Real Zaragoza

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

[[{{{4|Wikipedia:Articlos destacaus|...]]

Real Zaragoza
Datos
Nombre oficial	Real Zaragoza, S. A. D.
Embotada(s)	Blanquillos
Establito	18 de marzo de 1932 como Real Zaragoza Foot-ball Club
Socios	20.400
Propietario	RZ LLC (63,96%) Juan Forcén (13,46%) Familia Yarza (13,46%) Chicoz accionistas
President	Jorge Más Santos
Dir. esportivo	Juan Carlos Cordero
Entrenador	Fran Escribá
Instalacions
Nombre	La Romareda
Localidat	Zaragoza
Aforo	34.596
Devantad.	8 de setiembre de 1957
Altras inst.	Ciudat Esportiva
Zaguera temporada
Liga	Segunda división espanyola
2021-22	10eno
Equipacions
Primera equipación Segunda equipación Tercera equipación
Pachina oficial d'o club

O Real Zaragoza ye un club de fútbol aragonés, d'a ciudat de Zaragoza. Estió establito en 1932 y actualment chuga en a Segunda división espanyola de fútbol.

Historia

Antecedents

Escudo d'o Zaragoza CD.

Escudo d'o Iberia SC.

En 1903, a tamas d'o esconoiximiento cheneral d'a sociedat sobre o fútbol, naixe o primer equipo local, o Zaragoza Fútbol Club, a on a lo prencipio se impartiban as nocions basicas d'iste esporte ta mirar de reunir prous chugadors ta formar l'equipo. Manimenos, a versión moderna de l'equipo estió establita en 1921 por un grupo de estudiants de Medicina y recibe un nombre diferent, Zaragoza CD, anque ye conoixito con a embotada d'os "tomates" por o suyo uniforme royo. Entre 1924 y 1925 l'equipo se fusiona con os equipos menors Fuenclara y Stadium, alquirindo mayor fuerza aintro d'o fútbol local y tamién trestallando-lo ya que existiba antimás unatro equipo en a ciudat l'Iberia SC.

L'Iberia SC naixe tamién en os primers anyos d'o sieglo XX y se torna en l'equipo dominador d'o fútbol local por a suya estructura, ya que atrayeba gran cantidat de publico a los partius y premitiba a participación d'o sector popular en as suyas filas. En os suyos primers anyos tenió dos oportunidaz de puyar ta la primera división espanyola, anque a la fin no lo consiguió. A iste equipo le metioron a embotada d'os "vriespas".

Fundación

Logo comercial d'o Real Zaragoza mentres os anyos novanta y dosmil.

Escudo d'o Zaragoza Foot-ball Club.

O club estió establito lo 18 de marzo de 1932, con o nombre de Zaragoza Foot-ball Club, dimpués d'a desaparición d'o Iberia SC y o Zaragoza CD como consecuencia d'os suyos problemas economicos, cuan deciden fusionarse per formar aquesto. D'ista traza se respondeba a la demanda d'un gran club por parti d'a Federación Aragonesa de Fútbol. Con a fusión s'hereda la sección de natación que teneba l'Iberia, per lo que se creya tamién la sección de natación d'o Zaragoza Club de Futbol que se zarró con o comienzo d'a Guerra Cívil espanyola en 1936 y ya no tornó a restablir-se, tamién s'hereda a sección d'atletismo d'o Real Zaragoza pero no se formaliza dica 1934. En a temporada 39-40, dimpués d'a Guerra Civil, o Real Zaragoza chugó por primera vegata en Primera división. Estió en ixa decada cuan o Real Zaragoza reunió a suya primera cheneración destacata de chugadors, a conoixita como "Los Alifantes". Se diz que a embotada d'Alifantes apareixió mientres un partiu en Barcelona contra o CE Júpiter, cuan o Real Zaragoza ganaba por 0-3 un periodista aragonés sintió que un aficionato local deciba -"ye imposible de meter-les un gol, son como Alifantes"-, debito segurament a la gran altaria d'os chugadors aragoneses, bels cuantos d'ellos por dencima de 1'90. En l'anyo 2007 se celebró lo 75 cabo d'anyo d'o naiximiento d'o club.

