Imperio Otomán

(Reendrezau dende Otomans)
Articlo d'os 1000

O Estau Otomán (en turco otomán دولتِ عَليه عُثمانيه, Devlet-i Aliye-i Osmaniye; en turco muderno Osmanlı Devleti), mas a sobén dito Imperio Otomán (en turco Osmanlı İmparatorluğu), estió un estau y una potencia imperial situada en a suya mayor parti arredol d'a ribera d'a Mar Mediterrania, y que existió en o periodo de tiempo entre 1299 y 1922. En l'inte de mas amplaria, o sieglo XVII, o imperio incluiba tota a peninsula d'Anatolia, Orient Meyo, colonias en o norte d'Africa, a mayor parti d'os territorios situaus en a francha que va dende o sudeste d'Europa (Balcans, Grecia, Bulgaria, Rumanía) a o Caucas en o norte. En total teneba una superficie de bells 20 millons de kilometros quadraus, encara que a mayor parti no yera baixo control dreito d'o gubierno central. As posesions d'o Imperio se trobaban entre Orient y Occident por lo que mientres os suyos seis sieglos d'historia as suyas relacions internacionals estioron influidas por este feito.

Devlet-i Aliye-i Osmaniye
دولتِ عَليه عُثمانيه
Imperio Otomán
3by2white.svg Flag of None.svg Mameluke Flag.svg 3by2white.svg 1299 — 1923 Flag of Turkey.svg
Flag of Iraq (1921–1959).svg
Palestine-Mandate-Ensign-1927-1948.svg
Bandera Escudo d'armas
Lema nacional: دولت ابد مدت
Devlet-i Ebed-müddet
(O estau eterno)
Himno nacional: Himno nacional d'o Imperio Otomán
Capital Istambul
Idioma oficial Turco otomán
Relichión Islam
Gubierno Monarquía
Soldán
 • Osmán I
 • Mehmed VI

12811326
19181922
Periodo historico Historia
 • Fundación 1299
 • Desaparición 1 de noviembre de 1922
Superficie
 • 1683
 • 1856

5,200,000 km²
35,350,000 km²
Moneda Lira turca

Orichen y formaciónEditar

A migración entra l'ueste d'os turquemans levó a la fundación en 1055 d'o soldanato selchucida d'Irán. Quan os turquemans s'adrezoron ta Anatolia o Imperio Bizantín reaccionó pero o selchucida Alp Arslán los esclafó en Menzikert en 1071. Os vencedors yeran de dos tipos, turquemans que buscaban pasturas y gazis u guerrers d'a fe que levaban tiempo vivindo de saqueyar a muga con os cristians. Tanto uns como os atros s'ixemenoron por Anatolia sin estar controlaus por selchucidas u bizantins. Se fazioron os duenyos d'as zonas poco pobladas d'Anatolia central; bella población cristiana fuyó, atrás se convirtioron a o Islam y prenioron a luenga turquica.

A invasión mongola d'Orient Meyo en o sieglo XIII empentó nuevas poblacions turquemanas t'Anatolia. A zaguers d'o sieglo XIII o turquemán Osmán heredó un territorio en a muga con os bizantins, con posibilidatz de fer incursions de saqueyo y atrayó bell partidarios turquemán canalizando la belicosidat y ansia de botín. Os descendients d'Osmán creyoron o Imperio Otomán, que sindembargo trobará a oposición d'os prencipaus creyaus por os turquemans en Anatolia y que quereban mantener a suya independencia.

Osmán estió un hombre con prestichio con poder en Frichia que dende 1326 va prenendo territorios d'Anatolia central y occidental.[1] En 1326 Osmán prenió a ciudat bizantina de Brusa que esdevinió a primera capital d'os otomans.

O fillo d'Osmán, dito Orhán I (1324-1360) aduyó a Chuan Cantacuceno a prener o poder de Costantinoble en 1345. Baixo Orhán os otomans conquirioron a costa sud d'a mar de Marmara, ocupando o prencipato turquemán de Karasi en 1345 y obtenendo acceso a o estreito d'os Dardanelos. Esto lis permite de desembarcar en 1354 en Europa y prener Gallipoli y Tracia oriental,[1] on encomenzó una inmigración otomana, estando l'orichen d'os turcos rumelís.

Creyación d'un imperioEditar

Dimpués de conquerir Ankara, asegurando as posicions otomanas en o centro d'Anatolia, Murat I (1360-1389) conquirió Andrianoplin a o Imperio Bizantín, fendo-ne a suya nueva capital, y dimpués conquirió o sud de Bulgaria. Dende 1363 os bizantins ya yeran eclipsaus por os otomans, estando-ne en a practica vasallos, pero os otomans no podeban prener Costantinoble porque o suyo exercito yera sobretot de caballería y incapable de setiar una ciudat fortificada d'esta mida.[2] En 1388 o prencipato de Caramán atacó a os otomans en Anatolia, pero fue venciu con l'aduya de tropas bulgaras. Dimpués os otomans derrotoron a o prencipe serbo Lazaro en a batalla de Kosovo, on Murat morió.

