Iberia Sport Club
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Iberia Sport Club | |||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| |||||||||||||||||||||||||||
| Datos | |||||||||||||||||||||||||||
| Nombre oficial | Iberia Sport Club | ||||||||||||||||||||||||||
| Embotada(s) | Vriespas | ||||||||||||||||||||||||||
| Establito | 24 de marzo de 1917 | ||||||||||||||||||||||||||
| Desaparición | 18 de marzo de 1932 | ||||||||||||||||||||||||||
| Socios | 20 400 | ||||||||||||||||||||||||||
| Instalacions | |||||||||||||||||||||||||||
| Nombre | Estadio de Torrero | ||||||||||||||||||||||||||
| Localidat | Zaragoza | ||||||||||||||||||||||||||
| Aforo | 15.000 | ||||||||||||||||||||||||||
| Devantad. | 7 d'octubre de 1923 | ||||||||||||||||||||||||||
| Zaguera temporada | |||||||||||||||||||||||||||
| Liga | Tercera División | ||||||||||||||||||||||||||
| 1931/32 | 5eno (Grupo III-A) | ||||||||||||||||||||||||||
| Equipacions | |||||||||||||||||||||||||||
| |||||||||||||||||||||||||||
O Iberia Sport Club estió un club poliesportivo aragonés d'a ciudat de Zaragoza en a que a suya sección de fútbol estió a mas conoixida. Fue fundau como club de fútbol o 24 de marzo de 1917, y chugaba os suyos partius en o estadio de Torrero. En 1932 se fusionaría con o Zaragoza Club Deportivo, dando orichen a o Zaragoza Foot-ball Club, primer nombre de l'actual Real Zaragoza.
Atras seccions que tenió estioron as seccions d'atletismo, natación y ciclismo.
Historia
editarOs primers equipos d'Aragón no estioron empentaus a traviés d'as clases populars, sino que estioron universitarios, politicos y a clase alta os que veyioron una oportunidat de promoción particular, d'as suyas interpresas u ciudaz en veyer lo exito de publico que teneba este nuevo esporte en as grans ciudaz d'o país como Madrit, Barcelona u Bilbao. Ocupaban puestos directivos en os club y a mayoría d'as vegadas tambien de chugadors y miembros d'as federacions. En istas José María Gayarre persona esencialment politica y pai de cuasi todas as iniciativas futbolisticas de Zaragoza ye contactau por alumnos d'o colechio El Salvador d'os Chesuitas ta creyar un equipo de fútbol. Gayarre contacta con directius d'as interpresas Cementos Portland y a fabrica ferroviaria Carde y Escoriaza ta creyar un club y establioron la creyación d'o iberia. As personas relacionadas con ixas interpresas se convirtioron en directius, chugadors y aficionaus.
O Iberia Sport Club fue fundau o 24 de marzo 1917, Vestiba camisa amariella y negra y calzons negros, por ixas colors yeran conoixius popularment como “os vrispas”. Prencipioron a chugar os suyos partius como local en o Campo d'o Sepulcro, en os cuals estioron los solars an s'heba celebrau la Exposición Hispano-Francesa de 1908 en as cercanías de l'actual Plaza d'os Setios de Zaragoza, pa dimpués pasar a chugar en a Hipica (hue Centro Esportivo Municipal Gran Vía, a lo costau d'a Ciudat Universitaria u Campus d'a Plaza San Francisco) entre atros terrenos, a lo no tener campo propio.[1]
En 1917 o Iberia consigue o títol de Campión Rechional d'Aragón, a o que le seguirán diez títols mas mientres os siguients catorce anyos.
O 7 d'octubre de 1923 inaugura campo propio, construyiu en o tradicional barrio de Torrero, en un solar amán d'a Canal Imperial d'Aragón, yera un estadio de gran capacidat ta la epoca y conoixiu como estadio de Torrero u popularment como a catedral gualdinegra. L'estadio yera una instalación poliesportiva que tamién teneba piscina, un campo de fútbol d'entrenamiento y velodromo.
Compitió en a Segunda División d'Espanya, mientres tres temporadas (1928/29, 1929/30 y 1930/31). En a primera temporada d'a categoría d'archent (temporada 1928/29) cuasi puyó enta a primera división, quedando empatau a puntos con o campión o Sevilla Club de Fútbol que chugaría a promoción. A la siguient temporada (temporada 1929/30) se quedaría a un punto de puyar dreitament, por dezaga d'o Sporting de Gijón empatau a puntos, y a un d'o primero d'a categoría: o Deportivo Alavés, que puyaría a Primera División. Zarraría a suya aventura en busca d'a elite (temporada 1930/31) ocupando o zaguer puesto y pasando asinas a competir en a Tercera División d'Espanya en a temporada 1931/32, quedando cinqueno d'o Grupo III-A.
En marzo de 1932 se fusionó con o segundo equipo d'a ciudat, o Zaragoza Club Deportivo ta formar o Zaragoza Foot-ball Club, actual Real Zaragoza.
Datos d'o club
editar
* Nota: S'amostran nomás as temporadas de competición de Liga dende a suya instauración por a RFEF. De 1928 a 1940, o sistema de competición de Liga en Espanya yera parellano a l'actual brasilero, dos sistemas piramidals simultanios y independients: a piramide nacional, y a piramide rechional.
- Temporadas en Segunda División: 3.
- Temporadas en Tercera División: 1.
Palmarés
editarTorneos rechionales
editarBibliografía
editar- El sueño de ser grandes: Historia social del nacimiento del fútbol en Zaragoza, 1903-1936. Pedro Ciria Amores. ISSN 2254-7606. Tesis doctoral. Universidad de Zaragoza. Facultad de Filosofía y Letras. Departamento de Historia Moderna y Contemporánea. Zaragoza, 2012. Texto completo
- Zaragoza y su fútbol, un sentimiento histórico. 2012, Pedro Ciria Amores. Artículo en Rolde: revista de cultura aragonesa (nº 141, p. 1-19). Texto completo
Vinclos externos
editar- (es) Página oficial del Real Zaragoza
- (es) Orichens y antecedents d'o Real Zaragoza en LaFutbolteca.com
Datos: Q1095594
