Basket Zaragoza 2002

Casademont Zaragoza
Datos
Nombre oficial	Basket Zaragoza 2002
Embotada(s)	Marea roya
Establito	2002
Colors	Royo, blanco, negro
Socios	6.870
Patrocinadors	Grupo Costa, IberCaja, La Zaragozana
Mascota	Link
Instalacions
Centro esportivo	Prencipe Felipe
Localidat	Zaragoza
Capacidat	12.000
Devantad.	17 d'abril de 1990
Dirección
President	Reynaldo Benito
Dir. esportivo	José Descartín (femenín)
Entrenador	Porfirio Fisac (masculín) Carlos Cantero (femenín)
Entr. asistents	Aleix Durán (masculín) Nacho Juan (masculín) José Carlos Marcos (femenín)
Títols
Nacionals	2 Liga LEB Oro 1 Copa d'o Prencipe
Competición
Liga	ACB
2021/22	16eno
Pachina oficial d'o club
Equipacions
Primera Equipación Segunda Equipación

Iste articlo ye sobre o club de baloncesto Basket Zaragoza 2002 con o nombre comercial de CAI Zaragoza dende l'anyo 2002 dica 2016. Ta atros usos se veiga CAI Zaragoza.

O Basket Zaragoza 2002, más conoixito como Casademont Zaragoza por motius de patrocinio, ye un club de baloncesto aragonés d'a ciudat de Zaragoza, establito en l'anyo 2002. En l'anyada 2022-23 chuga en a liga ACB, a Liga Femenina y en a EuroCup Women. Chuga os suyos partius como local en o Prencipe Felipe.

Nombres Comercials

2002-2016. CAI Zaragoza. 2016-2019. Tecnyconta Zaragoza. 2019-hue. Casademont Zaragoza.

Historia

CAI Zaragoza (2002-2016)

Un grupo d'interpresarios fundó o club en 2002 t'o mercar a plaza d'o Club Basquet Coruña, equipo que chugaba en a Liga LEB Oro. O baloncesto tornaba a Zaragoza anyos dimpués que as dificultatz economicas fundioron a o Club Baloncesto Zaragoza. Nuevament contó con o patrocinio d'a Caja de Ahorros de la Inmaculada (hue perteneixient a o grupo bancario Ibercaja Banco), por o que l'equipo recuperó l'antigo nombre CAI Zaragoza.

Manimenos os primeros trangos no resultoron brenca facils. En a primera anyada l'equipo luitó dica o final por no perder a categoría. Uns complicaus playoffs contra o Club Baloncesto Ciudad de Huelva salvoron a l'equipo. Contra tot pronostico, a feta se repitió, sosprendentement, en l'anyada siguient... pero a o revés. Os zaragozanos ganoron a Copa Prencipe d'Asturias (con un estelar Matías Lescano) y que se quedoron a cinco menutos de puyar a la maxima categoría. O Club Baloncesto Granada desfació as ilusions de l'equipo royo en os zaguers menutos d'o partiu final d'os playoff.

Dimpués plegó una decepción en a Copa y quantas puyatas fallitas, dos d'ells con un cruel desenlaz. O Club Baloncesto León privó d'a puyata a os aragoneses en dos ocasions. Una d'ellas, de traza increyible, dimpués de remontar un playoff que en Zaragoza ya se daba por ganato. O tercer verduco d'os royos en un playoff estió o Club Baloncesto Murcia, quan l'equipo perdió en o suyo pavillón en a prolarga d'a zaguera trobada por a puyata.

En verano de 2007, Javier Loriente, qui heba estau president d'o club entre os suyos cinco anyos d'existencia, renuncia a o suyo puesto dimpués de no obtener l'obchectivo d'a puyata a o maximo livel d'o baloncesto espanyol, a Liga ACB, y ye sustituyito por Reynaldo Benito, que heba formau parti d'o consello d'administración d'o club dende o suyo establimiento. En ista anyada s'aconseguiría a soniata promoción a la Liga ACB, gracias a un cambeo d'a normativa que permitiba puyar dreitament a o ganador d'a fase regular d'a competición.

A primera temporada de l'equipo zaragozano en a élite s'encetó con a Supercopa d'Espanya que disputaba o quadro aragonés en calidat d'anfitrión, competición que acabaría ganando o Saski Baskonia en una preta final con o conchunto royo. En a Liga ACB a esquadra zaragozana remató en zaguer puesto, estando relegatos un anyo dimpués de tornada a LEB Oro.

A baixata suposó una renovación en a dirección tecnica con Willy Villar a o mando y estando l'aragonés José Luis Abós o tecnico trigau pa tornar a l'equipo a la categoría tresbatida l'anyada anterior. En a primera anyada con l'entrenador zaragozano a o frent s'aconsigue a puyata directa y de par de as siguients anyadas en a Liga ACB aconsigue mantener a categoría.

