Puertomingalbo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Puertomingalbo (Puertomingalvo en castellano) ye un municipio de la provincia de Teruel, situau en la comarca de Gúdar-Chabalambre. La suya población ye de 112 habitants (2018), en una superficie de 102,67 km² y una densidat de 1,13 hab/km²

Puertomingalbo
Municipio d'Aragón
Envista de Puertomingalbo.
Entidat  • País  • Provincia  • Comarca	Municipio  Aragón  Teruel Gúdar-Chabalambre
Partiu chudicial	Teruel
Superficie	102,67 km²
Población  • Total	137 hab. (2013)
Altaria  • Meyana	1456 m.
Distancia  • 101 km	enta Teruel
Alcalde	Tomás Manuel Zafón Julián
Codigo postal	44411
Parroquial  • Diocesi  • Arcipestrau  • Parroquia	Teruel y Albarracín Mora de Rubielos Purificación de Ntra. Sra.
Coordenadas	40°15’52’’N 0°27’34’’U
Puertomingalbo Puertomingalbo en Aragón
Web oficial

Toponimia

Lo toponimo Puertomingalbo tiene un zaguer forman d'orichen arabe y corresponde a Galbun, l'hipocoristico de l'antroponimo Galib. En la provincia de Guadalachara bi ha una serie de toponimos con un orichen pareixiu: Torre de Miguel Bon y Mingalvo, que continan en atras zonas con Huerta de Mingalvo y Majada de Mingalbo, y plegan a la provincia de Malaga con Benagalbón.

En 1202 apareixe documentau como Ibn Galbón. En 1208 lo rei Pero II d'Aragón donó a la Orden de Selva Mayor d'Alcalá lo lugar de Cuevas de Domingo Arquero indicando-ne las mugas y nombrando un portum de Abingalbón:

...et ex inde usque ad Pennam gulosam ab Ingaluvon de Riuvo intus stando usque ad portum de Abingalbon..

En 1446 s'escribe Puerto, entre 1495 y 1609 s'escribe El Puerto, pasando a estar Puerto de Aben Galbó en 1646 y Puertomingalvo dende 1713.

La microtoponimia de Puertomingalbo ye bien estudiada por autors como José Castillo Gil y Javier Solsona Benages, que documentan bel microtoponimo con components en aragonés u en catalán anteriors a la castellanización (barranco de la falaguera, barranco de las grivas, Las Sampolas, El Grao, Masico Mollón, Las Nogueras, Mas d'Olaria, Mas d'Onceno, Pairón, Masico de Piuques, La Sunsida, ecetra).

Cheografía

Puertomingalbo ye situau a lo sud de la sierra de Mayabona, que presenta en lo suyo termin Las Sampolas. La sierra de la Batalla tiene una part en l'ueste de lo termin municipal chunto a lo termin de Vistabella. Lo río de Linars fa de muga entre Linars de Mora y Puertomingalbo cerca de Castelbispal y dimpués traviesa lo cabo sud de lo termin.

Mugas

Lo suyo termin municipal muga seguindo lo sentiu horario con Linars de Mora y Mosqueruela en la mesma comarca y provincia y con Vistabella y Villafermosa en la provincia de Castellón.

	Mosqueruela
Linars de Mora		Vistabella
	Villafermosa

Historia

En l'anyo 1202 lo rei Pero II donó Puertomingalbo a lo bispe de Zaragoza. Entre los anyos 1446 y 1495 feguraba en la sobrecullida de Mont Albán. En 1646 feba part de la vereda de Mont Albán. Entre 1711 y 1833 yera en lo correchimiento d'Alcanyiz y ya teneba lo titol de villa en 1785, tenendo concello municipal dende 1834. Dende 1965 perteneixe a lo partiu chudicial d'Alcanyiz.

Demografía

Evolución demografica

1992 1994 1996 1997 1998 1999 2000 2001 2002 - - - - 139 148 140 146 163

2003 2004 2005 2006 2007 2008 2009 2010 2011 165 182 190 229 252 259 228 207 157

2012 2013 2014 2015 2016 2017 2018 2019 2020 144 135 117 119 112 117 112 109 117

2021 2022 2023 2024 2025 2026 2027 2028 - 125 141 - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido de los Socialistas de Aragón									4
Partido Popular									1
Total									5

Alcaldes

Lista d'alcaldes

Lechislatura	Nombre	Partiu politico
1979–1983	Domingo García García	UCD
1983–1987	Domingo García García	PAR
1987–1991	Jesus Javier Solsona García	PSOE
1991–1995	Domingo García García	PSOE
1995–1999	Tomás Manuel Zafón Julián	PSOE
1999–2003	Tomás Manuel Zafón Julián	PSOE
2003–2007	Tomás Manuel Zafón Julián	PSOE
2007–2011	Tomás Manuel Zafón Julián	PSOE
2011–2015	Tomás Manuel Zafón Julián	PSOE
2015–2019
2019–2023
2023–2027	Tomás Manuel Zafón Julián	PSOE

Puestos d'intrés

• Casa d'a Villa.
• Ilesia de l'Asumpción.
• Castiello.
• Muralla.
• Ilesia d'a Purificación y Sant Blas, sieglo XVIII.
• Casal Llorens u Lloveras.
• Portal Alto (u de Sant Antón).
• Ermira de Sant Bernabeu.
• Ermita de Santa Barbara.
• Hespital de Santa María de Gracia, sieglo XV.
• Casa fuerte.
• Poblau iberico de Mas Royo u "Los Castillejos".

Fiestas

• Virchen de las Dolors, 29 de marzo.
• Sant Antón de Padua, 10 de chunio.

Bibliografía

• (es) José Castillo Gil: La toponimia oral de las elevaciones macizas de Puertomingalvo (Gúdar-Javalambre, Aragón) y su rotulación con genéricos postizos a partir del siglo XX. Publicau en Onomàstica. Anuari de la Societat d Onomàstica, nº 2, 2016.
• (es) Javier Solsona Benages: Estudio toponímico del término municipal de Puertomingalvo (Teruel). Universitat Jaume I, 2001.

Vinclos externos

• www.puertomingalvo.com.

• Datos: Q1651188
• Multimedia: Puertomingalvo / Q1651188