Cultura iberica
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
A cultura iberica yera una cultura que se desembolicó en l'este d'a peninsula Iberica y en o Lenguadoc dica o Roine.
A cultura iberica no tiene un orichen exterior, se formó en o mesmo puesto a on se troba a partir de substratos culturals diferents, (cultura argarica, bronce levantín, campos d'urnas catalano-aragoneses, ecetra..), y ye fácil que de luengas diferents, (indoeuropeas, basco-aquitanas, atras lenguas preindoeuropeas, etc...). Representa a cultura que teneban os pueblos indichenas costers dimpués de tener contactos comercials con pueblos d'o Mediterranio oriental, (Fenicios y Griegos), que i facioron colonias. As fuents clasicas diciban ibers a os pueblos d'esta cultura.
S'imitó o sistema politico-social d'as ciudaz-estau de fenicios y griegos, (como as polis griegas por eixemplo).
Teneban escritura y un alfabeto propio, l'alfabeto iberico.
Iberización editar
A iberización ye l'adquisición y expresión d'os caracters culturals definidors d'a cultura iberica y consiste en procesos rechionals multiples en os que poblacions de diferent caracter van desembolicando unas formas d'organización social mes complexa y un vehiclo d'expresión mes u menos homochenio: un arte, una tecnolochía, una luenga.[1]
En Catalunya a iberización se fació sobre un substrato cultural con influencia d'a cultura d'os Campos d'Urnas. A presencia d'os griegos focios en Ampurias producirá una aculturación en os habitants nativos que tienen capacidat de fer tractos d'intercambio con os griegos. A iberizacion d'a val d'Ebro se produció d'una traza pareixida a Catalunya (antiga presencia d'os Campos d'Urnas y incluencia d'as colonias griegas), pero en un proceso cronolochicament posterior.[1].
En Levant a iberización se desembolico dende un substrato cultural propio: a cultura d'o Bronce Valenciano, con influencias de poblacions venidas d'Andalucía que fundoron poblacions que dimpués no perdurarían. Os colonizadors griegos u fenicios no influyoron guaire en a evolución cultural de Levant porque cuasi no bi heba recursos minerals que lis intresasen y porque tampoco no bi heba buenos puertos maritimos.[1]
Dimpués d'a suya formación en arias costeras a cultura iberica tenió una expansión en o centro-este peninsular, en especial por l'Ebro meyo.
Os pueblos celtas d'a meseta nord-oriental que tenioron contacto con a cultura iberica en prenioron bellacosa y desembolicoron a cultura celtiberica. No i heba una zona de muga clara entre as dos culturas, i heba una cambio progresivo.
Chacimientos con livels de cultura iberica editar
Referencias editar
- ↑ 1,0 1,1 1,2 Domingo Plácido Suárez, Jaime Alvar Ezquerra, Carlos González Wagner La formación de los estados en el Mediterráneo occidental Historia universal antigua, 10. Editorial Síntesis, 1991 pp184-190