En abril de 2013, os royos acreixioron a suya historia en clasificar-se por primera vegada para os playoff por o titol. Y un mes dimpués, l'equipo se clasificó por primera vegada pa as semifinals d'a Liga ACB. Eliminó a o Valencia Basket, en una epica remontada con tres prolargas. D'ista traza, tamién aconsiguió clasificar-se por primera vegada en a suya historia pa a desputa d'a Eurocup.

En a siguient anyada, o conchunto zaragozano mantenió a solidez d'o suyo bloque, pese a que o presupuesto s'estió reducindo progresivament. Debutó en Europa, aconseguindo superar a primera ronda, contra rivals de Berlín y Bonn (Alemanya), Mons (Belchica), Roma (Italia) y Dunkerque (Francia). Dimpués d'o suyo trunfo en a primera ronda, pasó a una segunda fase en a qual luitó contra equipos d'Estambul (Turquía), Vilnius (Lituania) y Zagreb (Croacia). Pero dició adiós a las suyas aspiracions europeas en cayer en o zaguer segundo d'o zaguer partiu contra l'equipo turco Beşiktaş en una historica trobada en o Palacio d'os Esportes de Uesca.

Manimenos, a cansera d'as dos competicions, sumau a un buen fer en a Copa d'o Rei (venció en quartos de final a l'anfitrión, l'Unicaja de Málaga), afeutó a l'equipo. Aconsiguioron repetir a clasificación para os playoff pero perdió a suya participación europea.

Tecnyconta Zaragoza (2016-2019)

Poco antis de l'inicio de l'anyada 2016-17 s'anuncia a incorporación d'un nuevo patrocinador prencipal pa o club, por o que o primer equipo encomienza a clamar-se Tecnyconta Zaragoza. Dimpués d'aconseguir privar a baixata de categoría en a zaguera chornada, o club anuncia a no renovación de l'entrenador prencipal, Luis Guil.

L'anyada 2017-18 empecipia con Jota Cuspinera en o banquet. Mientres l'anyada l'equipo tien una serie de baixas, dentre ellas a surtida d'o base Sergi García a o Valencia Basket y a lesión d'o maximo anotador d'ixa anyada en a liga, Gary Neal. Os malos resultaus fan que se determina rescindir o contracto de Cuspinera, deixando a cargo de l'equipo a Pep Cargol y Sergio Lamúa. L'equipo se refuerza con quantas nuevas encorporacions (Xavi Rey, Dylan Ennis, Milko Bjelica) y aconsigue nuevament salvar a categoría.

Pa l'anyada 2018-19 l'equipo vive una gran renovación, incorporando a Porfirio Fisac como que primer entrenador y mantenendo tant solament a Jonathan Barreiro como que chugador d'a primera plantilla, chunto a o choven aragonés Carlos Alocén. O Tecnyconta aconsigue tornar a os playoff d'a Liga ACB y, por segunda vegada en a suya historia, clasificar-se pa a semifinal dimpués d'eliminar a o Kirolbet Baskonia en quartos de final.

Casademont Zaragoza (2019-hue)

O 23 de chulio de 2019 o club fa publico que Casademont (marca perteneixient a o grupo empresarial aragonés Costa) ye o nuevo patrocinador prencipal de l'equipo.

En a fase regular de l'anyada 2019-20, tallata por a pandemia de COVID-19, o Casademont Zaragoza aconsiguió a millor clasificación d'a suya historia, rematando en tercera posición. Posteriorment, dimpués de perder quantos chugadors entre o parón causau por a pandemia, no aconsiguió clasificar-se pa as semifinals d'a fase final excepcional y acabó a temporada en o sexto puesto.

En a temporata 2020/2021 tendrá equipo femenín que chugará en a maxima competicion nacional por a cesión d'a plaza de l'Stadium Casablanca y la vinculación d'a estructura d'o primer equipo, qui chugará en a segunda división.

Plantilla 2022/23

Ta plantillas d'anyos anteriors se veiga a lista de plantillas d'o Basket Zaragoza 2002

