Mecklemburgo-Pomerania Occidental

	Mecklemburgo-Pomerania Occidental; Mecklenburg-Vorpommern
	Estau d'Alemanya
Bandera	Escudo
	; Mapa de situación en Alemanya
Entidat; • Estau	Estau; Alemanya
Capital	Schwerin
Idioma oficial ; • Atros idiomas	Alemán ; Baixo alemán
Superficie; • Total	; 23 174.0 km²
Gubierno; • Ministro president	; Alfred Gomolka
Población; • Total (2013); • Densidat	; 1 596 500 hab. ; 74 hab/km²
ISO 3166-2	DE-MV
	Pachina web oficial

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Mecklemburgo-Pomerania Occidental u Mecklemburgo-Antepomerania (en alemán Mecklenburg-Vorpommern y en baixo alemán Mekelborg-Vörpommern) ye un d'os 16 Estaus federaus d'Alemanya, muga a o norte con a Mar Baltica, a l'ueste con Schleswig-Holstein, a o sudueste con Baixa Saxonia, a o sud con Brandemburgo y a l'este con Polonia.^[1] Tien una baixa densidat de población, 80 hab/km². Bellas ciudaz importants son Rostock, Stralsund y Wismar.

Historia

L'estau estió establiu en 1945 dimpués d'a Segunda Guerra Mundial por meyo d'a fusión d'as rechions historicas de Mecklemburgo y a Pomerania Occidental por parti de l'administración militar sovietica en l'Alemanya ocupada por os Aliaus. Se convirtió en parti d'a Republica Democratica Alemana en 1949, pero se disolvió en 1952 entre as reformas administrativas y o suyo territorio se dividió en os districtos de Rostock, Schwerin y Neubrandenburg. L'estau Mecklemburgo-Pomerania Occidental se restablió en 1990 dimpués d'a reunificación alemana y se convirtió en un d'os nuevos estaus d'a Republica Federal d'Alemanya.

Cheografía

Iste estau contiene una gran plataforma cheolochica de lacos connectaus entre él, amán d'a mar Baltica. Por ixo a Mecklemburgo-Pomerania Occidental se le conoixe como o "país d'os mil lacos", entre os cuals se destaca o laco Müritz, que ye o mayor d'Alemanya.

O centro turistico mas destacau ye a isla Rügen, que ye a mayor isla d'Alemanya.

Clima

O clima en Mecklemburgo-Pomerania Occidental ye determinau por a transición d'a influencia maritima en a zona costera d'a Mar Baltica a un clima continental templau en l'interior. A tendencia a la precipitación disminuye tierra adintro. A rechión d'a Mar Baltica, especialment en l'aria d'as islas de Usedom, Rügen y Hiddensee, tien o mayor numero de diyas soleyaus en Alemanya.

Organización politico-administrativa

Divisions administrativas

Mecklemburgo-Pomerania Occidental ye dividita dende 2011 en 6 districtos rurals y 2 districtos urbans:

Districtos rurals:

Districtos urbans:

Ciudaz destacatas


Puesto	Nombre	Población en 2017	Area	Densidat
1	Rostock	208,409	181 km²	1,149/km²
2	Schwerin	95,797	131 km²	734.0/km²
3	Neubrandenburg	64,259	86.1 km²	746.2/km²
4	Stralsund	59,517	54.1 km²	1,099/km²
5	Greifswald	58,886	50.8 km²	1,159/km²
6	Wismar	42,906	41.7 km²	1,028/km²
7	Güstrow	29,429	71.1 km²	414.0/km²
8	Waren (Müritz)	21,210	159 km²	133.0/km²
9	Neustrelitz	20,135	140 km²	144.0/km²
10	Parchim	18,074	125 km²	144.8/km²

Lista de ministro-presidents de Mecklemburgo-Pomerania Occidental

Ministro-presidents de Mecklemburgo-Pomerania Occidental
	Nombre	Partiu politico	Lechislatura
1	Wilhelm Höcker	SED	1946-1951
2	Kurt Bürger	SED	1951-1951
3	Bernhard Quandt	SED	1951-1952
Entre 1952 y 1990 o estau de Mecklemburgo-Pomerania Occidental estió aboliu
4	Alfred Gomolka	CDU	1990-1992
5	Berndt Seite	CDU	1992-1998
6	Harald Ringstorff	SPD	1998-2008
7	Erwin Sellering	SPD	2008-2017
8	Manuela Schwesig	SPD	2017-hue

Cultura

Luenga

Hue en día, a gran mayoría d'a chent charra alemán estandar; Fa uns sieglos, a mayoría d'a chent charraba baixo alemán (en alemán: Plattdeutsch u Niederdeutsch), un idioma que encara se mantiene vivo en diversas comunidaz y eventos culturals.

Gastronomía

Mecklemburgo-Pomerania Occidental tien as suyas propias virollas tradicionals, que a ormino incluyen pescau, vetiella y cochín. Dos virollas famosas son o Bismarckhering y o Rote Grütze.

Referencias

↑ (es) Klaus Michel Miebach: El federalismo en la República Federal de Alemania, Materiales de Trabajo N° 3, p.9, Friedrich Ebert Stiftung, 1997.

Vinclos externos

Se veigan as imáchens de Commons sobre Mecklenburg-Vorpommern.

	Estaus d'Alemanya
Baden-Wurtemberg \| Bavera \| Baixa Saxonia \| Berlín \| Brandemburgo \| Bremen \| Hamburgo \| Hesse \| Mecklemburgo-Pomerania Occidental \| Renania d'o Norte-Westfalia \| Renania-Palatinato \| Sarre \| Saxonia \| Saxonia-Anhalt \| Schleswig-Holstein \| Turinchia

Datos: Q1196
Multimedia: Mecklenburg-Vorpommern / Q1196

[1] (es) Klaus Michel Miebach: El federalismo en la República Federal de Alemania, Materiales de Trabajo N° 3, p.9, Friedrich Ebert Stiftung, 1997.

[1]