Torrociella d'Alcanyiz
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Iste articlo tracta sobre Torrociella d'Alcanyiz. Ta altros emplegos d'o toponimo torreciella se veiga Torreciella (desambigación).
Torrociella d'Alcanyiz (Torrecilla de Alcañiz en castellano, Torrocella en catalán) ye un municipio aragonés d'a provincia de Teruel, situata en a comarca d'o Baixo Aragón.
| Torrociella d'Alcanyiz | |||
| Municipio d'Aragón | |||
| |||
 Casa d'a Villa | |||
| Entidat • País • Provincia • Comarca |
Municipio Aragón.svg){kind=small} TeruelBaixo Aragón | ||
| Partiu chudicial | Alcanyiz | ||
| Superficie | 26,72 km² | ||
| Población • Total |
440 hab. (2013) | ||
| Altaria • Meyana |
446 m. | ||
| Distancia • 163 km |
enta Zaragoza | ||
| Alcalde | Joaquín Lorenzo Alquézar | ||
| Codigo postal | 44640 | ||
| Parroquial • Archidiocesi • Arcipestrau • Parroquia |
Zaragoza Alcanyiz Sant Miguel Arcánchel | ||
| Coordenadas | |||
| Web oficial | |||
.svg)
A suya población ye de 462 habitants (2004), en una superficie de 26,72 km² con una densidat de población de 17,29 hab/km²
Cheografía editar
Torrociella d'Alcanyiz ye situato en o semontano d'as primeras sierras d'o Sistema Iberico, amán d'o río Mezquín, a 446 metros d'altaria sobre o livel d'a mar y a una distancia de 163 km d'a ciudat de Zaragoza, a capital d'a suya provincia y d'Aragón.
Toponimia editar
En bels lugars d'a redolada, como Castelserás y Castellot, se diz popularmén Torrocilla, forma que se vei en un texto d'o sieglo XVI; en A Codonyera se diz Torrocella. Esto mos recuerda a toponimos altoaragoneses como Torrocilla y Torrociella.
En a Edat Meya se conoixen as formas Torreziella (1201) y Torraziella (1225). A segunda forma puet indicar que ye deminutibo de "torraza" y no de torre u estar analochica con "torraza". En o Fogache de 1495 s'escribe ya castellanizato como La Torrezilla, contrastando con l'atra Torreziella teruelana que s'escribe en aragonés.
Bi ha bels microtoponimos en aragonés u con component aragonés: Barranco Fondo, Cascallo, Fondón, Fuente del Cocio, Ginistales, Gorga, Nogueras de Juan Soldado, Pairón de San Pedro, Paradetas de los Torrollones, Parralé, Planaces, Rodigacho, Royano, Sanchernar, Torné, Valdejuel, Valillo, El Vinyero, Las Valletas, ecetra.[1]
Parla editar
Como en tot o Baixo Aragón en sentiu amplo bi ha muitos aragonesismos. Bi ha muito adstrato catalán. Artur Quintana estudió l'aragonés residual d'esta localidat y lo publicó baixo o titol El aragonés residual del Mezquín, publicau por a revista Archivo de filología aragonesa. Este treballo se publicó atra vegada en l'anyo 2004 ixamplau con o lexico de Castelserás.
A parla de Torrociella destaca porque:
- Conserva muitos casos de F- inicial: falz, falcino, figa, desfollinador, desfollinar forcacha, enfarinar, farinetas, enfeligarchau, fafumau, femar, femero, fenaz, fetillero, fiemo, fila de agua, filadón, filar, follarasca, forigar, forigón, foya, foyar, foyeta, fuesa, fumarro, furiganya, furo, fusillo.
- Conserva muitos casos de -ll- que en castellano ye -j-: badallar, badallo, batallo, carrollo, cascallo, coscollo, coscollina, cobullada, colgallo, cremallero, crestallo, chirigallo, encendallo, entresillo, esquellarse, esperpillar, fetillero, follarasca, fulles, rata gallarda, gallo, gangalla, garafolla, gorgollo, gorgollar, gralla, hartallada, mallo, maltraballa, llama (metatesi de malla), margallo, mellaca, panolla, pella, pelloco, secallo, sisallo, sorollar, tellizo, tovalla, tornallo, cello.
- Bi ha restas d'o imperfecto aragonés: traibamos, traibáis, caiba, caiban.
- Se conoixe o emplego d'a pronombre adverbial ende, forma arcaica de en/ne, pero solo con o verbo haber: ves a tal partida que end'hay muchas setas.
- Se conserva o diminutivo aragonés -et, con a pronunciación /é/, sin t.
Demografía editar
| ||||||||||||||||||
| ||||||||||||||||||
| 1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE. | ||||||||||||||||||
Administración editar
Reparto de concellers editar
| Partiu | 1979 | 1983 | 1987 | 1991 | 1995 | 1999 | 2003 | 2007 | 2011 |
| Partido de los Socialistas de Aragón | 4 | 4 | 4 | ||||||
| Partido Popular | 3 | 3 | 3 | ||||||
| Total | 7 | ||||||||
Alcaldes editar
| Lechislatura | Nombre | Partiu politico |
|---|---|---|
| 1979–1983 | Vicente Fraj Garcés [2] | UCD |
| 1983–1987 | José Luis Martínez Gascón | |
| 1987–1991 | Joaquín Pérez Sancho | |
| 1991–1995 | David Gil Poyuelo | |
| 1995–1999 | Joaquin Vallés Velilla | |
| 1999–2003 | Pedro Mª Mindan Ferrer | |
| 2003–2007 | Pedro Mª Mindan Ferrer | |
| 2007–2011 | Joaquín Lorenzo Alquézar | PSOE-Aragón |
| 2011–2015 | Joaquín Lorenzo Alquézar | PSOE-Aragón |
Molimentos editar
- Casa d'a Villa, edificio renaixentista d'o sieglo XVI, protechita legalment dende 2003 con a suya declaración como Bien d'Intrés Cultural.[3]
Fiestas editar
Personalidaz naixitas de Torrociella d'Alcanyiz editar
Vinclos externos editar
Referencias editar
- ↑ José Pardo Sastrón Catalogo o enumeración de las plantas de Torrecilla de Alcañiz asi espontáneas como cultivadas. Tip.de E.casañal y compañía. 1895. Reedición de 1995 de lo Instituto de Estudios Turolenses.
- ↑ (es) Treinta aniversario de las primeras elecciones municipales de la democracia.
- ↑ (es) Texto en o BOA d'a declaración d'a Casa d'a Villa de Torrociella d'Alcanyiz como Bien d'Intrés Cultural.