero en 1965 pasó depender de lo partiu chudicial de Teruel.

Demografía

Evolución demografica

1992 1994 1996 1997 1998 1999 2000 2001 2002 - - - - 184 183 187 191 199

2003 2004 2005 2006 2007 2008 2009 2010 2011 202 212 216 229 215 205 228 224 202

2012 2013 2014 2015 2016 2017 2018 2019 2020 211 197 198 193 186 181 174 167 172

2021 2022 2023 2024 2025 2026 2027 2028 - 184 188 - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido Popular									4
Partido de los Socialistas de Aragón									1
Total									5

Alcaldes

Lista d'alcaldes

Lechislatura	Nombre	Partiu politico
1979–1983	Martín Bolos Camallonga	UCD
1983–1987
1987–1991
1991–1995
1995–1999
1999–2003
2003–2007	Víctor Sanz Herrero
2007–2011	Víctor Sanz Herrero
2011–2015	Víctor Sanz Herrero	PP
2015–2019
2019–2023
2023–2027	Diego Edo Agustín	PP

Puestos d'intrés

• Ilesia de Sant Antón.
• Entibo de Valbona (u Ibáñez Martín).
• Ermita de Sant Cristoval.
• Ermita de Loreto.

Fiestas

• 16-17 de setiembre.

Personalidaz naixidas de Valbona

• José Ibáñez Martín (1896-1969). Ministro d'Educación de 1939 a 1951.
• Francisco Piquer Rodilla (1666 — 1739).

Bibliografía

• (es) Jorge Hermosilla Pla (dir.): El regadío tradicional y el patrimonio hidráulico del Alto Mijares turolense. ESTEPA (Estudis del Territori i del Patrimoni), 2011, pp. 43–148.
• (es) Eduardo Viñuales Cobos (coordinador): Red natural de Aragón. nº 9, Gúdar-Javalambre Prames, 2006.

• Datos: Q1650767
• Multimedia: Valbona, Teruel / Q1650767