Decada d'os 40 y os 50

En as dos siguients decadas, os 40 (conoixita como A epoca negra) y os 50 (caracterizata por l'equipo dito "Los millonarios") o Real Zaragoza dondió por o Campionato de Liga puyando y baxando de contino entre primera y segunda división. En a decada de 1940-50, l'equipo vive a suya pior etapa. En primeras desciende ta la Segunda División dimpués de dos anyos en Primera. Anque tornó ta la primera categoría en un anyo, baixó unatra vegata y dica l'anyo 1951 no tornaría a Primera (o mesmo anyo en o que adotó l'adchectivo "Real" (reyal) en o suyo nombre) baixando mesmo ta la Tercera División en 1947. A la fin d'os 40 y prencipios d'os 50 marcarba la epoca de "Los Millonarios", por a gran cantidat de diners que o president Julián Abril invirtió en os chugadors, pero bellas tensions en a plantilla facioron que ista epoca rematase con a tornata ta la Segunda División en l'anyo 1953.

Decada d'os 60

Ye en a decada d'os 60 cuan o club vive os suyos millors anyos con o mitico equipo d'"Os Magnificos", debantera formada por Canario, Santos, Marcelino, Villa y Lapetra, que levoron l'equipo ta cuatro finals de Copa d'Espanya, (en 1963, 1964, 1965 y 1966) d'as que ganoron dos (1964 contra l'Atlético de Madrid 1-2 con gols de Lapetra y Villa; y 1966 frent a l'Athletic de Bilbao con gols de Villa y Lapetra de nuevas), ta dos finals d'a Copa de Ferias (1964 y 1966) d'a que ganoron a primera contra o Valencia CF con gols de Villa y Marcelino, y una semifinal d'a Recopa de Europa (1965, estando redotatos por o West Ham Utd anglés).

Decada d'os 70

En a decada d'os 70 y d'a man de José Ángel Zalba, unatro equipo marcó una epoca en o Club: "Os Zaraguayos", clamatos asinas en honor a la colla de chugadors uruguayos y paraguayos que feban parti d'ixe equipo; "Cacho" Blanco, Soto, "Lobo" Diarte, Ocampos y "Nino" Arrua, que estió nombrato o millor chugador d'America y yera lo líder de l'equipo. Anque o suyo chuego les fació famosos, de man d'o entrenador Luis Cid Carriega, no consiguioron garra títol, estando un subcampionato de copa en 1976 o suyo millor momento. Ta par d'alavez s'obtenioron os millors resultatos en a Primera división espanyola, tercers en l'anyada 1973/74 y segundos en a 1974/75, (encara se remera o 6-1 contra o Real Madrid, en dita temporada). Ista racha remató con o descenso de l'equipo en 1976/77, puyando ta Primera unatra vegata en l'anyada siguient.

Decada d'os 80

En a decada d'os 80 a trachectoria esportiva estió prou regular, estando los unicos trunfos destacables a Copa de 1986, ganata a lo FC Barcelona y a semifinal d'a Recopa d'Europa en 1987, a on estioron eliminatos por l'Ajax d'Amsterdam. En 1988 deixó a presidencia d'o club Miguel Beltran y José Ángel Zalba se tornó unatra vegata en president.

Decada d'os 90

O Real Zaragoza mentres o partido final d'a Copa d'o Rei en o Santiago Bernabeu de Madrid, que perdioron debant d'o RCD Espanyol.

José Ángel Zalba, l'hombre que ha presidito mas anyos a lo Real Zaragoza.

En 1991 y baixo a presidencia de José Ángel Zalba prencipia a entrenar por primera vegata Víctor Fernández como entrenador de primera division, en 1992 o club ha de tornar-se en Sociedat Anonima, y ye en ixe inte cuan remata a presidencia de José Ángel Zalba y Alfonso Soláns pai merca a mayor parti d'as accions d'o club. Con un choven Víctor Fernández como entrenador en a temporada 1991/1992 l'equipo se clasifica ta la UEFA y prencipia asinas una etapa de exitos: en 1993 se plega en a setena final de Copa, que remata con una redota debant d'o Real Madrid; en 1994 se gana a copa a lo Celta de Vigo en os tiros de penaltis y quedando tercers en a Liga.

