Meskhi
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
| Meskhi Ahıska Türkleri | |||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | |||||||||||||||||||||||||||
|
| |||||||||||||||||||||||||||
| |||||||||||||||||||||||||||
| Turco, ruso, cheorchiano y azerín | |||||||||||||||||||||||||||
| Islam | |||||||||||||||||||||||||||
Historical.svg) Localización d'os meskhi en Cheorchia | |||||||||||||||||||||||||||
Os meskhi u meskhetas (en turco Ahıska Türkleri, en idioma cheorchiano მესხეთის თურქები, Meskhetis t'urk'ebi) son os habitants musulmans que i heba antes de 1944 en a rechión de Meskh (sudueste de Cheorchia, a lo canto d'a muga con Turquía). Yeran d'os grupos etnicos carapapakh, kurdo u chechén, u de faccions islamizatas d'o pueblo armenio (hamxenis) u cheorchiano, y fuoron deportatos por as autoridatz sovieticas ta Uzbekistán. En os anyos de deportación en Uzbekistán desembolicoron una conciencia etnica común y encomenzoron a definir-sen como turcos meskhi. Actualment charran una luenga turquica. Son mayoritariament musulmans sunnitas seguidors d'a escuela Hanafí, pero con una minoría de chiitas.
HistoriaEditar
En o sieglo XVI os otomans conquirioron o sudueste de Cheorchia y muitos cheorchianos y individuos d'atros pueblos caucasicos como os lazes se convirtioron a lo islam. Os cheorchianos d'a rechión d'Ajaltsije fuoron més luent, dixoron a luenga cheorchiana por a luenga turca y d'alcuerdo con bellas fuents se convirtioron a la forma chiita[3] d'a relichión musulmana.
I habió continos cambios de mugas dica o tractau de Kars de 1921, quan Turquía recuperó Ardahán y s'estabilizó a muga entre Turquía y Cheorchia. En o costato norte d'a muga, en territorio cheorchiano quedoron poblacions musulmanas que en 1926 yeran censatas como turcos. O 15 de noviembre de 1944 os musulmans de Ajaltsije y a rechión de Meskhet fuoron deportatos en masa ta Uzbekistán. Entre os musulmans deportatos de Meskhet i heba a més de cherchians musulmans, armenios musulmans (hamxenis) y turcos carapapakhes. A población musulmana de Meskhet fue deportata a lo mesmo tiempo que os kurdos d'o sur de Cheorchia y os lazes d'Acharia y en total estioron 200.000 presonas.
Os musulmans de meskhet desembolicoron una conciencia etnica común y encomenzoron a definir-sen como turcos meskhi en os anyos de deportación en Uzbekistán. No fuoron "rehabilitatos" en l'anyo 1957 a diferencia d'os calmucos, chechens, inguixes y atros "pueblos castigatos".
En os anyos sesanta y setanta prenioron notoriedat por a luita pa que los permetesen tornar ta Cheorchia u emigrar ta Turquía. En 1989 bi habió pogroms contra os Meskh en a val de Fergana d'Uzbekistán, y muitos Meskh fuyoron ta atras partz d'a URSS. Agora son en un proceso de lenta tornata ta Cheorchia.
ReferenciasEditar
- ↑ 1,0 1,1 1,2 1,3 1,4 1,5 1,6 Consello d'Europa (2006), Documentos: papers de treballo, sesión ordinaria de 2005 (segunda parte), 25-29 d'abril de 2005, Vol. 3: Decumentos 10407, 10449-10533, Consello d'Europa, ISBN 9287157545 .
- ↑ (en)Censuses of Republic of Azerbaijan 1979, 1989, 1999, 2009 The State Statistical Committee of the Republic of Azerbaijan
- ↑ André Sellier: Atlas de los pueblos de Oriente
BibliografíaEditar
- (es) Gonen, Amiram. Diccionario de los pueblos del mundo. Editorial Anaya, 1996. ISBN 978-8479793500.
- (es) Jean Sellier y André Sellier: Atlas de los pueblos de Oriente. Acento Editorial.