Cierzo

O cierzo^[1]^[2] ye un aire cerenyo, muito fredo y seco d'o norte orichinato en a val d'Ebro, a causa d'a diferencia de presión entre a mar Cantabrica y o mar Mediterrania, cuan se fa una borrasca en iste zaguer y un anticiclón en l'anterior. A suya velocidat puet estar de 100 km/hora.

Os vientos en Aragón
Tresmontana Gregal Vernera Saloc Moregano Garbín Fagüenyo Cierzo

Encara que a suya aparición ye mas fácil en hibierno, puet estar present en cualsiquier inte de l'anyo. Cuan o cierzo ye suau se diz que fa cerceta.^[1]

Etimolochía

Este aire yera conoixito en l'Imperio Romano, ye citato por Catón o Viello en o sieglo II aC con o nombre en latín de CERCIO y por o poeta bilbilitán Marco Valerio Marzal en o sieglo I. Tamién lo citan en o "Libro d'el Trasoro":

El otro principal que viene de transmontana da nuues e friores e aquel que les dreça enta ponyent da piedra e nueze, e ha nonbre cierço; mas el otro que es enta leuant restrinye pluujas e nuues.

Ditos y mazadas

«cierzo qu'anubla agua segura»^[3]

Referencias

↑ ^1,0 ^1,1 (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
↑ (an) Chusé Lera Alsina Aplego. Diccionario de Resistencia y Gramática sobre lo cheso. Massanas gràfiques. 2004. p 65
↑ (es) Pedro Arnal Cavero: Refranes, Dichos, Mazadas... En El Somontano Y Montaña Oscense, Prames, 2013, ISBN 978-8483213957, p.29

Datos: Q3574459

[DORTO-1] 1,0 ^1,1 (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.

[APLEGO-2] (an) Chusé Lera Alsina Aplego. Diccionario de Resistencia y Gramática sobre lo cheso. Massanas gràfiques. 2004. p 65

[3] (es) Pedro Arnal Cavero: Refranes, Dichos, Mazadas... En El Somontano Y Montaña Oscense, Prames, 2013, ISBN 978-8483213957, p.29

[1]

[2]

[3]