Almurabit
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Os almurabiz[1] (en arabe المرابطون al-Murabitun, sing. مرابط Murabit, ermitano) son un movimiento islamico d'orichen africano que apareixió en l'aria entre Senegal y Mauritania en o sieglo XI y que imposó en buena parte de Berbería a ortodoxia sunnita d'a escuela malequí. Invadioron a peninsula iberica y facioron desapareixer totas as taifas musulmanas y recular a os reinos cristianos.
| Imperio Almurabit المرابطون | ||||
| ||||
| ||||
 | ||||
| Capital | Aghmat (1040-1062) Marráquex(1062-1147) Cordoba | |||
| Idioma oficial • Atros idiomas |
Arabe Luengas berbers | |||
| Relichión | Islam malikí | |||
| Gubierno | Imperio | |||
| • Formación | 1040 | |||
| • Desaparición | 1147 | |||
.jpg){kind=small}
O nombre d'os almurabiz deriva de Ribat, monesterio on rezaban y se preparaban pa o combate militar contra os infidels. En isto se pareixeban a las órdens militars d'a cristiandat medieval. Tamién lis deciban mulattimun porque cubriban a suya cara con un belo u litam.
En a primera mitat d'o sieglo XI o chefe d'os zenachas saharianos, acompanyato con o reformador relichioso Abd Allah b Yasin, fundó un monesterio u ribat en a ripa de l'Atlantico, en as costas de Río d'Oro u Mauritania.
En pocos anyos os almurabiz controloron tot o Sahara occidental y empecipioron una expansión ta o norte chocando contra a Confederación Zanata, rivals ancestrals d'os zenacha. Os nuevos emirs d'a Confederación Zenacha Abu Bakr y Yusuf b Tasfin ocuporon os oasis d'o sud de Marruecos vencendo a resistencia de zanatas y barwatas. Abd Allah b Yassin morió fendo guerra contra os barwatas.
As reformas relichiosas yeran suprimir os impuestos ilegals y pedricar a ortodoxia sunnita. Con a muerte de l'Emir Abd Allah b Yassin o problema relichioso pasó a un segundo plan. En 1069 dimpués de vencer a os zanata prenioron Fez, y en 1070 fundoron Marráquex, a que será la suya capital. No podioron en un primer inte prener Ceuta, que teneba refirme d'os reinos taifas andalusins; cuan os reis taifas andaluces se veyen amenazatos por os abances d'Alifonso VI de Castiella y Leyón, a flota sevillana aduya a os almurabiz a prener Ceuta (1083).
Plegan ta l'Al Andalus en 1086, clamatos por os reis taifas. Dende 1090 prenen o control de totas as taifas menos as d'Albarracín, Alpuent y Saraqusta, que tardaron mas en ocupar porque no podeban atacar-las bien dica que no prenesen Valencia, feito que esdevenió en 1102.
Muerto l'emir Ali, os suyos sucesors no podioron aturar l'abance almuade. Os almuades prenioron Marráquex en marzo de 1147.
Referencias
editar- ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
Veyer tamién
editar
Datos: Q75613
Multimedia: Almoravid dynasty / Q75613
