Sarmatas
![]() |
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
Os sarmatas son un conchunto de pueblos iranicos d'as estepas euroasiaticas que en o sieglo V a.C habitaban en as cuencas baixas d'os ríos Volga y Ural, pa dimpués en o sieglo IV a.C cruzar o Don, empentar a los scitas y ixemenar-se sieglos dimpués por as estepas a lo norte d'o Caucas y d'a Mar Negra plegando dica a Cuenca Panonica. Amplos territorios d'Europa Oriental fuoron denominatos por os autors clasicos como "Sarmacia" y en tan gran aria os sarmatas se dividioron en diferents agrupacions conoixitas como aorsos, siraces, alanos, roxolans, chazigues y atras agrupacions menors como os ardagarants u os taifals. Os pueblos sarmatas estioron uns d'os principals pueblos d'as estepas d'Europa Oriental y Centro-Oriental dica a invasión d'os hunnos, invasión que fue seguita por atras invasions de pueblos d'as estepas d'orichen turquico y que empentó ta l'Imperio Romano a los pocos sarmatas no sozmesos. Os sarmatas alanos d'o sud d'Ucraína debioron ser asimilatos por os protobulgaros y atros pueblos d'as estepas. Os sarmatas alanos que quedoron a lo norte d'o Caucas encara estioron un pueblo con cierta importancia en a Edat Meya y esdevinioron os osetas actuals.
Mencions en fuents aragonesasEditar
En a obra de Chuan Ferrández d'Heredia son denominatos como sarmats ("Historia Romana") u sarmanitas ("Cronica de los Conquiridors").
En "Historia contra los Paganos" podemos leyer sarmatas:
BibliografíaEditar
- (es) Tadeusz Sulimirski: XII Los nómadas sármatas. (Civilizaciones extinguidas). Editorial Labor, S. A., Barcelona, 1975.