Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Valent
Emperadors de l'Imperio Romano d'Orient

Solido de Valent

364-378
Predecesor Chovián
Succesor Teodosio I

Naixencia 328
Muerte 9 d'agosto de 378
Dinastía Dinastía valentiniana

Valent estió un emperador de l'Imperio Romano d'Orient. Ye naixito en l'anyo 328 de Cibalae (actual Vinkovci en Eslavonia, Croacia) y morió o 9 d'agosto de 378 en Andrianoplin. Yera de relichión cristiana arriana.

Estió emperador d'Orient con su chermano Valentinián I en Occident dende o 28 de marzo de 364 dica o 17 de noviembre de 375. Dende o 17 de noviembre de 375 estió emperador en Orient con os suyos sobrins Gracián y Valentinián II como emperadors en Occident.

En l'anyo 376 pactó con o visigodo Friticherno, que heba cruzato con part d'o suyo pueblo o Danubio fuyindo d'os hunnos, permitindo-li que os visigodos baixo o suyo mando s'establisen en Moesia. Dimpués os visigodos descontentos con as autoridaz imperials se rebeloron y en l'anyo 378 se produció a batalla d'Andrianoplin, on Valent morió.

Mencions en fuents aragonesas y navarras editar

Ye mencionato en a "Cronica de Sant Chuan d'a Penya":

En aquesta isla de Estancia habitaban aquestas naciones; godos, vesegodos, estargodos, dauirugis, arcas et tanib. De las cuales naciones nos callaremos, sino tan solamente de los godos, porque aquestos fueron los que tollieron Espanya a los romanos, que senoryaron los griegos et a la nacion que Ercules y auia lexado. El primer rey con qui exieron los ditos godos de la dita isla huuo nombre Virig el cual fué buen batallero. Et muerto el dito Virig regnó sobre los ditos godos el rey Gaderico, et fué buen rey. Et depues de aquesti regnó su fillo Fillimer. Et depues de aquesti regnó Zuera. Et depues de aquesti regnó Diameu. Et depues de aquesti regnó Calmoxen; et depues de aquesti Acanauso; et depues de aquesti Galafus; et depues de aquesti Calefus; et depues de aquesti Eurefilo; et depues de aquesti Gertufta; et depues de aquesti Dizaneu; et depues de aquesti Deorpeneu, et depues de aquesti regnó Stregot; et depues de aquesti regnó Gniua; et depues de aquesti Arrias; et depues Auriaro; et depues de aquesti Teberich; et depues de aquesti Exmanarich; et depues de aquesti regnaron Federich et Acenaricuo, et regnaron entrambos ensemble. Mas Acenaricuo sobreuiuió et regnó todo solo. En tiempo de aquestos recibieron la fe christiana los godos. Pero depues por engaño et por fuerza del emperador Valient, qui era de la secta arriana, tornaron ereges en la error arriana; et muerto el dito Acenaricuo los ditos godos no quisieron esleir rey antes se sometieron a la senoria del Imperio de Roma, en la cual estuuieron XXXIII años. Et depues de aqueste tiempo esleyeron dos reyes por nombre Radagaiffo et Alarico et desobidioron al Imperio. Empero Alarico vuo la mayor senorya.

Tamién en a traducción que Chuan Ferrández d'Heredia acomandó de "Historia Romana" de Paolo Diacono y lo mencionan como Valient:

Et por aquel mérito(c) clamado a cavalleria puyó dentro en el poder de la perfectura pretoriana, por el laor del qual envés los cavalleros fué dado el Imperio a Valentinián, el qual diús Julian Agusto, co /f. 67r/ mo portás en sí la fe entrega de christiandat, como hera tribun de los escutarios, axí como es dicto, fuele mandado por el emperador sacrílego(d) que o sacrifició a los ýdoles o que dexás cavalleria. El qual de buen grado la dexó et no l'aguca mucho que, matado Julian et muerto Jovinián, Valentinián(e), el qual por el nombre de Iehsu Christo havía perdido el tribunado, el lugar del suyo persegidor(f) recibiió el Imperio. El qual, como ya en el .III. anyo rigiés el Imperio ab Valient su hermano, por prigos de su suegro et de la mugier, creá(g) Agusto su fiio Gracianno encara bien pubre.


Predecesor:
Chovián
Emperador de l'Imperio Romano d'Orient
364-378
Succesor:
Teodosio I