Abrir menú principal

Campos d'urnas catalano-aragoneses

CronolochíaEditar

La periodización de los campos d'urnas que fació Martín Almagro Gorbea pa lo noreste de la peninsula iberica ye:

Anyo antes Cristo
Periodo I: Campos d'urnas antigos1100
Periodo II: Campos d'urnas antigos1000
Periodo III: Campos d'urnas recients900
Periodo IV: Campos d'urnas recients800
Periodo V: Campos d'urnas de lo fierro u tardanos700-600
Periodo VI: Capos d'urnas de lo fierro u tardanos600-500

Por lo que pareix los campos d'urnas antigos representan una difusión dende lo Lenguadoc, tradicionalment considerada con movimientos de población que levaban ixa cultura, y los campos d'urnas recients representan una evolución local de los anteriors, sin guaire relación con lo que se desveniba ya a lo norte de los Pireneus. Se considera que bell elemento común entre los campos d'urnas de lo fierro y la cultura de Hallstatt d'Alemanya y Renania (Hallstatt D) s'explicarían por relacions comercials.

Campos d'urnas antigos periodo IEditar

No ye representau en Aragón pero en la redolada de Barcelona correspone a lo libel Can Missert I y en Lenguadoc a Prével.

Campos d'urnas antigos periodo IIEditar

En Barcelona ye representau por lo libel Can Missert II y en Lenguadoc por Hasard I y Tafanel I-II A. Las urnas de Can Missert II son de lo tipo Sassenay, que tamién se troba en Lenguadoc. Pareix que hi habió una expansión enta lo Segre y enta lo sud plegando dica Borriol (Castellón). Se considera n'este periodo la etapa inicial d'ocupación de lo Cabezo de Monleón (Casp) en base a la suposición de la presencia d'unos vaixiellos de cuerpo globular, cuello cilindrico y borde convexo.

Campos d'urnas recientsEditar

Representan una tercera fase de lo Bronze final, y abarca dende lo 850 a.C dica lo 700 a.C.

N'esta epoca perduran poblaus que ya existiban como lo de Monleón, pero n'apareixen de nuevos. De lo sieglo IX a.C ye la famosa estela de Luna, (Val Palmas).

Los poblaus de nueva planta como lo de Pompeya (Sant Per de Calanda) tienen casas de planta rectangular. La fase II de lo poblau de Palermo tien calles nuevas, con casas de planta rectangular, bancas corridas y fogars con recipients de bardo pa mantener las brasas.

En lo chacimiento d'Els Castellets de Mequinenza bi ha una sepultura circular, de tradición megalitica, colectiva que perteneixió a més de 30 presonas, con aixuvars de ceramica acanalada y brazaletz de bronze.

Lo libel de Campos d'Urnas recients de lo chacimiento de Cabezo de Monleón corresponde a lo periodo III d'esta cultura.

Lo chacimiento de Coll del Moro, Lo libel Zaila I y lo libel I de lo chacimiento Roquizal de Rullo de Favara perteneixen a lo periodo IV de los campos d'urnas recients.

Campos d'urnas tardanosEditar

Son campos d'urnas de la primera Edat de Fierro. Perteneixen a esta etapa qualques libels de los poblaus de Roquizal del Rullo (Favara), Cabezo de Monleón (Casp) y Loma de Brunos (Casp) que ya existiban.

La introdución de la metalurchia de fierro no ye uniforme. L'analís con carbonio 14 amuestra una antiguedat de 500 anyos pa la fase final d'ocupación (u albandono) de la Loma de los Brunos, y 600-630 pa lo fondo de capana y sepulcre de Gavín. En Loma de Los Brunos se vei obchetos de fierro en las sepulturas.

Lo libel Zaila II de campos d'urnas tardanos, lo chacimiento de La Salcediella, (Baixo Mayestrato), lo de Vilaseca IIIB (Tarragona), y Agullana IV (Ampordán), y Taffanel III (Lenguadoc) corresponen con lo periodo V, y talment tamién lo de La fase inicial de La Pedrera en lo Segre-Cinca.

