Present de subchuntivo en francés

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O present de subchuntivo en francés indica deseyo, sentimiento, suposición, obligación, prohibición u mandato en oracions simples. As terminacions son -e, -es, -e, -ions, -iez, -ent, que de fueras d'as de primera y segunda persona plural coinciden con as d'o present d'indicativo.

Primera conchugación

As formas d'o present de subchuntivo son:

persona	Chanter	Equivalencia en aragonés: Cantar
1ª Sing.	Je chante	Yo cante
2ª Sing.	Tu chantes	Tu cantes
3ª Sing.	Il chante, elle chante	Él cante, ella cante
1ª Plur.	Nous chantions	Nusatros cantemos
2ª Plur.	Vous chantiez	Vusatros cantez
3ª Plur.	Ils chantent, elles chantent	Éls/Ellos canten, ellas canten

A primera conchugación presenta pocos verbos irregulars. As irregularidaz ortograficas afectan a los verbos acabaus en -yer, -eler, -eter, os que tienen una e sin accento u con accento (-é-) antes d'a zaguera consonant d'o suyo radical, y os que tienen una -é- en a zaguera parola d'o suyo radical.

Os verbos acabaus en -uyer y -oyer cambian a -y- por una -i- en cualques personas. A mes gran part d'os verbos en -oyer tienen esta terminación como francés y equivalen a los verbos frecuentativos en -iar de l'aragonés, de fueras de verbos como employer, (emplegar en aragonés, derivau de IMPLICARE). Tampoco en ye o caso d'o verbo envoyer < *INVIARE, que tiene un diftongo -oi- derivau d'a Ĭ latina (VIA > voie), y presenta irregularidaz mes grans en atros tiempos.

persona	1ª Conchugación
1ª Sing.	Emploie
2ª Sing.	Emploies
3ª Sing.	Emploie
1ª Plur.	Employions
2ª Plur.	Employiez
3ª Plur.	Emploient

Os verbos acabaus en -ayer tienen un present a on que ye opcional escribir -i- y -y- en cualques personas. Son verbos que en aragonés acaban en -gar (payer) u en -yar (essayer):

persona	1ª Conchugación
1ª Sing.	Paie / paye
2ª Sing.	Paies / payes
3ª Sing.	Paie / paye
1ª Plur.	Payions
2ª Plur.	Payiez
3ª Plur.	Paient / payent

Os verbos acabaus en -ier como étudier ("estudiar") tienen secuencias en -iions y -iiez en as personas plurals primera y segunda:

persona	1ª Conchugación
1ª Sing.	Étudie
2ª Sing.	Étudies
3ª Sing.	Étudie
1ª Plur.	Étudiions
2ª Plur.	Étudiiez
3ª Plur.	Étudient

Os verbos que tienen una -é- antes d'a zaguera consonant d'o radical son verbos acabaus en -érer (espérer, libérer, ecetra), y uns cuantos verbos acabaus en éder (céder, posséder, ecetra), y -éter (répéter, compléter, ecetra). A -é- esdeviene -è- antes de -e muda:

persona	1ª Conchugación
1ª Sing.	Espère
2ª Sing.	Espères
3ª Sing.	Espère
1ª Plur.	Espérions
2ª Plur.	Espériez
3ª Plur.	Espèrent

O mesmo esdeviene en os verbos que tienen una -e- sin accento grafico antes d'a zaguera consonant d'o radical. A -e- esdeviene -è- antes de -e muda y permaneixe igual en as personas plurals primera y segunda:

persona	1ª Conchugación
1ª Sing.	Lève
2ª Sing.	Lèves
3ª Sing.	Lève
1ª Plur.	Levions
2ª Plur.	Leviez
3ª Plur.	Lèvent

Bi ha dos modelos de verbos remataus en -eler. Os verbos que tienen esta terminacion como sufixo verbal y os verbos celer, ciseler, congeler, déceler, démanteler, écarteler, modeler y peler no doblan a -l- debant d'una silaba que contienga una e muda, y cambian a -e- muda d'a penultima silaba d'o infinitivo por una -è- ubierta. Os verbos que siguen o modelo d'appeler son épeler y rappeler.

persona	1ª Conchugación
1ª Sing.	Appelle
2ª Sing.	Appelles
3ª Sing.	Appelle
1ª Plur.	Appelions
2ª Plur.	Appeliez
3ª Plur.	Appellent

persona	1ª Conchugación
1ª Sing.	Gèle
2ª Sing.	Gèles
3ª Sing.	Gèle
1ª Plur.	Gelions
2ª Plur.	Geliez
3ª Plur.	Gèlent

Tamién bi ha dos modelos de verbos acabaus en -eter. Son verbos que doblan a consonant jeter (latín JACTARE), y étiqueter. Son verbos que no doblan a consonant: acheter, racheter, chocheter, fureter y haleter. Beluns d'estos zaguer presentan o sufixo verbal -eter. Naturalment no doblan a consonant os verbos compléter y inquiéter, que siguen o modelo de espérer.