Luita contra TamerlánEditar

 
Armadura turca

Bayazet I interveniba en afers bizantins dende 1390, y aduyó a Chuan VII Paleologo a prener o poder. Entre 1391 y 1395 o despot de Morea Teodoro se declaró vasallo de Bayazet, y quasi a o mesmo tiempo tamién lo fa o gospodar de Bosnia. O prencipe d'Acaya solicitó l'aduya otomana, Vlaquia caye baixo dominio otomán y o soldán decide a suerte d'os zaguers reis serbos.[1]

Bayazet tamién habió se sozmeter a os prencipaus d'Anatolia coaligaus en contra d'ell. Dende 1390 Bayazet ocupa os emiratos u bayliks d'a costa Echea de Sarujan, Aydin, Mentesa y una parte d'Isfendiyar, en a costa d'a Mar Negra. Tamién s'apoderó de Sivas.[1] Os turquemans, distribuitos tamién fuera de l'aria d'acción d'os otomans, dende Anatolia Oriental dica Irán, por lur forma nomada de vida, quasi no lis afectaban as campanyas destructivas de Tamerlán. D'este modo os turquemans d'Anatolia demandoron aduya a Tamerlán, que envadió o sudeste d'Anatolia, encara que dimpués se'n fue ta a India. O prestichio de Bayazet dimpués d'a victoria en Nicopolis trayó ta o Imperio Otomán nuevas poblacions turquemanas. D'esta forma Bayazet decidió sozmeter tota Anatolia: Caramán en 1397 y os prencipaus d'o norte en 1398. Tamerlán tornó y os prencipes turquemans desposeius s'unioron a o suyo exercito. Una batalla se produzió en Ankara o 27 de chulio en 1402, os turquemans que en primeras luitaban en o bando otomán se pasoron a o bando de Tamerlán y d'os opositors turquemans. Os otomans fuoron derrotaus, Tamerlán restauró os prencipaus turquemans y Caramán fue ixamplada, adchudicando-li un papel preponderant.

RestauraciónEditar

Mehmed I consiguió tornar a fuerza a o Imperio Otomán y consolida a presencia otomana y turca en os Balcans. Encomienza a recuperación d'os territorios perdius en Anatolia. En tiempos de Mehmed I y Murat II Caramán esdevinió un estau tampón entre os otomans y mamelucos y una amenaza permanent ta o Imperio Otomán.

Murat II (1421-1451) asetió Costantinoble mientres tres meses en ixas envueltas de Manuel II Paleologo, y dimpués saqueya o Peloponiso y asetia Salonica. Os griegos bizantins han de pagar un tributo pa no ser conquiestos de tot.

Mehmet II (1451-1481) remata con a entelequia d'o Imperio conquerindo Costantinoble o 29 de mayo de 1453. O 15 d'agosto de 1461 se rinde o Imperio de Trapisonda, zaguer estau griego heredero d'o Imperio Román d'Orient.

ApocheuEditar

En l'apocheu d'o Imperio Otomán gobernana Solimán o Magnifico, dito tamién en Europa "Gran Turco".

DecadenciaEditar

 
Salida de Mehmed VI, o zaguer soldán d'o Imperio Otomán en 1922.

Selim II succedió a Solimán o Magnifico y encomenzó a decadencia. O Imperio Otomán encomenzó a retacular en a derrota d'o Setio de Viena. O Imperio Otomán desapareixió dimpués d'a I Guerra Mundial quan Mustafa Kemal Atatürk proclamó a Republica de Turquía.

En o sieglo XIX o Imperio Otomán se iba restrinchindo u centrando politicament cada vegada mes a o territorio habitau por turcos. Un nacionalismo expansionista calcau de modelos europeus como o paneslavismo u o panchermanismo influyó a qualques turcos anatolians y turquicos d'o Imperio Ruso, o panturquismo, pero os pueblos turquicos yeran tan ixemenaus y as diferencias entre ellos tan grans que o panturquismo no podeba levar-se a la practica. D'esta manera quan o gobierno d'os chovens turcos levó a o Imperio Otomán a la derrota en a I guerra mundial, amaneixió en a presona de Mustafa Kemal un nacionalismo mes pragmatico centrau en os turcos que habitaban en Anatolia y os territorios que podesen controlar, (turcos y turquicos d'a Turquía Europea, de Trascaucasia, d'o Kurdistán, etc...). A guerra de 1922-1923 tenió como resultau o establimiento d'una republica laica y a millor definición d'o pueblo turco, encara que o kemalismo occidentalizó as costumbres d'os turcos y atros musulmans de Turquía, en una prebatina de modernización. Abolió o soldanato (desaparición oficial d'o Imperio Otomán) y o califato, secularizó a vida social, atorgó igualdat de dreitos a las mullers, introdució l'alfabeto latín y os apellius, limpió d'arabismos y persismos a luenga estándar (turco otomán), prohibió l'uso d'o velo en as mullers y imposó a vestimenta occidental en os hombres.

ReferenciasEditar

  1. 1,0 1,1 1,2 1,3 (es) José-Ramón Julià et al: Atlas de Historia Universal. Tomo I De los orígeners a las crisis del siglo XVII. Editorial Planeta.
  2. (es) Jean Sellier y André Sellier. Atlas de los pueblos de Oriente. Acento Editorial.

BibliografíaEditar