10 de mayo

Escaicimientos

Aragón

• 1995 - o Real Zaragoza campión d'a Recopa d'Europa de Fútbol en redotar en a final en París a l'Arsenal FC.

Atros países

• 1010 - una tropa de 10.000 soldaus formada por partidarios de Muhammad II al-Mahdi (esclavos de toda Europa) y soldaus d'o condau de Barcelona mandaus por Remón Borrell conquiere y espulla Cordoba, reponendo en a cadiera reyal a Muhammad y fendo-ie fuera a Sulaiman al-Mustain.
• 1796 - mientres a primera campanya d'Italia, en as Guerras revolucionarias francesas, s'escayece a batalla d'o puent de Lodi con a victoria de l'Exercito francés de Napolión Bonaparte sobre l'Exercito austriaco.
• 1849 - remata en o Mausoleu d'o Sheih Tabarsi a batalla de Tabarsi entre os bahais seguidors d'O Báb y as tropas gubernamentals persas d'a dinastía Qajar, con victoria d'istos zagueros.
• 1933 - en a Bebelplatz de Berlín (Alemanya), miembros d'a Chobenalla Hitleriana y d'as Sturmabteilung (u SA), organizacions nazis, cremoron, alto u baixo, 20.000 libros. Das war ein Vorspiel nur, dort wo man Bücher verbrennt, verbrennt man am Ende auch Menschen (Heinrich Heine, 1817) (estió sólo un prencipio, a on bi creman libros, antis u dimpués bi creman presonas).
• 1940 - en a Segunda Guerra Mundial, aplicando o Fall Gelb u Plan Amariello de Gerd von Rundstedt y Erich von Manstein, as tropas d'a Wehrmacht dentran en Luxemburgo, Países Baixos, Belchica y Francia, prencipiando a batalla de Francia.

Naixencias

Aragón

• 1945 - naixencia en Epila (Val de Xalón) d'o pintor, gravador y debuixant aragonés Natalio Bayo Rodríguez.

Atros países

Sieglo XVIII

O militar francés Louis Nicolas Davout, qui naixió o 10 de mayo de 1770.

• 1760 - naixencia en Montaigu (Reino de Francia, hue Jura, Franco Condau, Francia) o militar y compositor francés Claude-Joseph Rouget de Lisle, autor de La Marseillaise, o himno nacional de Francia (†1836).
• 1770 - naixencia en Annoux (Reino de Francia, hue Yonne, Francia) d'o militar francés Louis Nicolas Davout (†1823).

Sieglo XIX

• 1822 - naixencia en Madrit d'o duque d'Íxar Agustín de Silva y Bernuy Fernández de Híjar (†1872).
• 1843 - naixencia en Las Palmas de Gran Canaria d'o escritor canario Benito Pérez Galdós (†1920).
• 1878 - naixencia en Berlín d'o politico alemán Gustav Stresemann.
• 1888 - naixencia en Viena (Imperio austro-hongaro, hue Austria) d'o compositor de bandas sonoras estausunidense d'orichen austriaco Max Steiner (†1971).
• 1890
  • - naixencia en Clinton (Massachusetts) d'o director cinematografico (y actor ocasional) estausunidense Clarence Brown (†1987).
  • - naixencia en Würzburg (Reino de Bavera, Imperio Alemán, hue Bavera, en Alemanya) d'o militar alemán Alfred Jodl (†1946).
• 1897 - naixencia en Asker (Akershus) d'o politico noruego Einar Gerhardsen.
• 1899 - naixencia en Omaha (Nebraska) de l'actor, bailarín y cantaire estausunidense Fred Astaire (†1987).

Sieglo XX

• 1902 - naixencia en Pittsburgh (Pennsilvania) d'o director cinematografico, guionista y productor cinematografico estausunidense David O. Selznick (†1965).
• 1919 - naixencia en Shannon (Texas, Estaus Unius) de l'actor y especialista de cine estausunidense Chuck Roberson (†1988).
• 1931 - naixencia en Trevico (Provincia d'Avellino, Campania, Reino d'Italia, hue Italia) d'o director cinematografico y guionista italiano Ettore Scola.
• 1957 - naixencia en Londres d'o cantaire y baixista britanico Sid Vicious (†1979).
• 1960 - naixencia en Dublín d'o cantaire y musico (guitarra, harmonica) irlandés Bono, miembro d'o grupo U2.

Defuncions

Atros países

• 1774 - muere en o palacio de Versailles (Versailles, Francia) o rei de Francia y tamién rei de Navarra Loís XV de Francia (n.1710).
• 1849 - muere en Tokio (Chapón) o pintor, debuixant y gravador chaponés Katsushika Hokusai.
• 1863 - muere en a gara de Guinea (Virchinia) o militar estausunidense Thomas Jonathan Jackson, dito "Stonewall" Jackson (n.1824).
• 1977 - muere en Nueva York (Nueva York) l'actriz estausunidense Joan Crawford (n.1905).