Manimenos ye o 10 de mayo de 1995 cuan o Zaragoza obtiene o suyo mayor trunfo: en o Parque d'os Prencipes de París gana a l'Arsenal FC por 2 a 1, proclamando-se campión d'a Recopa d'Europa de 1995. Ista victoria estió encara mas important porque o 2-1 definitivo s'aconsiguió faltando 10 segundos ta la fin d'o partiu con un gol de Nayim dende metat d'o campo, a mas de 60 metros d'a puerta. Iste equipo estió clamato a "Quinta de París" y l'once titular yera formato por: Cedrún, Belsué, Cáceres, Aguado, Solana, Nayim, Poyet, Aragón, Higuera, Esnáider y Pardeza. A l'anyo siguient chugó a Supercopa d'Europa pero la perdió contra l'Ajax d'Amsterdam.

En 1996 Alfonso Soláns fillo se convirtió en president d'a entidat, prencipiando una epoca de piors resultatos economicos y esportivos, sacato un buen puesto en a Liga en l'anyada 1999/2000.

Anyos 2000

En ista epoca l'equipo chuga tres finals de Copa: en 2001, que ganará a lo Celta de Vigo por 1-3, en 2004, cuan vence a lo Real Madrid por 3-2 y en 2006 que pierde con o RCD Espanyol por 4-1. Tanimientres, en a temporada 2001/02 baixa ta la Segunda División tornando ta la primera categoría a temporada siguient. En la temporada 2004/05 se gana la Supercopa d'Espanya a lo Valencia CF, dimpués de perder por 0-1 en La Romareda y ganar en Mestalla por 1-3.

Logotipo per os 75^eno aniversario d'o Real Zaragoza.

En l'anyada 2006/07 o club cambea de propietario, estando agora l'empresario Agapito Iglesias o maximo accionista y Eduardo Bandrés o nuevo president, tornando Víctor Fernández ta lo banquet. En a primera temporada d'o nuevo president, o club consigue a clasificación ta chugar a Copa d'a UEFA habendo quedato en a seisena posición en o Campionato espanyol de Liga.

O Real Zaragoza ficha en a primera temporada d'Agapito Iglesias y Eduardo Bandrés a seis chugadors: Aimar, Diogo, Sergio Fernández, Piqué, D'Alessandro y Juanfran. Tamién se produce un cambeo en a estructura administrativa d'o club destacando a baixa de Jerónimo Suárez como director cheneral y l'alta de Manuel de Miguel como director de comunicación.

En a temporada 2007-2008 o Real Zaragoza incorpora de verano a ueito chugadors: López Vallejo, Ayala, Pavón, Matuzalem, Gabi, Paredes, Oliveira y Luccin.

75 anyos d'historia

O club cumple en 2007 os 75 anyos d'historia, y o club organizó diversos actos ta celebrar-lo. En a parti esportiva, antimás d'a gran anyada que tenió l'equipo, o 18 de marzo de 2007 se celebró una fiesta en La Romareda con un partiu homenache entre o Real Zaragoza y l'Atlético de Madrid.

Estadio

O estadio de la Romareda s'inaguró con un partiu entre o Real Zaragoza y l'Osasuna o 8 de setiembre de 1957, estando president d'o club manyo Cesáreo Alierta. Ganoron os locals 4-3 con gols de Vila (o primer gol en La Romareda), Wilson, Murillo y Vila por segunda vegada y Areta, Gabino y Glaría t'os foranos.

O campo tenió cuantos apanyos entre 1977, cuan se construyoron os nuevos escalerons cubiertos de Norte y Sud y en 1982 cuan se construyoron as cubiertas de cheneral posato debito a que o estadio iba a estar seu d'o Mundial d'Espanya '82. As zagueras obras se facioron en 1994 ta adecuar-lo ta la normativa d'a UEFA que obliga a que bi haiga posientos en todas as localidaz.