Masculina

Casademont Zaragoza 2022-23
Chugadors	Equipo tecnico
Pos. # Nac. Nombre Altaria Peso Procedencia B 0 Wright, Chris 1,85 m. 95 kg Derthona Basket A 4 Yusta, Santiago 2,00 m. 88 kg Lenovo Tenerife A 8 Radončić, Dino 2,02 m. 95 kg Acunsa GBC E-A 10 Jessup, Justinian 2,01 m. 92 kg Illawarra Hawks B-E 11 Ponitka, Marcel 1,94 m. 82 kg Skyliners Frankfurt P 19 Nguirane, Maodo 2,10 m. 105 kg Rueil Athletic Club P 21 Mekowulu, Christian 2,05 m. 108 kg Dinamo Basket Sassari AP 22 Simanić, Boriša 2,09 m. 92 kg Mega Basket B 24 Jovic, Stefan 1,98 m. 89 kg Sin equipo P 32 Hlinason, Tryggvi 2,15 m. 118 kg Obradoiro CAB B 44 García, Javi 1,87 m. - kg Cantera A 45 Sant-Roos, Howard 2,01 m. 85 kg Panathinaikos BC	Entrenador Prencipal Porfirio Fisac Entrenador(s) Asistent(s) Aleix Durán Sergio Lamúa Nacho Juan Delegato Luis Giménez Preparador(s) Fisico(s) Isaac Caseras Leyenda (C) Capitán (*) Chuega solo en a Euroliga (PE) Pasaporte Europeu Lesionado Plantilla • Transaccions Ultima actualización: 11-12-2022

Altas

Altas 2022-23
Chugador	Posición	Procedencia	Tipo	Coste
Rihards Lomažs	Escolta	Merkezefendi BDB	Achent libre.	0 €
Boriša Simanić	Ala-Pivot	Mega Basket	Achent libre.	0 €
Marcel Ponitka	Base-Escolta	Skyliners Frankfurt	Achent libre.	0 €
Justinian Jessup	Escolta-Alero	Illawarra Hawks	Achent libre.	0 €
Maodo Nguirane	Pivot	Rueil Athletic Club	Achent libre.	0 €
Howard Sant-Roos	Alero	Panathinaikos BC	Achent libre.	0 €
Chris Wright	Base	Derthona Basket	Achent libre.	0 €
Stefan Jovic	Base	Sin equipo	Achent libre.	0 €

Baixas

Baixas 2022-23
Chugador	Posición	Destino	Tipo	Cobro
Jordan Bone	Base		Fin de contracto.	0 €
Rodrigo San Miguel	Base	Hereda San Pablo Burgos	Fin de contracto.	0 €
Sean Kilpatrick	Escolta		Fin de contracto.	0 €
Hans Vanwijn	Ala-Pivot	Nanterre 92	Fin de contracto.	0 €
Omar Cook	Base		Retirau.	0 €
Deon Thompson	Ala-Pivot		Fin de contracto.	0 €
Aleix Font	Escolta		Fin de contracto.	0 €
Stan Okoye	Alero	SIG Strasbourg	Rescisión de contracto.	0 €
Rihards Lomažs	Escolta	Sin equipo	Rescisión de contracto.	0 €
Frankie Ferrari	Base	Bàsquet Manresa	Rescisión de contracto.	0 €

Cesions

Cedidos 2022-23
Chugador	Posición	Destino	Liga	Notas

Femenina

Casademont Zaragoza 2022-23
Chugadoras	Equipo tecnico
Pos. # Nac. Nombre Altaria Peso Procedencia P 1 Sutherland, Aishah 1,87 m. - kg Zagłębie Sosnowiec E 2 Tate, Imani 1,75 m. - kg Innova-TSN Leganés B 4 Ortiz, Mariona 1,81 m. - kg Club Baloncesto Estudiantes B 5 Grande, Carmen 1,75 m. - kg Baxi Ferrol P 7 Zelnyte, Laura 1,89 m. - kg Pallacanestro Sanga Milano B 8 González, Lara 1,73 m. - kg IDK Euskotren AP 11 Gimeno, Vega 1,85 m. - kg Durán Maquinaria Ensino A 13 Fiebich, Leonie 1,93 m. - kg Flammes Carolo Basket A 16 Oma, Helena 1,80 m. - kg Durán Maquinaria Ensino P 23 Geldof, Serena-Lynn 1,97 m. - kg Campus Promete AP 33 Alonso de Armiño, Gracia 1,80 m. - kg Kutxabank Araski P 34 Gatling, Markeisha 1,93 m. 103 kg Nadezhda Orenburg	Entrenador Prencipal Carlos Cantero Entrenador(s) Asistent(s) José Carlos Marcos Delegato Beatriz González Preparador(s) Fisico(s) Alejandro Arza Leyenda (C) Capitán (*) Chuega solo en a Euroliga (PE) Pasaporte Europeu Lesionado Plantilla Ultima actualización: 08-12-2022