Lo chacimiento de Tossal Redó, Solivella I (Castellón), La Pedrera (Segre-Cinca), Vilaseca IV (Tarragona) Anseresa (Barcelona) Muralla NE (Ampordán), y Taffanel IV (Lenguadoc) corresponden con lo periodo VI.

Miguel Beltrán Lloris indica una succesión de poblaus con voluntat cronolochica, dende lo sieglo VII a.C:

Muitos d'estos asentamientos los albandonan de sopetón en lo sieglo VI a.C, en muitos casos con sinyals d'incendios cheneralizaus. Ixo fa pensar en la presencia de chent enemiga d'identidat y procedencia desconoixida. Bi ha una coincidencia entre l'albandono d'estos poblaus y la formación de la cultura iberica en comarcas vicinas de l'este[1].

EconomíaEditar

Yeran pueblos pa qui l'agricultura cerealista yera muito important y que ocupaban las tierras facilment cautivables de las riberas. En la Edat de Bronze final presuntos recient plegaus portadors de la cultura de los campos d'urnas ocupaban altarias inferiors a los 600 m mientres que los portadors de culturas nativas, influius u no por los Campos d'urnas yeran establidas en las partes més alteras, en especial en o Sistema Iberico terolano.

TecnolochíaEditar

Por lo que se considera huei, prenioron la tecnolochía de fierro con contactos con griegos y fenicios y no por invasions de pueblos afins de l'atro costau de los Pireneus.

HistoriaEditar

La fin de los campos d'urnas de la primera Edat de Fierro la marca la iberización en la zona oriental y l'aparición de la cultura protoceltiberica en la Meseta oriental y Sistema Iberico interior.

Adscripcions etnicasEditar

A mitat de sieglo historiadors y arqueologos espanyols, con visions invasionistas tipicas de la epoca consideroron que con la extensión de los Campos d'urnas por la peninsula en diferents tandadas trayó pueblos indoeuropeus preceltas primero (ilirios), y celtas dimpués. Atros historiadors precisaban que los preceltas entroron con los campos d'urnas y los celtas con la cultura de Hallstatt. Pericot y Maluquer consideraban que la entrada de los campos d'urnas por lo costau catalán y de lo Baixo Ebro y por lo costau Aquitán y Guipuzcoano enta l'Alto Ebro dixó aislada a una población nativa de la Edat de Bronze en los Pireneus centrals que dimpués serían los vascons[2].

Huei s'ha visto que no ye posible diferenciar tan bien unas pocas tandadas d'invasors, y no consideran que hi habió una cultura de Hallstatt en la peninsula iberica, sino que se charra de campos d'urnas de la primera edat de Fierro.

No se considera a los primers pueblos que trayoron los campos d'urnas ni como ilirios ni como celtas. Se considera que los ilirios son una branca indoeuropea que individualizó en los Balcans occidentals en la primera edat de Fierro. S'interpreta que los portadors de los primers campos d'urnas que entroron en la peninsula estioron indoeuropeus no diferenciaus en las brancas linguisticas actuals y que charrarían un antigo europeu, que mos ha dixau un lexico que Coromines baptizó como sorotaptico.

Se sabe que los antipasaus lingüisticos de los vasco-aquitans tamién yeran portadors de los campos d'urnas porque en los pireneus navarros bi ha uns cromlechs con urnas, como lo que podemos veyer en lo mont Orkulu en Irati.

ReferenciasEditar

  1. (es) Guillermo Fatás Cabeza (coordinador): Los celtas en el valle medio del Ebro. C.A.I, 1989.
  2. (es) Juan Maluquer de Motes Nicolau, Lluís Pericot García: La humanidad prehistórica. Salvat, Alianza Editorial, 1969.

BibliografíaEditar