Plantilla 2022/23

Ta plantillas d'anyos anteriors se veiga Lista de plantillas d'o Real Zaragoza

Num. Posición Chugador 1 POR Cristian Álvarez 2 ESF Fuentes 3 ESF Jair Amador 4 MEY Petrović 5 MEY Grau 6 ESF Francés 7 DEB Puche 8 MEY Eugeni 9 DEB Azón 10 MEY Bermejo 11 MEY Vada 12 MEY Larrazabal 13 POR Ratón 14 MEY Francho Serrano

Num. Posición Chugador 15 ESF Jairo Quinteros 16 ESF Lasure 17 ESF Nieto 18 ESF Gámez 19 DEB Gueye 20 DEB Giuliano Simeone 21 MEY Zapater (capitán) 22 ESF Vigaray 23 MEY Manu Molina 24 ESF Lluís López 27 ESF Marcos Luna 28 DEB Mollejo 35 POR Rebollo

Como desichen as normas d'a LFP, os chugadors d'a primera plantilla han de levar os dorsals de l'1 a o 25, entre que d'o 25 enta debant serán chugadors de l'equipo filial. Asinas, os chugadors con dorsals superiors a o 25 son, a toz os efectos, chugadors d'o Deportivo Aragón y como tals, podrán compachinar partius con o primer y segundo equipo.

A lista incluye nomás a nacionalidat prencipal de cada chugador. Beluns d'os chugadors no europeus tienen doble nacionalidat de bel país d'a Unión Europea:

• Cristian Álvarez tiene pasaporte archentino y espanyol.
• Giuliano Simeone tiene pasaporte archentino y espanyol.
• Valentín Vada tiene pasaporte archentino y italiano.
• Jairo Quinteros tiene pasaporte boliviano y espanyol.

Equipo tecnico:

• Entrenador:
  Juan Carlos Carcedo (dica o 6 de noviembre)
  Fran Escribá
• Segundo entrenador:
  Sebastián Corona (dica o 6 de noviembre)
  David Generelo
  Javi Suárez
• Entrenador de porteros: Mikel Insausti.
• Preparadors fisicos: Julen Masach.
• Analista técnico: Álex Sosa.

Chugadors famosos

Belsué. Lapetra. Juli Gonzalvo. Güerri. Villaroya. José Luis Violeta. Víctor Muñoz. Javier Planas Abad. Brehme. Aragón. Pardeza. Juan Manuel Villa. Carlos Chaínho. Juan Barbas. Esnáider. Luciano Galletti. Roberto Ayala.

Kily. Gustavo López. Gaby Milito. Marcelo Trobbiani. Jorge Valdano. Pablo Aimar. Diego Milito. Andrés D'Alessandro. David Villa. Pichi Alonso. Cafu. Sávio. Canario. Santos. Paco Jémez. Santamaría.

Aguado. Dani García. Sergio García. Josep Gonzalvo. Marià Gonzalvo. Vizcaíno. Joaquín Murillo. Nayim. Patricio Yañez. Paquete Higuera. Fernando Morientes. Marcelino. Reija. Señor. Juanmi. Cedrún.

Yarza. Frank Rijkaard. Toro Acuña. Raúl Amarilla. Arrúa. Chilavert. Lobo Diarte. Ocampos. Sigifrido Martinez. Juan Seminario. Luis Redher. Miguel Rebosio. Radimov. Milošević. Radomir Antić. Poyet. Rubén Sosa.

Entrenadors

Se veiga l'articlo: Lista d'entrenadors d'o Real Zaragoza

Entrenadors celebres

Luis Belló	Ferdinand Daučík	Luis Costa	Víctor Fernández	Víctor Muñoz
1 Copa d'o Rei (1963/64) 1 Copa de Ferias (1963/64)	1 Copa d'o Rei (1965/66)	2 Copas d'o Rei (1985/86 y 2000/01)	1 Copa d'o Rei (1993/94) 1 Recopa d'Europa (1994/95)	1 Copa d'o Rei (2003/04) 1 Supercopa d'Espanya (2004)

Deportivo Aragón

Articlo prencipal: Deportivo Aragón.

O Deportivo Aragón, ye l'equipo filial d'o club. Estió establito en 1958 y chuga actualment en Tercera División (Grupo XVII).

Seccions d'atros esportes

• Con a fusión s'hereda la sección de natación que teneba l'Iberia, per lo que se creya tamién la sección de natación d'o Zaragoza Club de Futbol que se zarró con o comienzo d'a Guerra Cívil espanyola en 1936 y ya no tornó a restablir-se.
• Tamén s'hereda a sección d'atletismo pero no se formalizó dica l'anyo 1934 y que desapareixió en zaguerias d'a decada de 1990 siendo president d'o club Alfonso Solans.
• Tamién existió una sección de baloncesto masculín que arribó a partecipar en a primera división de baloncesto d'Espanya en a temporata 1960-61, siendo l'11eno claseficato.
• Durante cuatre anyadas dende 1966 dica 1970 tamién bi habió sección de baloncesto femenín partecipando en Primera División en 1966 y as atras en segunda dica a suya desaparición.
• Tamién tenió sección de hockey sobre patins encara que se conoixe muito poco sobre la suya actividat. Si ye seguro que disputó la fase de ascenso a la Liga Nacional, per lo que ye probable que disputase cuantas temporadas en a Segunda División en os 1940 u 1950.