Altas

Altas 2022-23
Chugadora	Posición	Procedencia	Tipo	Coste
Helena Oma	Alero	Durán Maquinaria Ensino	Achent libre.	0 €
Serena-Lynn Geldof	Pivot	Campus Promete	Achent libre.	0 €
Imani Tate	Escolta	Innova-TSN Leganés	Achent libre.	0 €
Mariona Ortiz	Base	Club Baloncesto Estudiantes	Achent libre.	0 €
Carmen Grande	Base	Baxi Ferrol	Achent libre.	0 €
Leonie Fiebich	Alero	Flammes Carolo Basket	Achent libre.	0 €
Gracia Alonso de Armiño	Ala-Pivot	Kutxabank Araski	Achent libre.	0 €
Laura Zelnyte	Pivot	Pallacanestro Sanga Milano	Achent libre.	0 €
Aishah Sutherland	Pivot	Zagłębie Sosnowiec	Achent libre.	0 €
Markeisha Gatling	Pivot	Nadezhda Orenburg	Achent libre.	0 €

Baixas

Baixas 2022-23
Chugador	Posición	Destino	Tipo	Cobro
Sierra Calhoun	Alero		Fin de contracto.	0 €
Antonia Delaere	Base	Reyer Venezia	Fin de contracto.	0 €
Maria Bettencourt	Base		Fin de contracto.	0 €
Anna Cruz	Escolta	Barça CBS	Fin de contracto.	0 €
Maria Kostourkova	Pivot		Fin de contracto.	0 €
Anna Maria Winkowska	Pivot		Fin de contracto.	0 €
Aminata Sangare	Alero	Club Baloncesto Alcobendas	Fin de contracto.	0 €
Zoe Hernández	Base	FNB Ardoi	Fin de contracto.	0 €
Merritt Hempe	Alero	USK Praha	Pago de clausula.	? €

Historial

Masculino

Anyada	Ran	Liga	Pos.	Resultato final	Competicions de Copa	Europa	Liga	Playoffs	Copa	Europa	Total
2002–03	2	LEB	14	Playoffs de baixata	–	–	12–18	3–2	–	–	15–20
2003–04	2	LEB	4	Semifinals	Copa Prencipe	–	20–14	5–5	2–0	–	27–19
2004–05	2	LEB	6	Quartos de final	Semifinals Copa Prencipe	–	19–15	0–3	0–1	–	19–19
2005–06	2	LEB	4	Semifinals	–	–	25–9	5–3	–	–	30–12
2006–07	2	LEB	3	Semifinals	–	–	21–13	5–3	–	–	26–16
2007–08	2	LEB Oro	1	Puyata	Semifinals Copa Prencipe	–	28–6	–	0–1	–	28–7
2008–09	1	ACB	17	Baixata	Supercopa	–	8–24	–	1–1	–	9–25
2009–10	2	LEB Oro	1	Puyata	–	–	27–7	–	–	–	27–7
2010–11	1	ACB	10	–	–	–	16–18	–	–	–	16–18
2011–12	1	ACB	10	–	–	–	16–18	–	–	–	16–18
2012–13	1	ACB	3	Semifinals	Semifinals SC, Quartos de finals CR	–	21–13	2–4	0–2	–	23–19
2013–14	1	ACB	8	Quartos de final	Semifinals CR	Last 32 Eurocup	18–16	0–2	1–1	8–8	27–27
2014–15	1	ACB	9	–	Quartos de final CR	Last 32 Eurocup	18–16	–	0–1	6–10	24–27
2015–16	1	ACB	12	–	–	Ueitenos de final Eurocup	13–21	–	–	12–6	25–27
2016–17	1	ACB	15	–	–	–	9–23	–	–	–	9–23
2017–18	1	ACB	16	–	–	–	10–24	–	–	–	10–24
2018–19	1	ACB	4	Semifinals	–	–	18–16	2–3	–	–	20–19
2019–20	1	ACB	3	Fase de grupos	Quartos de final CR	Quatreno BCL	16–7	1–4	0–1	13–6	30–11
2020–21	1	ACB	13	–	–	Terceno BCL	13–19	–	–	11–4	24–23
2021–22	1	ACB	16	–	–	Primera fase FIBA Europe Cup	12–22	–	–	2–4	14–26
2022–23	1	ACB

     Campión      Subcampión

Femenino

Anyada	Ran	Liga	Pos.	Resultato final	Competicions de Copa	Europa	Liga	Playoffs	Copa	Europa	Total
2020–21	1	LF1	13	–	–	–	9–21	–	–	–	9–21
2021–22	1	LF1	5	Quartos de final	Quartos de final CR	–	18–12	0–2	0–1	–	18-15
2022–23	1	LF1

Datos d'o club

1ª Equipación

2ª Equipación

• Millor posición en liga: 3^eno (ACB) (anyada 2012/13)
• Pior posición en liga: 14^eno (LEB) (anyada 2002/03)

Palmares

• Liga LEB Oro (2): 2007-08, 2009-10.
• Copa Prencipe (1): 2003-04.

Vinclos externos

• Pachina oficial d'o Basket Zaragoza 2002.
• CAIzaragoza.net
• Basket-Zaragoza.com

Se veiga tamién

• Inchas Lleons.
• Liga ACB.