persona	1ª Conchugación
1ª Sing.	Jette
2ª Sing.	Jettes
3ª Sing.	Jette
1ª Plur.	Jetions
2ª Plur.	Jetiez
3ª Plur.	Jettent

persona	1ª Conchugación
1ª Sing.	Achète
2ª Sing.	Achètes
3ª Sing.	Achète
1ª Plur.	Achetions
2ª Plur.	Achetiez
3ª Plur.	Achètent

persona	1ª Conchugación
1ª Sing.	Complète
2ª Sing.	Complètes
3ª Sing.	Complète
1ª Plur.	Complétions
2ª Plur.	Complétiez
3ª Plur.	Complètent

Segunda conchugación

Os verbos acabaus en -ir d'a segunda conchugación presentan un infixo verbal incoativo -iss-, equivalent a lo infixo -eixc- d'as conchugacions incoativas en aragonés.

persona	Finir	Cognato en aragonés: feneixer
1ª Sing.	Je finisse	Yo feneixca
2ª Sing.	Tu finisses	Tu feneixcas
3ª Sing.	Il finisse, elle finisse	Él feneixca, ella feneixca
1ª Plur.	Nous finissions	Nusatros feneixcamos
2ª Plur.	Vous finissez	Vusatros feneixcaz
3ª Plur.	Ils finissent, elles finissent	Éls/Ellos feneixcan, ellas feneixcan

Irregularidaz

O present de subchuntivo se fa con a radiz d'a tercera persona d'o plural d'o present d'indicativo. En o caso d'os verbos irregulars a radiz d'o present de subchuntivo coincide con a d'a tercera persona en plural d'o present d'indicativo, de fueras d'un verbos a on que as formas de primera y segunda persona d'o plural se fan con a respectiva radiz d'estas formas.

persona	1ª Conchugación
1ª Sing.	mette
2ª Sing.	mettes
3ª Sing.	mette
1ª Plur.	mettions
2ª Plur.	mettiez
3ª Plur.	mettent

persona	1ª Conchugación
1ª Sing.	vienne
2ª Sing.	viennes
3ª Sing.	vienne
1ª Plur.	venions
2ª Plur.	veniez
3ª Plur.	viennent

O feito que se prenga a mesma radiz que a tercera persona plural d'o present d'indicativo fa que en a segunda conchugación d'o francés en -ir, (heredera d'os verbos incoativos latinos y con a forma ils finissent en present d'indicativo), bi haiga un infixo incoativo -iss- en tot o present de subchuntivo: je finisse, tu finisses, ecetra, o que constituye una regularidat.

Son subchuntivos irregulars os d'o verbo être (je sois), o verbo avoir (j'aie), o verbo aller (j'aille), o verbo faire (je fasse), o verbo savoir (je sache), o verbo vouloir (je veuille), y o verbo pouvoir (je puisse).

Usos

En francés o subchuntivo se fa servir pa expresar obligación, voluntad, necesidat, deseyo, espera, preferencia, dubda u sentimiento:

• Preferencia, deseyo, necesidat, voluntat (seguindo a verbos como vouloir, demander, souhaiter, préferer):
  • Je voudrais qu'il fasse beau demain.
• Sentimiento (seguindo a verbos como aimer, être heureux, avoir peur):
  • Je suis heureux qu'il vienne.
• Dubda (seguindo a verbos como douter):
  • Je doute qu'il fasse beau demain.

Una d'as estructuras mas comuns con o present de subchuntivo ye il faut que ("ye menester que", "cal que"), que indica una obligación personal a diferencia d'una obligación cheneral, que s'expresa con un infinitivo:

• Il faut que je mange tôt.
• Il faut manger pour vivre.

A información que expresa o present de subchuntivo ye subchectiva. As oracions que presentan o subchuntivo dezaga de que son comparables a las oracions que presentan dezaga de que o futuro simple d'indicativo, pero con a diferencia que a información ye pensada como obchectiva:

• Je ne suis pas sûr qu'il réussisse - Je suis sûr qu'il réussirá.

Bibliografía

• (es) Gramática francesa. Larousse Editorial, S.A, 2000.
• (es) Jesús Cantera y Eugenio de Vicente: Gramática francesa. Editorial Cátedra, S.A., 1999.
• (fr) Jacky Girardet, Jean-Marie Cridlig: Panorama Plus 1 Méthode de français. Santillana-Clé International, 1996.
• (fr) Jacqueline Picoche y Jean-Claude Rolland: Dictionnaire étymologique du français. Dictionnaires Le Robert, 2009. ISBN 2849024244, 9782849024249.
• (fr) Ludivine Glaud, Yves Loiseau, Elise Merlet: Grammaire essentielle du françáis. B1. Les Éditions Didier, 2015.
• (fr) Maïa Grégoire, Odile Thiévenaz: Grammaire progressive du français. Clé International, 2002.

• Datos: Q22734231