Himno

Se veiga l'articlo prencipal sobre l'himno d'o Real Zaragoza

A musica y a letra son de Juan Ignacio Notario Romeo:

Himno en castellano (oficial) El Zaragoza va a jugar El Zaragoza va a vencer El Zaragoza va a luchar por su afición Y los mañicos auparán a los blanquillos del león Azul y blanco es el color del campeón Estrebiello: Aúpa Zaragoza Arriba y a vencer Palmadas al viento que gritan ganareis La raza en el juego Nobleza y valor Bandera y orgullo de nuestro Aragón La Romareda vibrará y el cachirulo se alzará como un gigante es el equipo aragonés El Zaragoza es la afición con once grandes del balón y una leyenda con trofeos al mejor Estrebiello A ganar, a ganar, El Zaragoza va a ganar A ganar, a ganar, El Zaragoza ganarará A ganar, a ganar, El Zaragoza va a ganar A ganar, a ganar, El Zaragoza ganarará

Himno en aragonés (no oficial) O Zaragoza va a chugar O Zaragoza va a vencer O Zaragoza va a luitar por a suya afición y os manyicos puyarán a os blanquiellos d'o lión azul y blanca ye a color d'o campión Estrebiello: Aupa Zaragoza Entalto y a vencer Chapadas ta l'aire que chilan ganarez A rasmia en o chuego Nobleza y valor Bandiera y orgüello d'o nuestro Aragón La Romareda vibrará y o cachirulo bandiará como un chigant ye l'equipo aragonés O Zaragoza ye l'afición con once grans d'o pilotón y una leyenda de trofeus ta o millor Estrebiello A ganar a ganar, O Zaragoza va a ganar A ganar, a ganar, O Zaragoza ganará A ganar a ganar, O Zaragoza va a ganar A ganar, a ganar, O Zaragoza ganará

Temporadas

Como Zaragoza Foot-ball Club: Temporada División Posición Copa d'o Rei 1932/33 3ª 1º Ueitenos de final 1933/34 3ª 1º Ueitenos de final 1934/35 2ª 3º Cuatrenos de final 1935/36 2ª 2º Cuatrenos de final 1939/40 1ª 7eno Semifinals 1940/41 1ª 11eno Tercera ronda

Como Zaragoza Club de Fútbol: Temporada División Posición Copa d'o Rei 1941/42 2ª 2º Ueitenos de final 1942/43 1ª 13eno Ueitenos de final 1943/44 2ª 6eno Deciseisenos de final 1944/45 2ª 7eno Primera ronda 1945/46 2ª 10eno Primera ronda 1946/47 2ª 13eno Primera ronda 1947/48 3ª 3º Tercera ronda 1948/49 3ª 2º Primera ronda 1949/50 2ª 4eno Segunda ronda 1950/51 2ª 2º

• Como Real Zaragoza Club Deportivo:

Temporada División Posición Copa d'o Rei 1951/52 1ª 12eno Cuatrenos de final 1952/53 1ª 16eno 1953/54 2ª 9eno 1954/55 2ª 3º 1955/56 2ª 3º 1956/57 1ª 9eno Ueitenos de final 1957/58 1ª 14eno Ueitenos de final 1958/59 1ª 9eno Ueitenos de final 1959/60 1ª 11eno Dieciseisenos de final 1960/61 1ª 3º Ueitenos de final 1961/62 1ª 4eno Semifinals 1962/63 1ª 5eno Subcampión 1963/64 1ª 4eno Campión 1964/65 1ª 3º Subcampión 1965/66 1ª 4eno Campión 1966/67 1ª 5eno Deciseisenos de final 1967/68 1ª 5eno Cuatrenos de final 1968/69 1ª 13eno Ueitenos de final 1969/70 1ª 8eno Semifinals 1970/71 1ª 16eno Ueitenos de final 1971/72 2ª 3º Cuatrena ronda

Temporada División Posición Copa d'o Rei 1972/73 1ª 8eno Cinquena ronda 1973/74 1ª 3º Cuatrenos de final 1974/75 1ª 2º Semifinals 1975/76 1ª 14eno Subcampión 1976/77 1ª 16eno Cuatrenos de final 1977/78 2ª 1º Ueitenos de final 1978/79 1ª 14eno Cuatrenos de final 1979/80 1ª 10eno Primera ronda 1980/81 1ª 14eno Primera ronda 1981/82 1ª 11eno Cuatrenos de final 1982/83 1ª 6eno Segunda ronda 1983/84 1ª 7eno Tercera ronda 1984/85 1ª 10eno Semifinals 1985/86 1ª 4eno Campión 1986/87 1ª 5eno Ueitenos de final 1987/88 1ª 11eno Dieciseisenos de final 1988/89 1ª 5eno Dieciseisenos de final 1989/90 1ª 9eno Cuatrenos de final 1990/91 1ª 17eno Ueitenos de final 1991/92 1ª 6eno Cinquena ronda

• Como Real Zaragoza, S. A. D. :

Temporada División Posición Copa d'o Rei 1992/93 1ª 9eno Subcampión 1993/94 1ª 3º Campión 1994/95 1ª 7eno Ueitenos de final 1995/96 1ª 13eno Cuatrenos de final 1996/97 1ª 14eno Tercera ronda 1997/98 1ª 13eno Semifinals 1998/99 1ª 9eno Tercera ronda 1999/00 1ª 4eno Ueitenos de final 2000/01 1ª 17eno Campión 2001/02 1ª 20eno Primera ronda 2002/03 2ª 2º Segunda ronda 2003/04 1ª 12eno Campión 2004/05 1ª 12eno Segunda ronda 2005/06 1ª 11eno Subcampión 2006/07 1ª 6eno Cuatrenos de final 2007/08 1ª 18eno Ueitenos de final 2008/09 2ª 2º Segunda ronda 2009/10 1ª 14eno Dieciseisenos de final 2010/11 1ª 13eno Dieciseisenos de final 2011/12 1ª 16eno Dieciseisenos de final 2012/13 1ª 20eno Cuatrenos de final

Temporada División Posición Copa d'o Rei 2013/14 2ª 14eno Segunda ronda 2014/15 2ª 6eno Segunda ronda 2015/16 2ª 8eno Tercera ronda 2016/17 2ª 16eno Segunda ronda 2017/18 2ª 3eno Dieciseisenos de final 2018/19 2ª 15eno Tercera ronda 2019/20 2ª 3eno Ueitenos de final 2020/21 2ª 15eno Segunda ronda 2021/22 2ª 10eno Dieciseisenos de final

Datos d'o club

• Temporadas en Primera División: 58.
• Temporadas en Segunda División: 18.
• Temporadas en Tercera División: 4.
• Participacions en a Copa d'o Rei: 75.
• Enguerada en Primera División: temporada 1939/40.
• Enguerada en a Copa d'o Rei: temporada 1932/33.
• Millor posición en a liga (en Primera División): 2º (temporada 1974/75).
• Pior posición en a liga (en Primera División): 20^eno (temporadas 2001/02 y 2012/13).
• Mas partidos disputados: Violeta (473), Aguado (465), González (382).
• Mas menutos: Aguado (41.925), Violeta (40.689), González (34.149).
• Mas gols: Marcelino (119), Murillo (107), Santos (94).
• Mas gols nomás en una temporada: Ewerthon (28) en Segunda división (temporada 2008/09), Seminario (25) en Primera división (temporada 1961/62).
• Estranchero con mas partidos disputados: Poyet (284).
• Espulsado mas vegadas: Aguado (21), Cuartero (9).
• Mayor goleyada consiguida (en Primera división):
  • En casa: Real Zaragoza 8-1 RCD Espanyol (temporada 1978/79).
  • Difuera: Elche CF 2-7 Real Zaragoza (temporada 1960/61).
• Mayor goleyada encaxada (en Primera división):
  • En casa: Real Zaragoza 0-6 Real Madrid (temporada 2011/12).
  • Difuera: Athletic Club 10-1 Real Zaragoza (temporada 1951/52).
• Participacions en competicions europeas:
  • Recopa: 5 (1964/65, 1966/67, 1986/87, 1994/95 (Campión), y 1995/96).
  • Copa d'a UEFA (incluyindo Copa de Ferias): 13.
    • Copa de Ferias: 5 (1962/63, 1963/64 (Campión), 1965/66, 1967/68 y 1968/69).
    • Copa d'a UEFA: 8 (1974/75, 1975/76, 1989/90, 1992/93, 2000/01, 2001/02, 2004/05 y 2007/08).
  • Supercopa d'Europa: 1 (1995).

Palmarés

Títols internacionals

• Campión d'a Recopa d'Europa (1): 1994/95.
• Campión d'a Copa de Ferias (1): 1963/64.
• Subcampión d'a Copa de Ferias (1): 1965/66.
• Subcampión d'a Supercopa d'Europa (1): 1995.

Títols nacionals de primer ran

• Campión d'a Copa d'o Rei (6): 1963/64, 1965/66, 1985/86, 1993/94, 2000/01 y 2003/04.
• Campión d'a Supercopa d'Espanya (1): 2004.
• Subcampión d'a Primera división espanyola (1): 1974/75.
• Subcampión d'a Copa d'o Rei (5): 1962-63, 1964-65, 1975-76, 1992-93 y 2005-06.
• Subcampión d'a Supercopa d'Espanya (2): 1994 y 2001.

Atros títols nacionals

• Campión d'a Segunda división espanyola (1): 1977/78.
• Campión d'a Tercera división espanyola (2): 1932/33 y 1933/34.
• Campión d'o Campionato d'Espanya d'Aficionatos (1): 1941.
• Subcampión d'a Segunda división espanyola (5): 1935/36, 1941/42, 1950/51, 2002/03 y 2008/09.
• Subcampión d'a Tercera división espanyola (1): 1948/49.
• Subcampión d'o Campionato d'Espanya d'Aficionatos (1): 1936.

Torneus regionals

• Campión d'o Campionato Mancomunado Navarra-Guipuzcoa-Aragón (1): 1940.
• Subcampión d'o Campionato Mancomunado Castiella-Aragón (1): 1936.

Torneus amistosos

• Trofeu Emma Cuervo (1): 1959.
• Trofeu Ramón de Carranza (1): 1965.
• Trofeu Ciudat de Zaragoza (26): 1974, 1975, 1976, 1978, 1979, 1981, 1983, 1986, 1987, 1989, 1991, 1992, 1994, 1995, 1996, 1999, 2000, 2001, 2002, 2003, 2005, 2006, 2007, 2011, 2012 y 2013.
• Trofeu Ciudat de Barcelona (1): 1980.
• Trofeu Ciudat de Valladolit (2): 1986 y 1989.
• Trofeu Festa d'Elx (1): 1990.
• Trofeu Cervantes (1): 1991.
• Trofeu Colombino (1): 1994.
• Torneu Città di Rieti (1): 1998.
• Trofeu Caja Duero (3): 2006, 2009 y 2010.
• Trofeu Concepción Arenal (1): 2008.
• Trofeu del Día del Blusa y de la Neska (1): 2010.
• Trofeu Ciudat de Teruel (1): 2010.
• Trofeu Ciudat de Vigo (1): 2010.
• Trofeu Ciutat de Tarragona (2): 2013, 2016.
• Trofeu Virgen Blanca (1): 2016.

Vinclos externos

Pachinas oficials:

• www.realzaragoza.com, pachina web oficial d'o club.
• www.twitter.com/realzaragoza, twitter oficial d'o club.
• www.facebook.com/RealZaragozaOficial, facebook oficial d'o club.

Pachinas no oficials:

• www.realzaragozapedia.es, wiki no oficial d'o Real Zaragoza.
• www.aupazaragoza.com, pachina no oficial d'o club.
• www.nuestrozaragoza.com, pachina no oficial d'o club.
• www.pasionzaragocista.com, pachina no oficial d'o club.
• www.realzaragozafans.com, pachina no oficial d'o club.
• www.blanquillos.org, pachina NO oficial d'o club.
• www.lafutbolteca.com/real-zaragoza-s-a-d, Datos y historia en La Futbolteca.com.

• Datos: Q10308
• Multimedia: Real Zaragoza / Q10308